النظريات ,يابنات تعبتني والله

[اميرة الذوق]

الماده هاذي ختمتها لكن والله ماكأني فتحتها ,واثناء المذاكره اعتمدت على ملخص للدكتور حجازي صراحه الملخص رائع لاني ماسكه الكتاب معاه ,لكن عجزت احفظها تداخل مره قوي في المعلومات افيدوني جزاكم الله خير .

[طموح جامعيه]

شوفي حبيبتي انا معاك الماده دسمه ولكن سويت طريقه حاولت فيها اني اقدر اقارن بين العلماء عشان اقدر افرق
قسمت الاربع علماء الاولين في جداول اول شي نبده عنهم بعدين اهدافهم واخر شيء نظرياتهم بعدين حددت كل نقطه بارزه تدلني على عالم
بعدين العلماء الخمسه في الفصل الثالث اول ثلاث علماء مقارنه نفس الشي جداول واخر عالمين الي هم ريسمان وتشارلز ميلز نظرياتهم واضحه ومابينها تداخل ابدا لان تشارلز تكلم عن التصنيع والترشيد والطبقات بالمجتمع والاخير ريسمان تكلم عن الخصائص السكانيه
علماء الفصل الرابع اول شي خلي في بالك ان ماكس فيبر مميز وواضح ونظريته طويله ومميزه
وثلاث علماء الباقي كمان اعملي لهم جداول
والفصل الاخير كله نقد للنظريات سهل
صحيح المذاكره فيه متعبه بس حاولي تعتمدي هذي الطريقه عشان تقدري تستوعبي الاختلافات والتمييزات
موفقه ياقلبي

[المنسية]

لو أنتي مع دكتوره / سهام الشرائح مرررررره وأضحة ومبسطة الماده وكمان مسوية جداول للمقارنة بين العلماء

والنظريات .

موفقة ,,,

[abo-yazad]

الملخص اللي صلحه طالب أسمه ابو فارس وليس الدكتور...

وأنا منزله بقسم المخصات والملخص مره ممتاز ومنسق ومقسم على ثلاث أقسام...

الأول/منهج كامل

الثاني/أتوقع نقاط مهمه

الثالث/علماء

وسبق راجعت منه وعديت الماده والحمد لله...

كتاب الماده غثيث مررره...

مع الشكر والدعاء للأخ ابوفارس...

[اميرة الذوق]

الله يجزاكم الجنه ويوفقكم يارب .