مـآسآتي بهلاجآزهـ مآتهنيت فيهآ والله هىء=(

[«¬ آعذۈبہ]

اولا سلآآآآآآآىىم للجميع ..
ثاني شيء اني مادري وش اسوي بعمري ..<< طلعت لي شيبه براسي
على اول عمري صرت في اخره .. ولا كاني شباب شفتوآ كله من الجامعات . صرت كل يوم انام مفزوعه واتكلم واني نايمه << انجنييت
احس من اجلس لبروحي اتذكر عمري وشبابي الي ضاع << وال صار عمر كلهآ 18 سنه هع احسهآ كانهآ 81 سنه
اتذكر احلاآمي هىءحسبي الله على الي دمروني ودمروآ شباب جيلي. من وانا صغيرونه اقول ابي اكون طبيبة اسناان << رغم اني اخاف بالاول اروح لطبيبه الاسنااان من كثر خوفي حبيت ادخل هالمجآل .. واذكر كنت اصفف لدمى واخد مقص واقص عند فمهم واطلع كل القطن الي فيهم بحجه بصلح اسنآنهم آخ ياذكريآتي الطفوله . تالي الكل ينقر على راسي.. وش وش وش بتدخلي طب
7 سنوآت مجنونه انتي وكذآ وكذآ لين مازموآ نفسيتي وصرت مابي ادخل مع ان ودي فيه للحين
صرت بالاجازات العام اروح دوره اسعافات اوليه انجنيت عجبتني هالاشياء لاني من النوع الحركي وابي كل شيء حركه ماحب الجلوس وخرابيطه ...سالت عن هالمجال قالوآ لي في التمريض << انا لاغيته مابيه بس حبيت الاسعافات الاوليه
استفسرت قلت ابي شيء يكون حركي وفيه احياء وجهاز تنفسي وكذآ
قالوآ ليييييي اببببببببشري هذا قسم العلآج التنفسي
اومآآآآآآ انا شوي واشقح شقحه حلوه بنفسي واخيرآ حلم حيآتي بشووووفه وه يالبى قلبي
وصرت طول ليل ونهار ابحث عن هالقسم وهيكآ واشوف انه اكثر شيء بالعنايه المركزه
قلت خوووب وصلتي للمطلوب ياعذوبهـ بكذآ ضمت لي شيء ابيه و بدخله بجامعه
واهلي شجعوني على هالقسم وحببوني فيه اكثر << لدرجه اني اببببببيه
يمآ يبآ ترآني احبه ابييييييه هههههههه << لاااه حلفي بس
بس ولحين تخرجنآ من الثانويه واكلنآ الكتب بالثانويه بس القدرآت والتحصيلي عفسنآ آآآآآآآآآه ياقلبي وشبابي<< اقروآ الفاتحه عليي
قدمت بالرياض مااااادري ليش ماقبلوني مع ان معدلي مرتفع بنسبه لغيري ياويلي
طلع لي برى .. بس مااااااااابي غربه ومشكلتي مامعي احد لو رحت لاونيس ولارفيق اجن لوحدي ماعرف احد .. وصلني طلب من جده هناك قالت صديقتي بتروح معآي قلنآ بلعنآها ونشوف .. قلت دام كذآ اقدم سنه تحضيريه .. مع اني مابي اتغرب عن اهلي .. وقبلوني سنه تحضيريه ..ولا ادري وش ننرمآ تالي..إن شاء الله يارب نجد ونجتهد وندخل الي نبي ونحقق احلامنا
وصارت نفسيتي تعبانه وربي كل يوم ابكي الشرقيه غرقت بسبتي.. هىء يآحظي متى تتعدل
مابي غربه اناا كبيرة امي وابوي ولا تعودت ابتعد عنه دقايق غيب عن عينهم 5 سنوات امووت << ابي امي .. ابي ابوي لالا مستحيل
قلت مالي امل خلني اسجل بكلية سلطآن عدناآ باللظهرآن املي الاخير عليهآ ولا اتغرب وشقى الغربه يارب يارب انقبل فيهآ ادعوآ لي لاتنسوني وربي اقول لكم معآناتي ماعرف لمنوآ اشكي احس كل احلآمي تقفلت..
قلت خلاص بلغي طموحي طب اسنااان وكمآن والاخير علاج تنفسي.أحلآمي خلاص راحت سدى وشقآي بدراسه طلع هبآء آه
بسجل بالتخصصات الموجوده بكليه سلطااان بالاول شفت مختبرات قلت يارب ماتعدى غيره ع الاقل شيء يخص الطب اشم ريحة الطب البس لاب كوت ابيض << بس حلمي بشاره الذهبيه هىء غصه بقلبي .. ع الاقل اهون ولا طموحي مااااااااات بجلس سنواتي اموت بكي شفت بتخصصات الاولاد بكليه سلطآن رعايه تنفسيه انخبلت انجنيت استهبلت تمنيت لحظتها ولد آه لو اني ولد دخلت حلمي
لالالا انتي ياعذوبه قاريه خطآ اكيد هذي كمآن للبنآت الرعايه التنفسيه احلم تخصصات بنات هذي اكيد اتصلت للكليه وقالوآ لي لااه للاولاد مو بنآت حسيت ودي اصفق السمآعه سآعتهآ يوم قال لي ورحت لاامي ابكي بهستيريه خلاص انا مابدخل جامعات اوك ابي بالعيد اسافر خلاص بجلس عاطله انام واكل واشرب ونت ومولات اوك << حسيت وقتها وانا معصبه وابكي واقول لامي قلبي من داخله يتقطع يآحسرة على نفسي
طلعت نتايج الكليه ولا اني من المقبولين ولا نعرف وش اساس القبول بالرجاا ت مع ان انا وفي غيري نسبهم اعلى من الي نقبلوآ بس مادري وش الاساس.. ولحين استقريت على جده وافتكيت من عوار الراس والقلب والبكي وحالة الالم لي فيني ..
انا ماقلت لكم مآساتي هدر وربي من كثر الازمه الي بقلبي
صدق احاول اخفف علي واضحك وانسجم مع الكل
مع اني كرهت النت وشيء له علاقه بجامعاات احس 12 سنه اتعب واكرف لااه ومشلكتي مو بطاله بلعب كنت جديه وماشاء الله نسبتي ماتعدى اوائل الشرقيه والله الشاهد يعني فرق نص ربع وانضم ضمنهم
بس الحظ عندي طآيح وردي << وين مأطقهآ عويه ..
احس وربي اني تعبت تدروآ اني من بدآت هالسنه يعني قبل لاتبدي الاجازه نزلت 4 كيآلو << بقيت جلد على عظم ولحين جت الاجازه قلنآ بنعوض الوزن لي فقدنآه اتاري نفسيتي تآزمت وحالتي مو مثل الاول
بقى طلع لي شيه ثانيه براسي وانظم جنب العجآيز دي اخرتهآ ههه بس لي ابيه منكم وربي مابي شيء غير انكم تدعون لي ليل ونهار او لاذكرتوآ احد بنفس مآساتي ادعوآ له .. لاصليتوآ ادعوآ لي بكل وقت ان ربي يفرجهآ عليي واني لادخلت جامعه جده احقق حلمي واجد واجتهد .. في شيء مازم نفسيتي اكثر اول ماجلست ادور صور لكليه الشرفيه تازمت من الوضع الي شفته ولاعت جبدي معقوله ادرس بمكان كذا وسخ ولا يشرح النفس مهما يكون المكان النظيف يعطي النفس راحه بلييييييييز الي شاف السكن يقول لي وطمني.. وهل صدق في مبنى جديد ولا لااه لنا احنا بنات السنه التحضيريه لان مو معقوله هذا السكن يسد النفس مره مره بتاتا البته .. .. جعل اشوف في كل واحد فيكم خبر يسره اليوم قبل باجر...وييسر اموركم نفر ونفره يارب
الي يعرف ومتاكد ميه ميه ان خبر المبنى الجديد لنا يقول مابي اشاعات مو ماكده ويحط لي المصدر اذا قدر واذا فيه صور كماان
طمنوني بليييز ..=)

[عموريAHLI]

الله ييسرلك ويوفقك

[ǁ غــلأآإ ، رٍوٍحــي ǁ]

^^
اللي سمعته من أحد مديري المنتدى ..
إن مبنى الشرفيه .. جددوهـ ورمموهـ هذي السنه ..
وهذي أول سنه يدرسوآ فيه الطآلبات .. فمآلحقوآ يصوره أسآسآ
والسنه اللي فاتت كانو التحضيري يدرسوا بالفيصليه .. وهالسنه نقلوهم للشرفيه .. لحدآثه الموقع =)
الله يوفقك .. ولاتنسينآ من دعـآإئك ..

[طارق الحارثي]

الٌـٌَـٌَـٌَـٌَلّـٌََہ يوفقك
وتذكري النجاح والتفوق مايجي الا لما تعانين الامرين
وْـِْش فيها الغربة
اذا حطيتيها في راسك راح تدمرك

حمسي نفسك قولي انا رايحة جدة عشان مستقبلي
عشان ارفع راس امي وابوي

[«¬ آعذۈبہ]

الله يسهل اموركم يارب..
ريحتوني شوي =)

[رجه بس وقت الجد رزه]

الله يسهل لك وياااااااااااااااااارب والله ياحياتي اني حااسه بمعاااااااااانتك بس وش اسوووي هذاا حالناا الله يوفقك ويوفق الجميع يااااااااااارب =(

[د. هدّولا]

لا تحسبنّ المجد تمراً أنت آكله ..
لن تبلغ المَجد حتى تلعق الصّبرا ..

أتوكلي على الله ..
ورددي اللهم قدّر لي الخير حيثُ كان ثم أرضنِي به !


مافي شي يخوف
دام انتي حاطة في بالك شي لازم توصلي له
مافي شي ينقصك الحمدلله
وبالنسبة للغربة لا تحطي في بالك عشان لايأثر عليكِ
في أكثر من طريقة للتواصل تلفونات نت وبعد بالصوت والصورة
يعني إن شاء الله ماتخليكي تحسي بالغربة
وفي بنات الحلال كثير واللي مثل ظروفك جايين السكن ..
والله يسخر لك ياقمر


موفقة

[Eng.SouL]

الله يعيننا وإياتس اختي ،،
كلنا حالياً جالسين نعيش لحظات عصيبه ومريبه

أنا كنت مؤمل على البعثه،، وشديت حيلي وجبت درجات عالية عشان يقبلوني في المرحلة السادسة أدرس هندسه,,
لكن في نص الإختبارات النهائية طلعوا قرار إن المرحلة السادسة فقط للتخصصات الطبية
كان هالخبر مثل الصاعقة علي،، كنت طول الوقت أتخيل نفسي أدرس في بريطانيا،، وآخرتها في قهوة عزوز بجدة!
وأنا كل يوم جالس أنتظر أبوي يقولي يالله قم جهز شطنتك عشان تسافر تدرس برى
وأنا بإذن الله مسافر ادرس برى بس المشكلة ما أدري متى،، سجلت بالمنتدى وقعدت اشارك ومسوي خايف من السنة التحضيرية من الملل الواحد ما عنده شي يسويه بالإجازة
والواحد ما يدري الخيره وين تكون..
يمكن توفيقنا يكون في جدة كلنا،، ويمكن ان درسنا بالديره اللي نبيها ما نتوفق!!
كله في علم الغيب،،، بس استخيري قبل لا تسافرين وبإذن الله كله يصير تمام

وإن شاء الله ربي بيوفقك بس انتِ اعملي بالأسباب ,,
والله يستر عليك وييسرلك وتردين لأهلك بالشهادة ,,

"شوفي الصورة المرفقة، بإذن الله بتعطيتس دفعة معنوية كبيرة"

[بسمة تشرين]

ياعسل عن الغربة من جد على قولتهم لاتحطي في بالك صحبتي في امريكا وكل يوم اكلمها وعااااااااااادي ولا كانها مسافرة صح متعب شوي بس دحين مو غربة زمان الله يعينك وان شاء الله السنة التحضيرية وتنقلي من الشرفية واتوقع انه جددوا المبنى وربنا يكتب لك الي فيه الخير تخصص حلو الي اخترتيه وان شاء الله تدخليه وتتميزي فيه كمان وبعدين حتقولي كنت مغتربة والسنين تعدي ويسير كل شيء كان وكنت يعني امم لا تضايقي نفسك اجازتك استمتعي في الشهر الباقي - قل لن يصبنا الا ماكتب الله لنا - وقلوبنا معاكي ^_^
اختك بسمة تشرين
ولاتنسي سوي smile

[MeeNo92]

حتى انا حبيبتي ما كنت حاااطة جدة في باالي ابدا

وكنت على اساس بسجل في الدماام والرياض .. بس على آآآآخر يوم تقديم في جدة جتني صاحبتي قالتلي قددددمي ما راح تخسري شي

وكنت اقولها لاا ايش يوديني جدة وانا اهلي كلهم يا في الشرقية يا في الريااض .. اهلي اللي في جدة يقربوولنا بس من بعييد ما اعرفهم مرة ..

بس جاني شعور يوومها شي كذة من ربي يقلي سجلي سجلي سجلي

والحمدلله يااا رب لك الحمد والشكر اني قدمت

لأنو اكيد زي ما انتي عاارفة , موقع جامعة الدمام علق وخرب , وتقدييمي كلو انلغى تخيلي :)
واجي ابغا اقدم ثاني يقول ما ينفع , السجل المدني هذا مستخدمم .. واجي ابغا ادخل على تقديمي يقلي ماا ينفع ..

والريااض ~ حضرتهم ما قبلو الا بناات الرياض :) يعني اشووف بنت جايبة نسبة اقل مني بكثيييييييير تنقبل , وانا لا لأنو انا من سكان الشرقية .. حتى صاحبتي , تخيلي نسبتها التراكمية 97 !! وهي من مواليد الريااض ! بس انهم نقلو الشرقية قريب .. ما قبلوها ! :)

والحمدلله

طلعتلي المقابلة في جدة في ثاني يوم , يعني كل الخياراات كانت متاحة عندي

وارتحت نفسيااا لـ جدة وللجاامعة .. خصوصا انها صارت املي الوحييد اني ادرس طب :)

ما تدري ربي فين كاتب لك الخير ..

انا ماا عمري كنت افكر اني راح انقل جدة

بس دام ربي مختاار لي كذة , انا مرتاااحة

قل لن يصيبنا الا ما كتب الله لنا .. والخيرة فيما اختاره الله ~ وعسى ان تكرهو شيئا وهو خير لكم !


ودايما دااايما رددي الدعااء : اللهم اكتب لي الخير حيث كان ثم ارضني به ~

ادعي انو ربك يريحك للمكان اللي راح تدخليه , وانو ما تقعدي متضاايقة ... خلي املك بالله كبير ..

سوري ع الإطاالة ~