استفسار عن استاذه في ماليه الشركات

[* بنت جده *]

السلام عليكم


مبرررررررررررررررووووووووووووك لينات المحاسبه انهم اتفتحت لهم الحذف والاضافه اليوم زيي

بعد ماقفلت الشعب فتحوها لنا

المهم دحين انا ابغى اضيف ماده ماليه شركات بس ماافي ولا استاااااااااااااذه اقدر اضافيها غير خديجة صالح عبدالرحمن حريري

ايش رايكم فيها

وان شاء الله تكون كويسه

[Mai]

للرفع

بنات ردو اللله يخليكم .

[AccT G!rL]

الله يبارك فيكي يااااااااارب .. على العموم ان شاء الله خيرة لنا
الصراحة ان زي زيك مدري عن الاستاذة بس اضفت المادة عندها بس سالت بنااات ناس مدحوها وناس لا
بس انا بقولك اللي سمعتو : 1- ماتاخذ حضور وغياب ولو في يوم اخذت بيكون بونس لكي
2- اختباراتها 5 انا عارفه انها كثير بس احس انو تباكي اول باول تكوني معاها وتذاكري اول باول
3- اسئلتها نوعا ما متوسطه بس اللي دخلوا الفاينل موحد شافو الاسئلة موووووووووويه لانه اتعوادوا على اسئلة غريبة
4 - تشرح من قلبها وتعيد مرة و 2 و3 ولو ما فهمتي تقولك تعاليلي بعد المحاضرة
5- تعطي واجبات ولو عجبها تحط عليه درجات كثيرة 6 او 5 درجات
6- واخر شي انو في وحده من صحباتي كانت ناقصة 6 درجات وسلمتلها واجب مو صح بس انو باين انه مبذول فيه مجهود قالتها انا حعطيكي ال 6 كامله يعني تريح قلبك لو تعبتي معاها

اما الناس اللي ما مدحوها اكتفو بسبب انها سيئة ليش ما دري ؟؟؟؟؟!!!!!

على العموم انا اعتبر هذا الشي تجربة شخصية يعني ناس يشوفوها سيئة وناس يشوفوها زينة

مررررررره مسختها بكلامي الكثير بس ان شاء الله اكون افدتك:)

[* بنت جده *]

Mai * شـــــــــــــــكـــــــــرا على رفعك للموضوع وان شاء الله الاقي احد يرد على ولله محيرتني هذه الاستاذه اسمها يخوف
< متعقده من خديجه ضباب

[* بنت جده *]

لا ولله مشكوووووووووووووووووووووووووره على ردك وكل كل نقطه قلتيها لي ولله يجزااااااااااكي خير

بس ابغى اعرف انا عارفه انو تعبتك بس سامحينى الاساله تجي اختياري وصح وخطا

ولا تجي مقالي والصح والخطا مع التصحيح والتعليل

والمذاكره من ملخص هي تقولو ولا من الكتاب

[AccT G!rL]

محاضراتها كلها من النت تنزيلها تذاكري منها بس .. بالنسبة للاسئلة الجزئ النظري يجيكي صح او خطا ولا اختاري
بس لانه المادة فيها قوانين وعملية نوعا ما فا الاسئلة تكون حل بس تجيبلك القوانين في الاختبار انتي بس عليكي تعوضي
هههههههه والله كأني دارسة المادة ما شاء الله علي ;) :)

[* بنت جده *]

هههههههههههههههههههه ماشاء الله عليكي شكلك سالتي على الماده كويس

انتى دحين راح تاخذيها هذا الترم ؟

واذا راح تاخذيها قوليلي ايش شعبتك امكن تكوني معاي

^_^

[* بنت جده *]

ومشكوره على ردك على الموضوع ماعرف كيف ارد جميلك ان شاء الله تكون في ميزان حسناتك ياااااااااارب

[AccT G!rL]

B8 ماخذه هذي الشعبة .. لا عااااااااادي احنا هنا عشان نساعد بعض وبعدين انا ابا اوصل اللي اعرفو لانهم كلهم يقولو سيئة ايش السبب طيب ؟؟؟ مافي سبب بس يسمعوا كلالالالالام
وان شاء الله تاخذي معاها A+

[* بنت جده *]

معاي يعنى في نفس المحاضره حتى انا شعبتي b8 وتبدا من الساعه 9

بس من جد انا ابغى اعرف ليييش شعبها مهي محمره كل الشعب محمره الا هي علشان كدا انا خفت منها وسالت بنت عليها قالت لي لا لاتاخذي معاها بس مااسالتها ايش السبب

ومن امس وانا قاعده ابغى شعبه نسمه ولا سحر تفك بس مافكت مافي غير شعبها الاربعه مفتوحه

يلا ان شاء الله تكون كويسسسه وننجح فيها وناخذ نحنا الاثنين A+