نادي طيبة في الجامعه

[nada gx]

السلام عليكم ورحمة الله وبركاته

كيف الحال جميعا؟؟ ان شا الله بخير =)

مو متاكده مكان سؤالي صح ولالا
بس كنت ابا اسأل عن نادي طيبة اللي في الجامعه
بس برا قدام نادي الفروسيه
هوا ايام للبنات وأيام للأولاد
المهم اتصلت مايردوا مررررره

وحابة اسأل اذا وحده قد راحته منكم
كيف الأوقات عندهم من متى لمتى ؟
والسباحه كم رسومها عندهم وكيف نظامها ؟

وعموما في النادي الوضع مريح
ولازحمه ورررجه :d

وشكرا =)

[roro14]

في قبل كدا كان في موضوع عنه
والللي قريته انه في عضوه هنا ناسيه اسمها اختها اشتركت فيه وتمدحه مرا وانه كبير ومو زحمه
طبعا الايام للبنات
السبت-الاثنين-الاربعاء
للسباحه 350 ولازم كشف طبي بتاخديه من عندهم وتروحي لاي مستشفى يعني عشان سلامة المسبح
وفي صالة رياضه برضه سعرها لحاله
بس اللي كنت بسال عنه انا انه دحين بعدالامطار كيف وضع النادي لاني كنت حابه اشترك وطبعا مع الامطار تعطلنا