محتار في جدولــي / تفضلوا الله يسعدكم ..رأيــــكم يهمني ..

[الدريبي1]

السلام عليكم ورحمة الله وبركاته ..
صباح / مساء الخير جميعاً

ابي رأيكم ومشورتكم ..
انا بإذن الله الترم هذا ابنزل المواد هذي:

ادارة الأعمال بالانجليزي
الأقتصاد الكلي
إدارة الموارد البشرية
تخطيط وتنمية الموارد البشرية
استثمار
إدارة العمليات

وش رايكم احس ان الجدول دسم شوي 18 ساعة وطبعاً انا ابغا ارفع المعدل وخايف انه ينزل بسبة الضغط على الجدول وابي رايكم في والمواد إذا كان هناك مواد صعبة او تحتاج إلى تأجيل أو مواد تحتاج إلى إضافة ..وهل 15 ساعة كافيه لرفع المعدل ؟؟
رأيكم يهمني ..

عسى الله ييسر عليكم ويوفقكم جميعاً
للتفاعل ..
بإنتظاركم ....

[خوخه 2009]

احس جدولك تماام ومايحتاج تعديل
بس اذا تبي تخفف على نفسك شوي احذف الاستثمار
مـووووفق يارب ^_^

[التومي]

والله فيه دسوومه

لكن من الدكاتره<<< هذولاء اهم من المواد احم احم

[abusalman30]

يعتمد على طريقتك يعني مثلا في ناس تحب المواد اللي فيها مسائل وتكون سهله بالنسبه لهم ولايحبون المواد اللي فيها حفظ وفيه العكس يعني عندك كم ماده حفظ مثل التخطيط كلها تعاريف ودش بس الماده سهله ونفس الشي ينطبق على ادارة الموارد سهله وحلوه والانجليزي يعتمد على لغتك الماده بصراحه مادة a+ بس والباقي شوية مسائل على فهم وانا مر علي جدول بنفس الطريقه حاول تجيب اقل شي b+ ولو في ثلاث مواد وراح ترفع المعدل

[الدريبي1]

خوخة
شكراً على اقتراحك وما قصرتي ..
ــــــــــــــــــــ
التومي
الله يعطيك العافيه حبيبي وش نسوي نحب الدسم هههه
بالنسبة للدكاتره ما ادري عنهم ما اعرف إلى كاسر المنصور بتاع إدارة العمليات يقولون أنه شديد ..
وما قصرت حبيبي ...
ــــــــــــــــــــــــــــــــــ

ابو سلمان
والله تبي الصراحه احب الحسابي اكثر لكن القراءة والحفظ لك عليها اذكر في الترم الثالث اخذت في مبادئ الإدارة d ومن عقبها كرهت شي اسمه نظري لأنك تطلع من الإختبار وتقول انك حليت وبالأخير يطلع الشي اللي انت ما تتوقعه
لكن ربك ييسر
والله يعطيك العافيه على اقتراحك ومشكور حبيبي ...
ــــــــــــــــــــــــــــــــــ

وبإنتـظـاركم .. حبايبنا ^_^

[دافور الشمال]

هلابك يالغلا

يا آخي جدولك دسم بالمره

اقتصاد كلي واستثمار وادارة عمليات

دسمه مره

واخاف تطيح لك المعدل والله

خاصة ان اقتصاد كلي الشباب انصدموا الترم اللي فات من الاسئلة والدرجات


كذلك الاستثمار ترى وهقنا الدكتور وجاب لنا الاختبار نظري مسأله وحده بس وتوهقنا


موارد بشرية المادة طويلة مره مثل ماقلت انا قبل بس ممتعه لانها تتكلم عن حقوق الموظف وشؤون الموظفين

الاستثمار والموارد البشرية اخذتها صيفي أنا

[rahal500]

انا من رأيي تحذف الإستثمار وتركز على الباقي
تركيز طيب عشان تجيب معدل
لأن إدارة العمليات والإقتصاد الكلي فيها مسائل ونظري وتكفي

وربي يوفق الجميع

[الدريبي1]

دافور الشمال
الله يعطيك العافيه يالشمالي ادري ان الجدول دسم بس برأيكم 15 ساعة كافيه لرفع المعدل .؟
وكلامك في محله حبيبي .. وجزاك الله خير ...
ــــــــــــــــــــــــــــــ

رحال500 ..
الله يعطيك العافيه حبيبنا وما قصرت ..

[الدريبي1]

وشرايكم ..

نحذف الإستثمار ونضيف ثقافة اسلاميه 3 ؟؟

الإستثمار 3 ساعات.
الثقافة الإسلاميه 2 ساعتين
.
أو نخليها 15 ســاعة . ؟؟
رأيكم الله يوفقكم ..
.
أخوكــمـ الدريبي 1