منو أحسن أستاذة / دكتورة ..

[مالي حبيب]

بمااا أني شفت عدد هائل من الطالبات يسألوا عن بعض الأستاذات هل هي منيحة والا لأ
<< فحبيت أدخل عرض وأسدح كل أستاذة وهرجة عنها . وياليت لو أي أستاذة شافت الموضوع ماتزعل مني أووووووووووووكي ...

أ/ صبــاح الغامدي .
يميزها عن غيرها : ابتسامتها شاقتن وجهها << عساااااهـ دووم .
وعندها ترتيب وتنظيم لكل شي . يعني ماتكون حايسة ومتخربطة لااا كل شي موزون . ماشالله تبااااااارك الله , وتحفظ الاسم واللقب والشكل بسرعة .
تعاملها مع الطالبة : تشوفك أختها الصغيرة وتعاملك بأدب وحتى لو مشغوووولة ما تلطعك , تقول روحي و تعالي بعد شوي .
طريقة أسئلتها : شرحها حلو فبناءاً عليه تكون أسألتها على قد شرحها , بس ساعات تجيب أفكار قد نبهت عنها أثناء الشرح .
كلمتها المفضلة : تفلسع , سريع سريع , الله يرضى عليكي , أوكي .
>> طبعاً هاااذي أستاااذتي اللي أقدرها وأحترمها وأفضل أستاذة شفتها ,,,

أ/ فاطمة كمال .
يميزها عن غيرها : اعتذاراتها بشكل هااااااائل .
تعاملها مع الطالبة : برضوه طيبة فتعاملها وتعطي وجه وتضحك .
طريقة أسئلتها : بالنسبة لشرحها انا تحوشني فغرة لما تشرح مدري ليه , وأسئلتها سهلة وواضحة مافيها لف ودوران .
كلمتها المفضلة : . . . . . . . . .

أ/ رغداء الرملي .
يميزها عن غيرها : مدري وشلووون باردة مش عصبية .
تعاملها مع الطالبة : ماتعطي وجه وممكن تكشمك قدام البنات ترا عادي .
طريقة أسئلتها : شرحها مش مرة مفهوم لأنو صوتها واطي فبالتالي أفغر ومدري شالسالفة , وصيغة الأسئلة مش على قد الشرح .
كلمتها المفضلة : . . . . . . . . . .

د/ سحر الجبروني .
يميزها عن غيرها : برووود + ابتسامة ع الطاير .
تعاملها مع الطالبة : ابتسامتها تشجعك تروحي تسأليها وتستفسري . تعاملها راااااقي .
طريقة أسئلتها : واضحة ولافيها لف ولا دوران ابداً .
كلمتها المفضلة : وأنا أعمل أيـه , تكلمك ع أساس أنك ولد (المحاضرة اللي عَندَك) .

د/ حمدية مهران .
يميزها عن غيرها : لما أشوفها أتذكر سيول جدة << عملت لنا امتحان اول يوم بعد اجازة الحج وكان وقتها سيول جدة .
تعاملها مع الطالبة : برضووووه حلو وتعطي وجه وتتفهم الوضع .
طريقة أسئلتها : شرحها فضريبة كان مابوه شي وفقة معاملات كنت انعس معها , وطريقة الأسئلة بعض الدوريات كانت تجيب شي عجيب غريب بس عموم الأسئلة حلوة .
كلمتها المفضلة : في أيــه ياأولاد .

د/ شريفة .
يميزها عن غيرها : طيوبة وماتحب تعتذر ماشاء الله .
تعاملها مع الطالبة : تتفهم لوضعك وتراعي مشاعركـ وأحاسيسكـ .
طريقة أسئلتها : تحب المقالي وتحب الصفحة كلها أزرق , بس بصفة عامة تكون الأسئلة حلوة للي يحب يحفظ .
كلمتها المفضلة : ماعليش انا آسفة .

د/ اقبال خاطر .
يميزها عن غيرها : عصبييية بس اذا روووقت دمها شربات .
تعاملها مع الطالبة : اذا كانت مروقة كلامها ينقط عسل .
طريقة أسئلتها : وااااااااضحة ومافيهاش لف ولا دوران .
كلمتها المفضلة : الله , بالراحة خالص .

د/ صفية .
يميزها عن غيرها : باردة وحايسة ماتدري وين هي فيه .
تعاملها مع الطالبة : اذا تعرفكـ راح تمشي أموووركـ .
طريقة أسئلتها : شرحها منو العوض وعليه العوض , وفالامتحان تجيب أسئلة مدري من وين جايبتها والطامة انو اذا سألتيها عن الحل تقوول أوووف التمرين ناقص انا ما أخدتش بالي .
كلمتها المفضلة : ازي حالكو ,. اللي غايب يرفع يده , وتفطسسسس ضحك لا جات تحكي باللهجة السعودية ..

ود/ نهال , د/ آمال , أ/ أنيسة , أ/مها , أ/ ايمان , أ/ الجوهرة , أ/ اميمة .
هذوووول ما أخذت معهم بسلامتهم ,,,

تحيااااااااااتي :
مــالــي حبيــب

[الشطوووره]

مالي حبيب

تسلمين ياقلبي مشكوووره

عساك عالقوة وربي يرزقك بعريس الغفلة والوظيفه

قووووولي امين

وخليك قريبه بداية السنه الجايه للاستشارة والافاده

خخخخخخخخخخخخخخخخخخخخخخخخخخخخخخخخخخ


يابنت تصدقي شكيت فيك عندك بنت خاله السمستر اللي فات كانت محاسبة وبعدين حولت

[الملاذ..]

ههههههههههههههههههههههههههههههههههههههههه .. على اللي تذكرك بسيول جده
.
.
تسلمي خيتوووووووو .. عالموضوع
موفقهـ قلبي ..

[مالي حبيب]

ههههههههههههههههههههههههههههههه
يسلمووووووو الشطورة والملاذ ..
ياعيني تو سدحت المووووضوع امداكم تقرون وتردوووون ..
ياااااالبا قلووووووووووبكم ..
الشطووووورة أبشري بتواجد على طووول وان شالله تستفيدووووا بس .

تحياااااااااااااتي :
مــالــي حبيــب

[مالي حبيب]

الشطووورة >> لا حبيبي ماعندي بنت خاله ..
وش خلاكـ تشكيييييين ؟؟؟

تحيااااااااتي :
مــالــي حبيــب

[الشطوووره]

مالي حبيب عصر السررررعه

[مالي حبيب]

هههههههههههههههههههههههههههههههههههههههههههههههههه ه

[الشطوووره]

لما تكلمتي عن صباح الغامدي

هي مطيرتها السمااااااء وهي هنا معنا بالمنتدى

عشان هيك شكيت

[صاروخ]

كلمة رائعة قليلة في حقك
يسلمو ياقمر على الموضوع

[مالي حبيب]

هــلا مرة ثاااانية الشطووووورة ..
اممممممم مشان هيك شكيتي ؟؟؟
تبي الصراحة ع الرغم من صعوبة أسئلة صبااااح الا انوو نطيرها السما على قولك ..
الله يخليهاااا للمحااااااااسبة والمحااااااااااسبين ..

صارررررروخ والله أحرجتيني يسلمووو خيتو الأروع طلتكـ وتفاعلكـ وردكـ ع الموضوع ..
ومروركـ الطييييييييب ..

تحياااااااااتي :
مــالــي حبيــب