طالبة دفعة10,تحويل,اظن مشكلتي ناادرا ..واريد الاستفسار

Sahar yanas · #1 04-10-2010, 09:23 PM

السلام عليكم ..

الي سار يوم الأحد .. مع اني جيت بدري بس مع الفوضى والزحمة وكل وحدة تصرفنا على التانيا و قمة العزاااب .. ولمن عبيت استمارتي على بالي ان المديرة وقعت على قبولي ويلا اسلم شهادتي الأصلية .. رحت نافذة ((7)) اخدوا مني مستنداتي وهما ساكتين و وقعوا على النموذج .. وهنا التوريييط
رحت عند غرفة ((4)) اشوف اذا اسمي موجود في الكشف ..قالوا مافي تعالي راجعينا بكرا ..وسحبوا مني النموذج الموقع عليه انهم استلموا مني الشهادة ..ومن غبائي احسبهم حيحافظوا على الورقة .. رجعت اليوم التاني طلعوا مضيعينهااا ..
والله لا يوريكم التعب الي تعبتو من الساعة 8 ونص اليين 1 الضهر وانا اترجى عن دي وتوديني عند مدري ميين واستفسر وطوابير ورا بعض عشان بس اكلم وحدة وتصرفني عند التانيااا ..

الييييييييييييييييييين بكييييييييييييت لدرجة انو كل الي في العمادة حتى المديرة عرفت (سموني البنت الي بكيت ههههه) بس حسيت نفسي ضايعة مافي اثباات انهم اخدوا من شهادتي ومستحييل يرجعولي شهادتي الى بالورقة الي ضيعولي هي التانيين.. نقرتين لعرض الصورة في صفحة مستقلة

عرفتوا المصيبة الي أنـــــــــــا فيـــها ..

وجالسة افكر واحااول وحااول ايش اعمل اليين جاتني فكرة ..(اجيب نموذج تاني و اخد توقيع من المديرة وبعدها اخد توقيع من نافذة (7) اثبات انهم استلموا مني ..ولمن تجي بكرا اوريهم الاثبات ..بس للأسف كل شي كان حيسير الا المديرة قالت بكرى إن شاء الله
الي طمني شوية انو المديرة وعدتني وإن شاء الله ماتنسى شكلي او تتزكرني .. قالت انا اتصرفلك واشوف شهادتك ..

وقولت اطمن اكتر جات دكتورة تانية ..اعطني نموذج تاني امليه وهي وقعت عند خانة مكتوب عليها .. (تدقيق البيانات وحدة القبول ) (الموافقة على طلب الطالبة) ... خخخخ ايش يعني انقبلت ولا اثبات حق الشهادة مو عارفة ؟؟

والشي التاني مع الفرحة نسيت مااوقع على اقرار الطالبة بس كتبت اسمي ورقمي الجامعي ..فهل من مشكلة ؟؟

وهي نفسها قالتلي راجعي بكرى نافذة ((7)) قوليلهم يحولوكي .. ايش يعني دا الكلام ؟؟

جنيت من التفكير اليوم ومتوترة ايش في بكرا كماان لأني جيتهم يومين وماصار الي كنت متوقعته .. مع العلم معدلي ممتاز ..ماألوهم ألووم نفسي بس الي قهرني انو اسمي مو في الكشف لكن هما ماعملوا حاجة غلط عليا لكن كل مقدر ومكتوب ويمكن مااحول ولاشي الله اعلم ,,مافي اسمي في الكشف وانا مستوفيه الشروط كلها وجاتني رسالة ..

الله مستعااان

رمّاح · 04-10-2010, 09:30 PM

ام الحاله في ذا الجامعه

الي ماعنده واسطه يتبهذل وتطلع عينه

والله ما اقدر افيدك بس اقدر ادعي عليهم لو تبي

تقبلو مروري

انثى لامثيل لها · 04-10-2010, 10:54 PM

انا مثلك سوييييييت كل شي ووقعت كل التوقيعات وسلمت شهادتي الأصل لهم .
وبقي توقيع المديره ابتسااام يوم عطيتها الورقه قالت اداره واقتصااد
قلت ايه قالت تعالي الثلوث . قلت طيب والورقه قالت تقعد عندي

يعني لو رحت بكرا ومالقيت ورقتي عندها مصيييييييييييييييييييييييييييييييبه مصيبه ..
يعين الله وبكرا وخييييييييير .