فعلًا الحيـــاة دروس

[بيو كيميائية ^_^]

السلامـ عليكمـ ورحمـة الله وبركـاتة

يومـ الأربعـاء المـاضي حصل لي موقف الموقف هذا أول مرة يصير لي لكـن طلعت منه بفائدة

راح أقول الموقف بعدين راح أقول الفائدة

كـان من المفترض يومـ الأربعاء أنزل الدمـامـ لكـن إرادة الله منعتني عن الذهاب

في الصباح وأنا نايمـة أرسل لي الوالد رسالة فتحتها وطلع إن الحجز صار مؤكـد فرحـت

رحت الجامعة وإختبرت ورجعت قلت خلني أنامـ الطيارة الساعة 8 وربع يمديني أنامـ ساعة

نمت والساعة 4 وشوي سمعت هرن الباص بس ماجبت خبر قلت هذول اللي بيروحوا الخطوط

وصحيت ورتبت شنطتي وتغديت

والساعة 5ونص دقيت على السواق قال آرامكوا الساعة 4 راح قلت له لا الطيارة الساعة 8 وربع مصرة

قال أكلمـ السواق الثاني كلمته وطلعت الساعة 6 و وصلت 6وربع

أول مانزلت من الباص شفت الطيارة وجلست أقول غريبة الطيارة جايه بدري <<لين الحين مصرهـ إنها 8وربع

الهندي اللي ياخذ الأغراض سألني أي طيران بكل ثقة أقول له آرامكوا قال دمامـ قلت ايوا قال الطيارة فيه روح جلست أطالع فيه شلون الطيارة الساعة 8 تتطير مو الحين

فتحت جوالي وشفت المسج طلع فعلًا 6وربع تحطمت نفسيًا وطاحت دموعي لاإراديًا

شافني أحد الموظفين وقلت له السالفة وما قصر على طول إتصل وكلمـ الكابتن لكن للأسف الطيارة قفلت أبوابها ومشت

وقال لو الباب مفتوح والله دخلتكـ

قلت له مو الطيارة دائمًا الساعة 8 وربع يوم الربوع قال لا تغير

أنا حسيت الدنيا صغيرة ورحت أدق على الماما أقول لها ماراح أجي إنفجعت هي ليش قلت له طارت الطيارة وجلست ابكي

قلت لها البابا ماقال لي إنها 6وربع وأنا إعتمدت إنها 8 وربع

وجلست تهديني وإذا البابا دخل البيت وقالت له نفس الشيء إنصدمـ وماصدق متعوديين إنها 8وربع

وصار يكلمني وقال خلاص لاتصيحين إحجز لك أسبوع الجاي قلت له يوم الإثنين لكـن قال ماعندكـ شيء قلت له ايه


وبعدين رجعت شقتي وأنا مكتئبة وفي نفس الوقت فشلانه إن الطيارة طارت عني

اليومـ الوالد حجز لي الإثنين لكن إرسلوا مافيه مقعـد

وحجز على الثلوث ومن شوي أرسل لي وطلع في الإنتظار وإن شاء الله يتأكد


أنا عمـري ماطارت عني طيارة ودوم أروح المطار بدري لكن سبحان الله خيرة

سنين ماتغير موعد رحلات آرامكوا وماتغيير إلا يوم الأربعاء وكوني صرت أرجع الثلوث فما دريت

فخلاص أنا صرت متبرمجة بس أشوف من وين إلى وين وحالة الحجز

الحين أخـذت درس لازمـ أقرأ الرسالة (التكت) كامـــلة وماأقول لا هم سنين وماغيروا




أحببت إن أشاركـمـ القصة عشان ماحد يصير له مثل هذا الموقف

ومايقول سنيين وماتغير الشيء

كل شيء يتغير مافيه شيء يظل

دعـواتكمـ

[وتر الإحساآآس]

وعليكم السلآم ورحمة اللهـ وبركآتهـ

سبحآن اللهـ زهرورة أكيد كلهـ خير يآقلبي ^^

وإن شآء اللهـ رحلة سعيدة =)

[حبي لذاتي قمة أولوياتي ~]

فعلاً

ليس هناك مستحيل !

[P!nk ink]

..

وعليكم السلام ورحمه الله وبركاته

الخيره فيما اختارهُ الله

[دارس1431]

وعليكم السلام ورحمة الله وبركاته

هلا بختي حياك الله ^^

يالله خيرة المهم ان نتأكد مواعيدنا ونحترمها بقدر المستطاع ^^

شكرا اختي ^^

تحيتي

[bint aboha]

السلام عليكم ورحمه الله وبركاته

هههههههه زهوره ذكرتيني بفيلم امريكي شفته زمان يوومااه

يخوف من بعدها خفت من الطيارات الله يعينك ف حياتي ماركبتها

ولا اتمناها والحمد لله يمكن خير لك موفقه غلاي

تقبلي مروري

[البرنس11]

لاتحصل كتير ودائما
يلا رحله سعيده
وبالتوفيق للجميع في االاختبارات

[al-nido0o0]

السلام عليكم
(قل لن يصيبنا الا ماكتب الله لنا)
الحمدلله على كل حال
عاد الفترة هاذي خمول فالدمام عشان الأختبارات >>خلي جيتك عالصيفيه أحسن*_^

[ستأتي أيامي]

كيفك بيو .. ان شاء الله بخير ..
زمااااااااااااان عنك مرررررره
ياشيخة كل شي مقدر وكتوب ,,
تروحيلهم بالسلامة إن شاء الله ..

[صوت الفجر]

وعليكم الســــــــــــــــــلام ورحمة الله وبركــــــــــــــــــــــــاته

تاكدي انه خير لك

وعلى قولهم كل تأخيره وفيها خيره

الحمدلله ما قد صارت معنا لانو ابويا يعقد يشوف التذاكر عشرين مره عشان يتاكد ^_^

الله يحفظ لك ابوك يارب

.
.
.