الله يوفقنا جميعا

[so natural]

اتمنى من اي احد عنده خلفيه عن الوضع يسألي او يقول

بالنسبه للطالبات الغير سعوديات

1-ايش شروط التحويل من انتساب لانتظام دفعه 10؟

2-ايش الخطوات اللي لازم امشي عليها عشان باذن الله اتحول؟

لاني بالنسبه للشروط عرفت انه لازم 4.75 او اكتر ولما رحت لقسم الاولاد يقولا مافي تحويل لغير السعوديات وانا متأكده انه في وفقسم الطالبات قالتلي استاذه بتسام انه لازم تجيبي معروض و مع كشف درجاتك المهم ونحنا نرفع للوزاره ونشوف وطبعا طلعت بعدين خرابيط انه بعد الترم التالت


عموما انا ماهمني في الحوسه هادي كلها غير
س:الطالبه الغير السعوديه كيف ممكن تمشي معاملتها للتحويل هل بنفس الطريقه استنى ايقونه التحويل تطلع بالاودس ولا في طريقه تانيه لاني خايفه استنى ويطلع في طريق تانيه وماتطلعلي الايقونه

اللي عنده خلفيه لا تبخلوا عليا

[دلوعة ابوهاا]

والله ياقلبي ماعندي اي خلفيه لتحويل غير السعوديات تقبلي مروري

[العيون الكحيلة]

اسفة حبيبتي ماعندي خلفية بالموضوع كان نفسي اساعدك والله ان شاء الله الباقيين يفيدوكي

[*زهرة السوسن*]

رفع إن شاء الله يفيدونك الاعضاء أكثر

[S.S.STRAWBERRY]

إن شاء الله يكون لك في تحويل خلي عندك امل ونشالله يفدويكي بقية الأعضاء إن شاء الله تنزل لنا ولكي ايقونة التحويل بس انتي ادعي واستغفري عسى ربي يسرلك ويسر لنا .... ولله كلنا يدنا على قلوبنا بخصوص هالموضوع وبالنسبة للتحويل بعد الترم الثالث اكيد اضشاعة من عندهم بيطلعوها كل سنة حتى تنحبطي ولا تفكري بعدها بالإنتظام
موفقة وتقبلي مروري

[عـ,,,ـل]

انا سمعت انو تحويل الغير سعوديات لازم يكون معدلهم 4 بوينت 75

غير كدا ماعرف

[تلميذ منتسب]

من رأيي انك تراسلي عمادة القبول والتسجيل

[العواض ظاهر]

بالنسبه للتحويل مافيه فرق بين سعودي وغير سعودي زي الشروط المفروضه على الطلاب ولم يحدد سعودي وغير

وقت التحويل يكون بعد المستوى الثالث

تقبلي مروري

[سنيوره جده]

الله يوفقنا كلنا ويسر امرنا وياااااااااااااارب كل اللي بخاطره يحول يااااااااااارب يااااااااااااااارب حققله مراده ولاتحرمه جهده وتعبه
شوفي حبيبتي اذا كان معدلك عالي قدمي وخليكي وراهم وإن شاء الله يحولوكي واتقابل معاكي

[so natural]

مررره شكرا لكم جميعا
انا باذن الله رح اتحول لاني شايفه اني مستوفيه الشروط الى الان
وباذن الله رح اتصل واراسل
بس يا اخوان جميعا انا لما قالتلي استاذه ابتسام ايش اقول غير"الله يسخر قلبها وماتوقف فطريق احد" عشان الدنيا دواره ربنا لايوقفلها ناس بطريقها...المهم
انه غير سعوديه لازم معدلك فوق ال4.75 وتجيبي معروض وبعدين نرفع للوزاره ومن بعدها يجيكي رد حسستني كانه غير السعوديات اكيد لهم معامله تختلف يعني مو بس تقديم عالاودس
عشان كده انا بسوي تحريات"كونان" عالموضوع لانه ادري مافي شي رح يجيني لعندي وما ابغى اضيع فرصه انا استحقهابفضل من ربنا اولا واخيرا
وكمان بسمع انه في معاملات للبنات بتمشي زي الحلاوه عند قسم الرجال وفي نسبه لاباس بها من غير السعوديات جنسيات مختلفه بالجامعه

رجاء خاص اي احد يعرف احد غير سعودي حول او يقدر يسال احد من طرفه او يعرف كيف ممكن معامله زي هادي تمشي من قسم الرجال افيدونا بالطريقه والله يسهل لنا ولكم ويحققلنا احلامنا