ممكن احد يحاول يفهمني

[الخااان]

انا من دفعة 08 طيب .. لمن كنت اشوف الخطه ماكان فيها رياضيات ومن سمسترين لقيتهم حطو بالخطه رياضيات للتخصصات النظرية.. وش السالفه انا الحين بالمستوي 6 واخذت ماده اسمها مهارات البحث العلمي والحين مو موجوده بالخطه حاطين بدالها تنمية مهارات التفكير.. وهذي مااخذتها .. مافهمت هما يغيرون الخطه كل سنه طيب اللي مااخذته مثل رياضيات ومهارات التفكير وش مصيرهم تكفون رد وفهموني محتاره وش اسوي كل فتره يغيرون ويبدلون ومو فاهمه شي

[الخااان]

معقوله كلكم ماتقدرون تفيدوني ولو بمعلومه .. او مااحد له نفس يرد.. بجد محتاجه مساعدتكم
اكتشفت انهم شايلين مادة انا اخذتها من الترم الثالث وهي تحليل احصائي وحاطين بدالها الرياضيات طيب شسوي انا خلاص خلصتها ... يعني تعبي بيروح ارجوكم فهموني انتظر ردكم

[تروكي999]

انا عندي نفس المشكلة
وطرحتها بالمنتدى يا ليت ترسل للكلية عن طريق تقديم معاملة الكترونية وتشرح الوضع
وتنتظر الرد

تحياتي

[منحوس فى الجامعة]

السلام عليكم
أنا كنت مثلك بعد ما أختبرت رياضيات ومهارات البحث العلمي نزلو مكانها المادتين اللى تقولين عنها
طبعاً بالنسبة لك خلاص عديتيهم بمسماها القديم يعنى خلاص ما راح ترجعين لمادتين خلصتى منهم إن شاء الله فهمتى
وأحيانا كم سنه يغيرو مواد ويحطو مكانها مواد طبعاً اللى عديتى منهم ما يطالبونك فيها مره ثانية أوتسيه
الله معك وشدي حيلك الله يعافيك
---------------------
رد ثانى أذا ما فهمتى الاول
عديتى من أختبار الرياضيات والبحث العلمي وتحليل احصائى يعنى خلاص كانك عديتيها بمسماها الجديد

هذا الكلام نفسه موجه لك أخوى تركي

[الخااان]

اهاااا يعني اخوي منحوس خلاص اعتمد .... لانو بجد خفت قلت ياربي كل ماقلت هانت الا يزيدوني مواد وانا لاعت كبدي من هالجامعه ... عموما اخوي بجد انا شاكره لك وانت ماقصرت كفيت ووفيت ويجعلها في موازين اعمالك وفرحتني الله يفرحك بعافيتك وبتخرجك ...

[منحوس فى الجامعة]

الله يطول بعمرك الخان
مشكورة على الدعوه اللى ندورها فى كل مكان
ما عندك عذر الحين .. ركزى فى دراستس والله الله بالمعدل الزين

[.,.نيــــــــــــــــــــران.,.]

أفادتك أخونا منحوس في الجامعة

كل واحد يمشي على الخطة الأولى له ، تغير الخطط بعد كذه مايأثر عليه

إذا حابة تتأكدي أكثر روحي الشئون التعليمية للانتساب قوليلهم أنا دفعة 08 هل المواد الجديدة تشملني وللا لا


موفقة ياقلبي :)

[ALBADR]

اخوي الرياضيات هي نفسها تحليل كمي وانت اخذت تحليل كمي يعني امسحها من راسك تعتبر اخذتها

ومهارات التفكير هي نفسها البحث العلمي يعني اذا اخذت البحث العلمي امسحها من راسك بعد

انا معك دفعه 2008 وخلاص الترم الجاي تخرجي إن شاء الله

[ابورسيل2010]

اختلف معكم انا دفعه 06 وكل ترم تنزلي الرياضيات الين اخذتها والحمدلله افتكيت منها تاكدو من الشئون التعليميه

[الخااان]

اختي نيران ألفألف مبروك التخرج وعقبال الماستر واشكرلك اهتمامك
اخوي منحوس تستاهل اكثر طال عمرك وبالنسبه للمعدل خليها علي ربك ههههههه المهم شهاده
اخوي البدر انا شاكره لك والله يوفقك وينولك مرادك وتتخرج بتفوق ..( لسه انا باقي علي سنه غير الترم الجاي .. بنشرت كذا مره ههههههههههههههههه )
اخوي قاطع مافهمت وش تقصد حاول تشرحلي يعني هي بظهري ولا منها مفر....