شـوفــوا ولدهــآ بالقبــر خلاهــآ ..........

[د.كيــف]

خايف عليها من الثرى غطاهـا
و الا الحصى حافيه اخاف اذاهـا
اكرم عليها بالكفـن يـا مطـوع
بالبيت ظل فراشهـا و اغطاهـا
اكرم عليها بالكفـن هـذي امـي
و اشهد عليها في ما عطت يمناها
هذي الضحى والليـل يتحرونه
هذي السماء و نجومـها تنعاهـا
هذي السوالـف مثلنـا تبكيهـا
والارض تنشد عن اثر لخطاهـا
هذي الكبيره كبر هـذي الدنيـا
هذي العظيمه جل مـن سواهـا
ابكي عليها مـو نهـار و ليلـه
و لا سنه تمشي وعـد قضاهـا
ابكي عليها كثـر مـا شالتنـي
و كثر الحنين الي اختلط بغناهـا
و كثر الاسامي و كثر من سموها
و كثرالنجوم و كثر من يرعاهـا
ابكي عليها من القهر يـا دنيـا
من لي انا من لي عقب فرقاهـا
من فتحت عينـي و لا خلتنـي
و شوفوا ولدها بالقبـر خلاهـا
هل التراب بوجههـا مـا قصـر
شفتوا ولدها كيف هـو جازاهـا
لو انهـا مكانـي مـا سوتهـا
لكـن اعـز عيالهـا سـواهـا
يــآلدود .. شفها ذابله جنبها
انا ولدهـا و حاضـر وأفداهـا
قطعني هاك اللي تبي من جسمـي
بس الكريمـه لا تجـي بحذاهـا
و وصيك امانه قل لها تعذرنـي
و تكفى تروح تحب لي ماطاهـا
ابيها تغفر لي مثـل مـا كانـت
كل خمله مني بطيبهـا ترفاهـا
يالله عساهـا بالنعيـم الخـالـد
و عساها في جنة عدن سكناهـا
يا فضو هذا الكون يا هو خالـي
يا ضيق هذي الدنيا يا مقساهـا
يا مر طعـم فراقهـا يـا مـره
ماني مصـدق ارجـع ومالقاهـا
وشلون اجي غرفتها ما هي فيها
وش عذري لسبحتها ومصلاهـا
وش اقـول انـا لدولابهـاوشنطتها
واذا سالنــي مشطهـا وحنها
وعباتها ومي زمزم ومصحفها
والمبخره ورشوشهـا ودواهـا
الكـل فـي غرفتهـا متفقدهـا
حتى الجدار متفطـر ويرجاهـا
الكـل يبكيهـا مهـو ناسيـهـا
يالله صبرني و شلـون انساهـا
ياليتهـا مـاراحـت وخلتـنـي
او وسعت لـي بالقبـر وياهـا

بإلقــآء الشــآعر ... أروع