لو سمحتو ممكن تساعدوني ..

[MrAlHijaz]

السلام عليكم يا شباب انا تخصصي اداره عامه و انا دحين مستوى تالت و المواد في الترم دا مره

صعبه و معدلي مررررره طاح بسبب صعب المواد و من اسئلة بعض الدكاتره اللي عقدو الماده و

صعبوها فـ لو سمحتو بطلب منكم مساعده يا طلاب الاداراه العامه انا بنزل مواد الترم الجي

و اباكم تقولولي مين اطيب دكاتره يدرسو المواد اللي بقولها دحين ؟ لانو بصراحه تفوق الطالب يعتمد

بشكل كبير على شرح و اسئلة دكتور الماده ، فـ الله الله لو سمحتو ربنا يوفقكم ساعدوني و قولولي مين

احسن دكاتره من حيث انهم طيبين و اسئلتهم سهله و يساعدو الطلاب في الدرجات و تفضلو المواد حقتي


محاسبه حكوميه
قانون اداراي
الثقافه الاسلاميه المستوى التاني
اخلاقيات العمل
نظرية التنظيم
ادارة الخدمه المدنيه


بس طلبي طال عمركم تقولولي مين اطيب دكاتره يدرسو دي المواد و تاكدو بمساعدتكم هدي

حتفيدو طلاب كتيرين مو بس انا .

شكرا لكم و استنى ردكم

[MrAlHijaz]

يا جماعه يا طلاب الاداراه العامه ساعودني الله يرضى عليكم

ردو منتو خسرانين شي

[ALBADR]

ياخي باقي مانزلو اسماء الدكاتره لان الفصل الثاني باقي مابدا :)

عالعموم نصيحه لك اذا ذاكرت اي ماده ابحث عن الاسئله السابقه قبل سنه سنتين ثلاث اي شي وحاول تحفظها رايحه تساعدك كثير

[MrAlHijaz]

الله يديك العافيه على الرد ، لكن انا كنت اقصد انو يساعدوني الطلاب اللي درسو دي المواد عند دكاتره متساهلين

مع الطلاب يعني على قولتك من سنه او سنتين او تلات سنين لانو زي منتا عارف يا خي اخس شي لمن تطيح عند

دكتور سئ مع الطلاب و اسئلتو صعبه تحس انك بتنتحر و بتكره الماده و لو كانت سهله زي شرب المويا

و بعدين حاب اسئلك يا البدر متى يمديني انزل المواد اقصد تاريخ كم ؟ و انا دحين لازم احدد مساري طيب

احدد مساري اول بعدين انزل المواد حتى الترم دا ولا العكس انزل مواد بعدين احدد مساري ، تكفى ساعدني

و لك جزيك الشكر

[ثامر البراق]

أخوي المستوى هذا فيه شعبه وحده بس
يعني أستاذ واحد لكل ماده مافيه إختيار

وسيضاف لك ايقونة تحديد المسار في النظام
بعد ماتقوم بتحديد المسار والتخصص

رح يضاف لك الجدول

وبالتوفيق

[ALBADR]

اول شي حدد المسار لان فيه واحد من الشباب كان غشيم شوي وماتخصص وللاسف نزلتله بترم كامل مادتين بس :)

فانت اول شي اختر التخصص وبعدين تابع التقويم الجامعي وتعرف متى التسديد والحذف والاضافه

وتحياتي لك

[MrAlHijaz]

تامر يعطيك العافيه على المعلومات لكن هل انتا متاكد انو لكل ماده دكتور واحد فقط ولا مواد ايوى و مواد لا ؟

تانيا ما فهمتك على تحديد المسار ممكن توضحلي اكتر يا قمر ؟

شكرا لك

[ALBADR]

شف فوق تلاحظ اني جاوبتك ^_^

[MrAlHijaz]

البدر

حبيبي انا انتضام مني انتساب يعني دحين احدد مساري اول ؟ و متى تنزل ايقونة تحديد المسار ؟

[مجنون العالمي10]

المشاركة الأصلية كتبت بواسطة mralhijaz السلام عليكم يا شباب انا تخصصي اداره عامه و انا دحين مستوى تالت و المواد في الترم دا مره صعبه و معدلي مررررره طاح بسبب صعب المواد و من اسئلة بعض الدكاتره اللي عقدو الماده و صعبوها فـ لو سمحتو بطلب منكم مساعده يا طلاب الاداراه العامه انا بنزل مواد الترم الجي و اباكم تقولولي مين اطيب دكاتره يدرسو المواد اللي بقولها دحين ؟ لانو بصراحه تفوق الطالب يعتمد بشكل كبير على شرح و اسئلة دكتور الماده ، فـ الله الله لو سمحتو ربنا يوفقكم ساعدوني و قولولي مين احسن دكاتره من حيث انهم طيبين و اسئلتهم سهله و يساعدو الطلاب في الدرجات و تفضلو المواد حقتي محاسبه حكوميه قانون اداراي الثقافه الاسلاميه المستوى التاني اخلاقيات العمل نظرية التنظيم ادارة الخدمه المدنيه بس طلبي طال عمركم تقولولي مين اطيب دكاتره يدرسو دي المواد و تاكدو بمساعدتكم هدي حتفيدو طلاب كتيرين مو بس انا . شكرا لكم و استنى ردكم

من المستوى الاول الى المستوى الرابع الاسئله تضعها لجنه