شهادة تشنج بونج لمعادلة مادة الأحياء ++ الكمية محدودة ...!!

[sultanooh]

السلام عليكم ورحمة الله وبركاته

من جد صار الواحد يدور أي شهادة من هنا أو من هناك علشان يعادل مادة الأحياء

لأن الأختبار حق الأحياء تقريباً بعد أسبوع ومحد عارف من فين يذاكر وأيش يذاكر

أتمنى من قسم الأحياء ان يخبرنا مانوع الشهادة التي يمكننا معادلة مادة الأحياء بها

لأن مافيه وقت نذاكرها وباقي حايسين في التست بانك

وأنا اول شخص مستعد اعادل مادة الأحياء ومستعد في المقابل اني أخذ بدالها الرياضيات

يعني اعيد ادرس الرياضيات تعويضاً عن الأحياء

أستغفر الله

ولا حول ولا قوة إلا بالله

وحسبي الله ونعم الوكيل في من أراد بنا الهلاك

[!..RahoOofa..!]

اكيد تمزح !!
المهم اصبرو اكيد حينزلكم قبل الاختبار ان شاء الله
والدوري الاول سهل وانتي ناقص عننا شابترين يعني احنا كنا 6 شباتر واسئلة مقلوبة
ومرا ان ساءت الاحوال احفظ الاسئلة لانو كلمات الدوري الاول مو صعبة وتنحفظ انا ذاكرت الاحياء قبل الاختبار بيوم وعادي فل مارك ...
المهم بقول يعني ان شاء الله تتحل المشكلة .

[~RAN~]

الله يوفقكم ويسهل عليكم

بس والله انا ماعندي مانع لو بادلت الاحياء بالماث معاك

[عاشق رهف]

ماعتقد فيه شهادة تعادل مادة الاحياء ... بس ان شاء الله اذا لقيت دورة او شي معتمد ...

ياريت ماتنزلة للشعب في المنتدى ... وبالنسبة ليا خلصت الاحياء والحمدلله +b وعقبالكم بأحسن ..

ذآكر التست بانك تلاقي نفسك قاعد تلعب في الاختبار ...

[sultanooh]

المشاركة الأصلية كتبت بواسطة ~ran~ الله يوفقكم ويسهل عليكم بس والله انا ماعندي مانع لو بادلت الاحياء بالماث معاك

حتى انا ماعندي مانع للتبادل

واصلاً حادخل اختبار الماث بدون ما اذاكر لاني افتكر الدروس مزبوووط

علشان كذا مستعد اعادل الاحياء واخذ بدالها رياضيات

[~RAN~]

المشاركة الأصلية كتبت بواسطة sultanooh حتى انا ماعندي مانع للتبادل واصلاً حادخل اختبار الماث بدون ما اذاكر لاني افتكر الدروس مزبوووط علشان كذا مستعد اعادل الاحياء واخذ بدالها رياضيات

هيا من بكره انت روح لعمادتكم وانا بروح لعمادتي وخلنا نتبادل >>بتتصفق

[sultanooh]

^^^

قسم الرياضيات ماراح يقبل

لانه مايبغى يكون فيه طالب يجيب فل مااارك ييبغوووووون رسووووب

يبغوووا طلاب فاشلين فقط فقط

دا القسم قلبه اسود على الطلاب كفانا الله شرهم

والحين الدور على قسم الاحياء حسبي الله عليهم

[e5t nawaf]

والله حتى انااا ابغى ابادل الماث بالاحياء
يارييت يننفع
اناا عندي اذاكر ماث ولا اذاكر احيااء :s

[الحلم..!]

الله يعينكم إن شاء الله ,, وترى هذا فقط بداية النرم ,, و هيا شويه لخبطة ,, الامور إن شاء الله تتسهل ,, لكن إنتوا اصبروا و الله يفرجها ,,

وبصراحة ماني عارفة هوا لمن يدخل الانترنت في الموضوع يتلخبط كله ,,

إنتوا الاحياء و إحنا الاون لاين الرياضيات ,,

الله يعين بس ..!!

[M!Šs JỏJỏ]

ربي يوفقكم لا تخافو ان شاء الله تلحقو تزاكروا :)
هوا اختباركم السبت وقبلو يومين هدا ازا ما بداتو من دحين
وبصراحة انا كنت ازاكر في يومو والدرجات كويسة الحمد لله
والاختبار اسهل اختبار نفس الصيغة ونفس الاسئلة الا ازا سؤالين مختلف
يعني حتى لو ما قدرتو تحفزوا كم صفحة بس قراتواها بتركيز ممكن تضمنوا الدرجات
دعوااتي لكم ربي يوفقكم ويسهلكم الأحياء وباقي المواد
ويوفقنا ويوفق الجميع يارب :)