ابغى احول اعلام

[لمعة الألماسة]

السلام عليكم ورحمة الله وبركاته

اختي توها خلصت تحضيري وسكنوها كلية الاداب قسم مكتبات وهيا تبغى اعلام

ما ادري في امكانية تحول مع انو معدلها مايسمح لها ؟؟؟


وابغى الله يسعدكم الخطة الدراسية لقسم الاعلام عشان تنزل المواد المشتركة اذا قبلو يحولوها

[wan]

ليش ما رحت طلبت تحويل من يوم ما داومو الموظفات
انا كنت زيها و حولوني . على طول .

خليها تجرب .

[لمعة الألماسة]

wan

اذا بكره راحت ممكن يحولوها مع انو معدلها نازل حبتين

لان قبل شوي نزل تخصصها الي هو مكتبات

[wan]

حبيبي اعرف وحده معدلها 2.77 وحولت السنه اللي فاتت

خليها تروح الشؤون الاكاديميه في الاداب تكتب اسمها
و تكتب اسمها برضو عن سكرتيرة الاعلام .

[miss noon]

وعلييكم السلام .. ^ ^

انا صحبتي راحت لهم اليوم عشان تحول لاعلام

وراحت على سكرتيرة الاعلام
بس قالت لها مانقبل أقل من 3,50
وهي معدلها 3,22


خليها تدرس ترم مكتبات وتجيب معدل حلو وتحول
وان شاء الله تنقبل : )

وبالتوفييق

[زمردة 2009]

والله ادعي ربك وماعلى الله عسير أبد بأرادة الله كل شي يصير والله يوفقنا أجمعين ياررررررررررب ...... تحياتي

[كلي أمل]

تاخذ حره ومواد عامه لو باقي لها .. يعني ٩ ساعات -او- ١٢ ساعه يكون تمام ..
وترفع معدلها وتحول..

والله يوفق الجميع

[لمعة الألماسة]

طيب اش رايك في دي المواد تنزلها
عربي وثقافة ومصادر
ومؤسسات ومدخل علم نفس

[تعشمني بحنانكـ ليه؟!]

حبيبيتي انتي بس رديت عشان لاتتورطي ترا المكتبات ماااااااااااايحولون من شروط القسم انك ماتحولي منو انا اليوم الاستاااذات قالولي حتى انا ابغا اعلام ربي انقذني ع اخر لحظه اليوم حولت دراسات باااخد مواد حره والترم الجاي بحول بااااذن الله وانا اقووولك ادخلي دراسات وخدي ثقافه 2 وعربي 2 كمواد عامه وخدي موسسات لانها سهله مع سلمى ومصادر كمان كمواد حره وخلاااص صارت 11 ساعه مره حلو والترم الجاي تحولي اعلام ربي يكتبلك ويكتبلنا اللي في الخير

[زمردة 2009]

تعشمني بحنانك ليه ؟!
يالبى قلبك بس بغيت أسألك وش الأقسام ألي مانقدر نحول منها بعد الترم الأول من دراستها ولما رحتي الجامعه وين رحتي علشان يحولونك إستغربت الصراحه من كلامك أول مره أسمع هذا الكلام ؟؟؟!!!