ضااااايق صدري :(

[*كلي دلع*]

السلام عليكم ورحمة الله وبركاته

انا معدلي الموزون 79.48 يعني ناقصة عن الـ 80 بـ 52. والله حرااااام جلست ابكي لمن ماقبلوني وطلعولي الجملة حقت وفقا للمعايير...... الخ اش اسوي ابغى انتظام بس الحمد لله على كل حال .

طيب الانتقالي هذا كيف ادخله وهم مو كاتبينوا من ضمن الخيارات ؟

وابغاكم تطمنوني في فرز ثاني والا لأ ؟ واذا في متى حيكون؟

ردواااااااااا عليا الله يحققلكم كل اللي تتمنوه

[رنيم سليمان]

وعليكم السلام ورحمة الله وبركاته


عزيزتي


بإذن الله يتيسر لكِ مكان

درجتك الموزونه قريبه جدًا من الـ80

وبذلك أنتِ الأولى بالفرز الثاني إن وُجدْ


توكلي على الله فهو القادر على كل شئ

وأكثري من قيام الليل والدعاء



لانستعجل الأمور = )

[عَـــهـــد]

لا تزعلي لسة في فرز تاني وزي ماقالتلك سعي ان شالله يقبلوكي

[باقة ^_^]

بجد فييييييييييييه فرز ولا مو متااكدين

وانا نفسسس حالتك آآآآآهـ وربي قههههههر

[*كلي دلع*]

يعني اكبيييييييييد في فرز ثاني ؟؟

[عَـــهـــد]

ايوه أقولك ليش ؟

لانه زي ماتعرفي انو التسجيل الكتروني فتلاقي طلبة كتيييرين سجلو
وكمان اكدو الطلب لكن غيرو رأيهم او انهم مايبو الجامعه

فماراح يجو يوم المراجعه ،،

بعدها راح يحصرو كل الناس الي جو وانقبلو وممكن يكون في مقاعد كتيرة شاغرة
فيقومو يشوفو اللي ماانقبلو ويراسلوهم

^.^

[NAGD]

دلع انتي مثلي انا 79.67 وما قبلوني مدري وش يبووووووووون اف بس يقبلون الى براء المنطقه ويخلووونا حراام عليهم حطموا احلااامنا حسبي الله ونعم الوكيل ان شا الله يكون فيه فرزه ثانيه لومافي ماني داخله شي تاني اقعد بالبيت واتحسب عليهم انا ابي انتظااام علمي يارب اشرح لي صدري

[عَـــهـــد]

الله ييسر أمووركم ..

لو نسبكم كوويسة قدمو على منح داخلية او على بعثات تفتح يوم السبت


^.^ ويمكن مايكون ليكم خير فدي الجامعه ويكون الخير في مكان تاني

[سوبر مان]

اسمعي .. تبغي نصيحة من جد مني ؟؟ وان شاء الله 1000000000% بينفع معاكي

لا تستني الفرز التاني ولا الهبل .. شوفي اخر الايام للي لازم يجيبو اوراقهم .. وروحي اخر يومين .. طفشيييييييهم .. لاتطفشي ولاتطلعي من الجامعة الا واوراقك عندهم .. قابلي العميدة قابلي اي احد بالادارة .. نسبتك مرة قرييييييييبة .. وكتير يسجلو ومايجيبو اوراقهم يغيرو رأيهم .. انا اعرف اولاد كتير كدا سوو السنة الماضية ومشيت .. اهم حاجا لاتطفشي .. بيصرفوكي كتير وبيحطموكي كتيييير .. لو انتي شخصيتك مو قد كدا وماتعرفي تشدي معاهم بالكلام .. تعالي مع احد كبير .. يقدرو اولياء الامور .. وان شاء الله تنقبلي بالراحة

[*طالبة العلم*]

هلا اختي


راح تجييك فرصه ان شاء الله انتي بس تابعي صفحتك ،، العام قبلوا الى يمكن 76 مدري والله ماني مفتكرة بالضبط


وغير كذا السسنة الجامعه لها اكثر من فرع .. بالجامعه وشمال جده ورابغ

وغير كذا برضوا في انتظام وانتقالي وتأهيلي


خلي املك بالله كبير وربي مايضيع لاحد تعب


ومووووووووفقه =)