تخصصت قبل أخلص السنة التحضيرية !!!

[a.ipad]

السلام عليكم

زي ما هو واضح في العنوان أنا درست انتساب في سنة 2008-2009 وخلصت فصل دراسي

واحد فقط والفصل الثاني في نفس السنة قدمت اعتذار

في عام 2009-2010 سحبت على الجامعة لأني ما قدرت أكمل بسبب ظروف مادية

في عام 2010-2011 ( هذي السنة ) راجعتهم عشان أكمل دراستي فقلت لهم أنا منتسب

وأبي أرجع ودرست عندكم خطة (ب) وباقيلي خطة (أ) فقال سدد وتعال رحت سددت ورجعت

قالي تبي تتخصص قلت باقي لي فصل دراسي ما خلصته خطة (أ) قالي ما يهمك وأنا بسوي

شي لصالحك قلت والله ما أعرف وش السالفة بس ان شاء الله خير !

قال وش تبي قسم قلت ( اعلام ) قال خلاص والله وأدخل على النظام وألقا نازلي جدول

وبالفعل نزلت لي مواد قسم الاعلام !!

ياشباب هل يسمح النظام بهالشي ؟؟؟

وهل يضرني اني تخصصت قبل أخلص السنة التحضيرية ؟

ياليت تنصحوني لأني ما أعرف الكثير في الجامعة !

علماً إنه قالي تقدر تكمل السنة التحضيرية الباقية عليك في المستقبل

أنتظر نصايحكم لي ووجهة نظركم في الموضوع

[أ.ع]

بإختصار أولاً الله يحييك في قسم الإعلام علاقات عامة

ثانياً ما يأثر عليك في شيء

ثالثاً سواءً درستها هذا الترم أو الأترام الجاية ما ترفق في الأخير لازم تنجح فيها

رابعاً رتب لك جدول ما بين السنة التحضيرية وما بين التخصص من هنا ومن هنا (ركز على المواد السهلة ما بين النظرية والتطبيقية)

وبالتوفيق

[a.ipad]

بيض الله وجهك على الرد الشافي الكافي

ربي يسهل أمورنا وأمورك

[أ.ع]

بالتوفيق