أخيرا صرت جامعي خخخخخ

[Bush...Bush]

سلام عليكم والله ما أقدر أعبر عن فرحتي لمن قالو أنو أنقبلت في الجامعة

راحة نفسية

تدرون والله متحمس للدراسة لأنو على كلام واحد يقولي غير عن الثانوية

في بريكات وكم ساعة بس وحركات وانا عارف الحماس الزائد راح تجي على راسي

المهم يا شباب

انا أسمي محمد

الكلية سنة تحضيري إداري وانساني خطة ب

تأهيلي وكلو محاضراتي في المساء

شباب يرحملي أمكم إذا تعرفو موضوع في تجمع للإداري تأهيلي زيي قولو

وربي ما أعرف شي والجدول عندي مدري كيف ! مبنى Tab مدري إيش والله ناسي

ما أعرف ولا شي

وعندي سؤال بس لا أحد يضحك عليا عشان متأثر بالثانوي خخخخخ

أول يوم أجيب معايا دفاتر وأقلام و لا إيش أجيب ههههههههههه

[طالب mis]

أخوي أستمر على الحماس ده على طووووووووووووووووووووول والله بحمااسك واجتهادك تاخد اعلى الدرجات في المواد وترى حياة الجامعة تختلف عن الثانوية ابسط بكثير انا عندي من الثانوية اهم شي الحضور والله الله بالحضور لاتحاول تغيب وانشالله المعدل حقك يكون عالي وبالنسبة لاول يوم جيب معاك دفتر صغير وقلم عشان تكتب الملاحضات وبالعاده اول اسبوع يكون تعريفي للطلاب تمنياتي لك بالتوفيق

[Bush...Bush]

الله يخليك ويسعدك حبيبي

ما شاء الله أنتا إدارة أعمال والله نفسي أخلص التحضيري أدخلها

+ الحضور ما عليك في الحضور الحمد لله ما عمري أغيب الا بعذر في الثانوية الا آخر 3 أسابيع تهبيق لليل

وعلى فكر نسيت سعال جدا مهم

الزي للجامعة في عزوز إيش البس عادي جنز وحركات ولا لازم توب

[الباسل3003]

السلام عليكم ورحمة الله وبركاته

أول ما انقبلت في الجامعة كنت فرحان بشكل غير طبيعي والبطاقة الجامعية في يدي كل شوي أطالع فيها ماني مصدق من الفرحة


أما بالنسبة للدفاتر و الأقلام اول اسبوع لا تجيب إلا مفكرة صغيرة و قلم واحد عشان تسجل ملاحظات الدكاترة و أنظمتهم و طلباتهم

بالنسبة لكليتكم ما أدري بس أنا في الآداب كنت اداوم من أول يوم والدراسة مابدأت الا يوم الثلاثاء
بس استفدت ان الدكاترة عرفوني من البداية عشان الطلاب اللي كانو يحضرون في أول 3 أيام قليلين مره

في أول محاضرة اسأل الدكتور عن الكتب المطلوبة لو في كتب محددة و تسأل عن نظام الغياب يعني كل مادة لها عدد معين من الغيابات و تسجل أسم الدكتور و نظامه في المحاضرات هل يسمح بالتأخير أو لا بعض الدكاترة يسمح لك تتأخر الى 10 دقايق و بعضهم لو جيت بعده مايدخلك القاعة

بالنسبة للجدول فلا تستعجل باقي ماتحددت المباني مكتوب Tba يعني المبنى غير محدد

ممكن تداوم و في محاضرات ماتحددت مبانيها روح تأكد من كليتك تلقى أوراق مكتوب فيها كل شي معلقة داخل الكلية أو اسأل الطلاب اللي تلقاهم في الكلية

ممكن يكون جدولك مضغوط و تتعب أول اسبوعين استعين بربك و توكل عليه و راح تتعود

بالنسبة للزي عادي خذ راحتك أي شي مسموح خصوصا أن عندكم مختبرات بس (في حدود الدين و الأخلاق) قبل كل شيء انت طالب جامعي و لبسك يعكس مستوى تفكيرك , بعض الشباب الله يهديهم كأنه طالع السوق مو الجامعة

ملاحظة أخيرة : أهم ترم في الدراسة الجامعية (الترم الأول) كثييييير ناس متخرجين بمعدلات طايحة بسبب الإهمال في الترم الأول و راح تلقى كثير من الطلاب المتقدمين في الدراسة يقولك (أحاول أرفع المعدل) و السبب تلقاه جايب في الترم الأول حوالي 2,50 و يكمل باقي دراسته وهو يحاول يرفعه و كل ترم تلقاه تعبان و هلكان و في الأخير يتخرج بمعدل 3 و لا حوله و بعضهم ييأس و يترك الجامعة ليش لأنه أول ترم دخل الجامعة يفكرها فلة و لعب و يتورط بس أنت بدع في الترم الأول عشان بعدين ترتاح و تدرس بدون هم و غم .

أتمنى أكون أفدتك باللي أقدر عليه.

[Bush...Bush]

الله يسلمك أفدتني كتير

[Bush...Bush]

شباب أبغا أحد يقولي إيش الهرجة

قريت موضوع بنات جامعة يقولو جهاز تسجيل محاضرات ! إيش يعني Mp4 معايا أشيلو أسجل المحاضرة

ويقولو ممنوع ولا كيف وإذا معايا كيف أستفيد منو بس أسجل المحاضرة ولا كيف

[نكهة آندومي]

مااعندي علم بالموضوووع

خلينا اندااوم اول اسبووع ونشووف مواضيع هالجداول وش راح يصير فيها

وبعدين جيب لو استريووو سجل كل شي هع هع هع << لاتصدق

بالتوفيق

[رنــــا]

مبروووووووووووووووووووووووك

[Bush...Bush]

مبروك الله يبارك فيكي

بس والله أحس أنو هم أول يوم الناس قاعدة في البيت وانا أروح الجامعة

زي الجني في الليل

[فروته]

مبروووووووووووووووووووك والله

على قد ما انا متحمسة مثلك على قد ما انا قلقانة

ان شاء الله يا رب تجيب اعلى الدرجات

وتصير معيد بالجامعة كمان هههههههههههه