شرح 1.2

[روح كلها طموح]

السلام عليكم
لوسمحتو ياليت لو احد يشرحلي 1.2 حق تحديد نوع الداله زي الي في الاون لاين 1.2
وثاني شي كيف اجيب range للدوال

[rival soul]

شوفي انا صراحة مدري عن الاون لاين بس بشرحلك اللي تبيه احم احم خلص مذاكرة ومسوي دافور هههههه
المهم بالنسبة للرينج اللي هوا المدى

بيكون 3 اقسام
اول قسم اذا كان المجال اللي هوا الدومين فترة موجبة والتانية سالبة يعني مثلا من سالب مالانهاية الى مالانهاية
فراح تعوضي بالطرفين مرة وبالصفر مرة في المعادلة الاصلية مثال لو كانت المعادلة x^2 راح تعوضي بالصفر تطلعك صفر وبالطرفين واحد سالب وواحد موجب مثلا سالب1 راح يطلع بموجب 1 وخدي اي عدد سالب راح يطلع موجب برضو معناه راح يكون الرينج من صفر لمالانهاية لانو بعد التعويض باي عدد سالب او موجب بيعطي موجب يعني موجب مالانهاية والصفر اعطانا صفر طبع مغلقة من عند الصفر لانو الصفر معانا

والقسم التاني ازا كان المجال كلو موجب او كلو سالب مثلا من (4,9) فراح تعوضي بالطرفين في المعادلة بدون ماتعوضي بصفر اوكي دا الفرق مثلا المعادلة جذر اكس اوكي جربي هيا جذر 9 ب3 وجذر4 ب 2 يعني يطلع المدى (2,3)

والقسم التالت ازا كان معطيكي رسمة فراح يكون القيم اللي في y بس يعني ليكي الامتداد حق الواي من فين يبدأ وفين ينتهي هوا دا المدى لكن الاكس يكون مجال

إن شاء الله تكوني فهمتي عليا بس لانو شرحي غبي والله يوفق الجميع

[rival soul]

وبالنسبة لنوع الدالة (راح اكتب في الصيغ y بدل f(x )
عندك 1-polynomial
يعني كثيرات الحدود وفي منها التربيعية quadratic والتكعيبية اللي هيا cubic
وفي اللي يكون اس الاكس فيها بي 4 واسمها quartic
وفي برضو الخطية linear اللي تكون y=ax+b
واللي تكون بس عدد ثابت يعني y=a
ودي انواع كثيرة الحدود بعد كدا غير كثيرة الحدود اللي هيا رقم
2الدالة القوى والصيغة العامة y=x^a
وطبعا حرف a عدد صحيح موجب
امثلة y=x^3
y=x^2
وكدا
ورقم 3 اللي هيا الدالة الاسية exponential صيغتها y=a^x
ورق 4اللي هيا اللوغاريتمية يعني y=log x
ورقم 5 اللي هيا trigonometric
الدوال المثلثية
زي y=sinx or y=tanx

ورقم 6 اللي هيا الكسرية ratinoal
زي x/x-1

ورقم 7 اللي هيا الجذرية radical
مايحتاج مثال
و8 اللي هيا الجبرية algebric

ويكون فيها اكتر من دالة من انواع مختلفة مثال y=x^2 +4^4/3
وخلصت كدا والله يوفق الجميع وإن شاء الله فل مارك

[روح كلها طموح]

مشكوووور ويعطيك الف عافيه ,,,

وإن شاء الله ربي يرزقك بتخصص الي تتمناه...