تأخر الزواج لدى الشباب ما أسبابه ؟؟؟ والعنوسة عند الفتيات ؟؟

[عباطة]

الحالة المادية

السفر للخارج

زواج الاجنبيات

اكمال الدراسة لدى البنات

التعصب العرقي والقبلي لدى الأب والقبيلة أو العائلة قد يمنع أحيانا

شباب اليوم مايملوا عين الفتاة لذلك يتأخر أختيارها للشاب المناسب

الأم لاترغب في زواج ابنتها طمعا في خدمتها داخل المنزل لذلك تتأخر عن سن الزواج المناسب

هل هذه جميع الأسباب ؟؟؟ أم هناك أسباب أخرى تود أضافتها؟؟؟... أتحفونا بالأراء.. انتظركم

[^_^]

شوف يا عباطة ...

من وجهة نظري ... تربيتنا هيا السبب ...
ومن جهة تانية ... المعيشة ... صارت ... مهي زي أول عشان الواحد يتزوج وهو مرتاح
في دي الأيام .. لو الواحد فكر في الزواج ... حتلاقي هموم الدونيا كلها تركبه ...

فمن قاصرها ... يختصر الهم دا كله .. ويأخر الزواج لما خلاااص تطق فيوزاته .. ويقول (هي خاربة خاربة)
ويروح ويتزوج في سن متأخرة ...
طبعا أتكلم عن سكان المدن الكبيرة ...

[السفير13579]

اعتقد غلاء الاسعار له تاثير كبير في تاخير الزواج
شكرا عباطة
تقبل مروري

[R-Kh]

انا اقول سبب تأخير الزواج شروط البنات العجيبة
!!
عن تجربة
ولد خالتي لما قرروا يخطبلوا
خطبوله وحدة
بعد ماشافها وكل شي
قالت شروط
من جد غريبة
فـ طبعا اتكنسل الموضوع
ومرة تانية
وحدة بنت عجبتو وكل شي
بس امامتها قالت برضو شرط غريب جدا جدا جدا
انا مااحمل البنات المسؤولية في التأخير
بس احس المسؤولية الاكبر على البنات
بس كمان الشباب بيتحملوا
انا بشوف اخويا واولاد خالتي
كل واحد يقول ابغا اعيش حياتي
بلا زواج بلا وجع قلب
والسبب انو الحياة صارت صعبة
مسؤوليات
ووظائف مو قد كدا
ورواتب على قد الحال
والزوجة تبغا تسافر وتلبس وتبغا بيت وسيارة و و و
^
طبعا مو كل البنات كدا
في مررره كتير بنات مايبغوا الا زوج يحبها وبس :$
بس انا بتكلم من واقع الناس اللي معايا
وهادا اللي بسمعوا من الشباب اللي في عيلتي
فـ لما يكون نفسو مره مزبوط
ويكون مستعد لـ الاشياء دي كلها يتزوج
:)

[بلسم]

انا الي شايفة ان ماافي أحد يبغه مسؤلية كل واحد يبغه يعيش حياته
ولا الشروط التعجيزية من أهل البنت ولا الرجل
ولا أحلى شئ المواصفات
بيضاء طويلة نحيفة عيون ملونه مدري ايش والله اغرب شرط سمعته يبغه عروق يدها ماتبان حاله محد يبغه صلاة عبادة أخلاق حتى البنات لا حلو طويل عضلات فري وخربيط
الله يرحمنا برحمته ويرسل لكل واحد وحده أولاد الحلال

[^_^]

المشاركة الأصلية كتبت بواسطة بلسم ولا أحلى شئ المواصفات بيضاء طويلة نحيفة عيون ملونه مدري ايش والله اغرب شرط سمعته يبغه عروق يدها ماتبان

أوووف ... شكله يبغى باربي ... فلللة ...

[عباطة]

أنا من وجهة نظري اشوف الشباب اتجه للسفر للخارج

والبنات نقطة اكمال التعليم يأخر سن زواجها بالتالي يصير التأخير معها

وشاكر مروركم ياابن الجلا , السفير , R-kh, بلسم .... نورتوا الموضوع