جدولي بس 7 ساعات وش اسوي

[متـــــعــب الــريــاض]

السلام عليكم جميعا . الفزعة لخوكم انا طبعا المستوى الثالث وشايل معي تحليل احصائي ولغة انجليزية ماخذتها الترم السابق وسددت ونزل لي فقط 7 ساعات . فزعتكم ابي المواد الكويسة والسهلة لرفع المعدل حقي وهل اقدر احذف احد هالمواد واضيف مواد سهلة وش تنصحون اضيف انا اداره اعمال _موار بشرية الفززززعه لخوكم .
ولكم كل الشكر ,,


econ 115 تحليل احصائي (1) elca 102 لغة انجليزية 2 )آداب واقتصاد(
stat 115 احصاء )للتخصصات النظرية(

[@ندى@]

تقدر تحذف اي مادة ماتبغاه وتضيف الي تحب

[متـــــعــب الــريــاض]

الله يعطيك العافية بس وشي المواد الي اقدر ارفع فيها المعدل حقي . وش رايك بموادي المسجله صعبة وش احذف منها ولك الف شكر

[تـفـاااحـه]

تقدر تضيف وتدحذ فالمواد الى تبغاها حتى لو غيرت جدولك كله ونزلت مواد تانيه عادى

[متـــــعــب الــريــاض]

الله لايهينك تمام النقطة هاذي عرفتها بس وش المواد السهلة في القسم على حسب خبرتك الي تساعدني على رفع المعدل ولكي جزيل الشكر والعرفان

[تـفـاااحـه]

والله انا معرف ايش المواد الموجوده بالخطه الجديده لانهم غيروها بالكامل افضلك تسال احد زيك يكون عارف وفاهم
بس اهم شي ما يكون ادارة الاعمال والمارد البشريه بسمستر واحد لانه دسمه مرره

[متـــــعــب الــريــاض]

يعطيك العافية تفاحة ويكفينا جهدك معاي والله اخوك مايدري وش السالفة بس انا موكلي امري على الله وإن شاء الله نشد حيلنا ونتخرج باذن الله
الله يوفقك تفاحة وماقصرتي

[عبدالله الناصر]

اخوي الغالي لا تحاول ان المواد تكون سهله اكثر من اللازم لانك راح تخلص المواد اللي تعتبر سهله على طول وتلاقي نفسك في كذا ترم منضغط ومقفل على نفسك ويكون عندك كذا ماده جامده في نفس الترم

اهم شي في اختيار الجدول انك ماتضغط عمرك اكثر من اللازم بمعنى اذا والله انت منت جيد مره لاتنزل مواد اكثر من استطاعتك وطبعا اللي يحكمك في هالشي قبل اختيارك معدلك اللي يمكنك انك تنزل ساعات اكثر او لا

ثانيا حاول تشوف المواد اللي تفتح لك مواد ثانيه وتاخذ منها ولاتهملها لان فيه مواد لو تنطشها تلقاها تحرمك من مواد ثانيه قدام ويمكن تضطر تتاخر في التخرج بسببها

وهذي تعرفها من الخطه الدراسيه للقسم تلقى فيه المواد وجنبها على السيار مكتوب متطلب سابق راح تلاقي كذا ماده لها نفس المتطلب السابق فلو ما اخذت هالمتطلب مثل ما انت عارف ما تقدر تاخذ هالمواد

مختصر الكلام لاتضغط على عمرك في الساعات اكثر من اللازم ولا تخلص المواد السهله عليك وحاول تشوف المواد اللي تفتح لك مواد ثانيه عشان يكون عندك خيارات وبدائل اكثر

مع تنمياتي لك وللجميع بالتوفيق

[][_ غــــــيــــــر _ ][]

ماقصروا الاخوان والاخوات

[متـــــعــب الــريــاض]

الله يعطيك العافية مشرفنا الغالي ][_ غــــــيــــــر _ ][ وماقصر الجميع ولكم جزيل الشكر والعرفان وبالتوفيق لنا جميعا