ياشباب وبنات الرياض تكفووون اعطوني جواب يفيدني مالي بعد الله الا انتم....

[تناهيد الحزن...]

السلام عليكم
مشكورين لدخولكم
المهم
تكفووون انا الحين اول سنه لي بالجامعه
وانا من سكان الرياض ..
وسجلت اني اختبر في معهد العالميه اللي بالرياض ..
ودفعت الرسوم..
وكل شي ...
سؤالي انا بختبر في المعهد والا وين اختبربالضبط
ووقت الاختبار اللي بالجدول هو نفس وقت اختباري والا بس للي بيختبرووون بجده...
بلييييييييييييز اعطوني اجابه استفيد منها والله دخت انا اتصلت ع المعهد ومافهمت شي من الحرمه مدري وش تقووول ..

[NORH]

السلام من الله علينا جميعا
انا مثلك سجلت وبالعالمية بارياض بحي السلام لكن الى الان لم ينزل الجدول لكن الي يتضح انه يوم الاختبار تصورين جدولك لانك بتستفيدين منه مثل الشعبة واسم الماده وغيره واحضري الهوية الوطنية +بطاقة الجامعة والايصال
المهم الان عليك المذاكرة الى ان يأتي وقت الاختبار وان شاءالله اشوفك في المعهد
وخففي من الخوف والارتباك لان كل شي كاتبه الله بيصير

[CrAzY_BebA]

انا كمان نفس الاسئلة حاولت أفهم من المعهد بس ما عطوني لا حق ولا باطل ياليت اللي عنده خبر يعلمنا :)

[بن قينان]

ياخون ان شالله تاصلكم رساله على الجوال مكان الاختبار الامور ان شالله بسيطه ومتيسره

[انتساب84]

حلووو هذا تدفعين رسووم المعهد ولاتدريين وين ربي حاااطك<<تكفين عااد انتي
المهم انا سجلت في المعهدفي حي الملك فهد وقالتلي الاخت الله يوفقها تقول جدولك اللي منزل للسنه التحضيريه يشمل جميع اختباراات المناااطق
يعني الجدول اللي منزليينه راح تختبيرررييين فيه

[التواضع زين]

لاتشيلون هم انتم ماشاء الله عليكم اموركم زينه قبل الاختبارات يختارون لكم فندق ولا قصر افراح ويختبرونكم فيه وراح تجيكم رسايل على الجوال بالمكان
الله يوفقكم

[التواضع زين]

لاتشيلون هم انتم ماشاء الله عليكم اموركم زينه قبل الاختبارات يختارون لكم فندق ولا قصر افراح ويختبرونكم فيه وراح تجيكم رسايل على الجوال بالمكان
الله يوفقكم

[رياض الرياض]

حبايبي السلام عليكم ورحمه الله وبركاته

بالنسبه للاختبار في الرياض

طبعا من المعروف الاختبار يكون قسم للرجال وقسم للبنوتآت

طبعا مع دفع الرسوم يكون اختبار الرجال في مركز المعارض الي على مخرج 10 جنب جمعه الامير سلمان الاهليه

طبعا الكل يختبر هناك
التحضيري واداره الاعمال الي اختارو في الريا ض


ثانيا

البنوتات
يكون الاختبار في معاهد العاليمه النسويه بالريآض

طبعا فيه واحد في مخرج 12 وواحد في شارع التحليه
هذي يكون فيها دفع الرسوم للرجال او البنوتات

طبعا اذا دفعت الرسوم تاخذ لك ايصال وكروكي بمكان المحل الي بتخبتر فيه

هذا كل شئ بالتفصيل واي سؤال انا حاضر


تحياتي

[MKD212]

يا اهل السنه التحضيريه لا تشيلو هم انتم وضعكم تمام وراح توصل لكم رساله بالموقع واذكر السنوات الماضيه للبنات بمعاهد العلميه على نفس الجدول والوقت المحدد في الجدول .

المهم ركزو في المذاكره ولا تهوجسووووووووووو كتير كتير


وربي يوفقكم

[dowas2010]

اسألي معهد العالمية وبيدونك الجواب بعد التسديد والجدول تلقينه بموقع الجامعة بقسم خدمات الطلاب