بليييييز ساعدوني ..ايش اسوي ..

[abeer.s.b]

سلام ..
مممكن الي يعرف يساعدني ..
انا مستوى ثالث و موادي مبادئ محاسبة 101 و مبادئ علم السياسة و اقتصاد جزئي و عربي 2 و مبادئ ادارة عامة
المهم انا حذفت القانون لانو صعب علي و اضفت بدالو اخلاقيات عمل و انضافت عندي .. اليوم جيت اراجع جدولي لقيتهم حذفولي المادة و حاولت اضيفها ما لقيتها .. ايش اسوي انا ابغى اخذ هادي المادة هادا الترم ؟؟ ياريت الي يعرف يرد عليا .. شكرا ..

[ALKHALDISM]

هلا عبير حاولي اتضفين ثقافة اسلامية 201 لانها لها متطلبات خلي عنك اخلاقيات العمل انا نفس الشي انحذفت وقمت حذفت المادة وضفت ثقافة وقبل معي لانها موجودة في الخطة للمستوى الثالث

[abeer.s.b]

المشكلة لمن رحت للقسم حق الادارة انتساب قالتلي انو ما عندنا ثقافة عشان كدا ما نقدر نضيفها و قالتلي عادي مافي مشكلة تضيفي اخلاقيات عمل و كل شي براحتك و لمن اضفتها حذفوها ليا ليش ؟؟؟ ما اعرف ايش اسوي و الثقافة ما تنضاف لبنات المستوى الثالث على كلام الادارة ..

[ALKHALDISM]

اها - طيب
حبيت اعرف المواد الموجودة في الخطة وكم ساعة لكِ

[abeer.s.b]

ساعاتي 18 ساعة كحد اقصى و انا عملت جدولي على 17 ساعة مع اخلاقيات عمل . و الان صارت 15 ساعة و انا مقهورة لانو انا حذفت القانون لانو صعب عليا ..ما اعرف ايش اسوي ؟

[ALKHALDISM]

حاولي تضيفين المادة مرة ثانية واذا ماقبل شوفي اسهل شي اذا ماتبين مالك الا الاقتصاد الجزئي

[abeer.s.b]

انا عندي اقتصاد جزئي و كل المواد بس حاولت اضيفها و ما لقيت رمزها .. ما اعرف ايش اعمل .. و ما ابغى 15 ساعة ما ادري .. بس حسبي الله عليهم ..

[abeer.s.b]

اقصد حاولت اضيف اخلاقيات عمل مرة تانية و ما لقيت الرمز و نفس الشي ثقافة ما ادري ايش اعمل ..حسبي الله و نعم الوكيل ..

[ALKHALDISM]

خليني اشوف الموضوع مع احد الاخوان بالجامعة وارد عليك
للمعلومية ذكريني النسيان وارد

[abeer.s.b]

شكرا اخويا .. ان شاء الله انا احاول اروحلهم و اسأل .. و ما تقصر تسلم ..