وبعدين مع الجامعة فهموني بس

[ول ول]

يا اعزاء انا انتظر المفردات تنزل من العيد!!
طيب الى الحين مانزل شي !!
قلت مو مشكلة لكن السبب ايش ؟!؟!
معقولة اللي يعتمدوا المفردات للحين مصيفين ووقتهم مايسمح ؟!
والدكاترة وش شغلتهم؟
الترم بينتصف وهم حوسه ودوسة
والوقت قليل لنا طلاب الانتساب يعني لازم مدرسين ولازم ندرس بأنفسنا والاغلب موظفين ومتزوجين
متى بالله نذاكر؟!؟!
وهم رواتبهم اللهم لا حسد كل شهر بوقتها وحنا ننتظر ولا مجيب
طيب ابي منكم طلب صغير
ابي ابدأ لو في كتاب واحد ومستحيل يتغير
مثلاً
موارد بشرية 231 او تسويق دولي 414 او ثقافة اسلامية 103
اسم الكتاب والدكتور تكفون والله تعبت كل يوم داخل موقع الجامعه ماصارت طلب علم هذا طلب نكد مدفوع التكاليف

[جوزائيه]

الله يعينا يارب
ويصبرنا على الجامعه القرررف
وربي لو في جامعه ثانيه معترف فيها وحكوميه كان يمكن تلقين الجامعه فاضيه
كلووو من الاهمال حقهم للانتساب والفلووووس الي مالها داعي...

[MR_NAIF]

الحين مشغولين با رسوم الانتساب
تعرف انت والمفردات اخر ما يفكرون فيه
اهم شى المصاري ( الدراهم )

[ول ول]

اختي جوزائية والله العظيم ابي لو كتاب واحد ابدأ فيه
المفردات اذا مانزلت السبت ماراح تنزل الا الاسبوع الثاني او اللي بعده!!
فكذا مافيه وقت نذاكر الترم انتهى وحنا الوحيدين بالعالم اللي ندخل الاختبار ونطلع والنتيجة مانعرفها والمنهج على البركة وجهود بعض الطلبة
طيب ياطلاب الانتظام ليه تحضرون؟!
انا مااستوعبت الفكرة يعني مااحد يعرف المقرر اللي عليه في كلية الاداره والاقتصاد باسثناء السنة التحضيرية؟؟
ياعالم كل يوم في المنتدى بس اشرحوا لي هل كل الانتساب والانتظام بدون مفردات حتى الآن؟ او بس على اللي دافعين فلوس للجامعه والجامعه جالسه تعد فيه ومحتارة تفتح بنك فيهم او تسوي استثمار بالمضاربة الحميدة !!!؟؟؟

[ول ول]

صح لسانك مستر نايف وانا وانت نفس المستوى الخامس ونفس التخصص
برايك نقدر ننهي 5 مواد تخصصية كل ترم في 4 سنوات؟!
انا حسبتها وشفت لو تاخذ ترمين صيفيين معهم مايكفي

فيمكن وانا اخوك يفكرون يزيدون الرسوم وتغيير الخطة وتثبيط الهمم عشان مانكون جيل متعلم ونبقى امة مستهلة لكن هيهات هيهات<< مسلسل تاريخي
وان شاء الله احد يحس فينا بدل السهر في المنتدى ننتظر خبر جديد لو اشاعة ونسهر على الكتب

[ريانة الـ ع ـود]

ياويلي ..
خوفتني...
من أول اسدل الستار على مثل هالكلام...
حسبي الله بس عليهم..

تلاقاهم قاعدين يتقاسمون الدراهم ..
وهمهم الوحيد كم بيكون الفائض..

بجد .. متى يمدينا نذاكر ووإلا نحضر .. أنا عندي معهد العصر .. ومضغوطه قد ماتقدر تقول..
اجدد ابوش يء تلقاه في موقع الجامعه..
أخبار التصويت..
مرة على خدمة جامعتي ..
ومرة على مدري وشو.. :(

[ول ول]

الله يعيننا اختي ريانة انا في المنتدى لحظة بلحظة بأنتظار خبر مفرح لنا جميعا معشر الطلاب والطالبات
موادي المقترحة لهذا الترم وحتى الآن:

موارد بشرية 231
تسويق دولي 414
ثقافة اسلامية 103
رياضيات 114
تحليل كمي 114*115 او تحليل كمي114
عدد الساعات= 12 وابي مادة بـ 3 ساعات عشان تصير 15 ساعه واقدر ازيدهم لـ 18 ساعه لكن مافيه وقت ابداً
لا تلوموني مقهور وعشان انام للدوام لازم اكتب اللي في بالي وردودكم تفرح وبانتظار اقتراحاتكم على الاقل نتشارك الهموم ونلقى حل وبكره ان شاء الله بجيب لكم اول الحلول بإذن الله