نصيحتكم يا جماعة الخير...

[ShebAnI]

السلام عليكم ورحمة الله وبركاته


اخواني ,,

ابغى نصيحتكم في تنزيل مادة math 203 في الصيف

هل سهلة ولا فيها نوع من الصعوبة وهل هيا طويلة , وعند مين تنصحوني اخذها لو أنزلها في الصيف...
المشكلة دكتور حمزة ابو جبل ما يدرسها في الصيف .فا قالولي خذها عند (دكتور نصير)
ايش رأيكم في الدكتور دا

[th620]

المادة طويلة وفيه صعوبة نوعا ما بس حل واجباتها أول بأول واحضر عند الدكتور وراح تسهل عليك كثير..واختباراتها اختياري كلها..هو افضل دكتور يدرسها أبو جبل بس ما ادري اذا موجود في الصيف

[ShebAnI]

الله يديك العافية مشكور..

[AbsolutioN]

الماده ليست بالصعوبة الكبيرة

لو حفظت القوانين و فهمتها هتمشي فيها زي الحلاوة

[وسيم الإتحاد]

أنا أخدت هذي المادة عند الدكتور صالح زين العابدين المسلمي ... هو دكتور مصري بيشرح المادة كاملة وما عليه من الاختبار اختيارات شرحها لنا بالكامل وكان يقولنا (( لأنو الاختبار اختيارات هذا السؤال ما حيجيكم ))
بصراحة الدكتور هذا شريح بمعنى كلمة شريح
ولكن المادة ماكانت اختيارات إلا هذا الترم لمن مسكها أبو جبل ... ولمن صارت اختيارات انحذفت أسئلة كثيرة مثل أسئلة أثبت أن ... ارسم الشكل
فلو رجعت المادة أسئلة مقالية اعتقد حيكون فيها نوع من الصعوبة

وبالتوفيق

[وما توفيقي الا بالله]

ماده سهله ,,

[ShebAnI]

الله يديكم الف عافية وخصوصا الأخ (وسيم الإتحاد) وإن شاء الله الفوز اليــــــوم للأتحاديين ولكم جزيل الشكر

[engneer.alprins.ismail]

بصراحه ماث 203 جدا تافهه كلها قوانين وتطبق عليها بس
ونصيحتي نزلها عند دكتور سيد محمد وانا اضمنلك اقل حاجه تجيب معاه b+

[ShebAnI]

اشكرك على النصيحة الحلوة..بس قالولي اشرف سالم. شرحوا حلو, صحيح الكلام دا

[Eng:S.T.M]

زي ما قال الأخ وسيم الاتحاد على طول على صالح زين العابدين المسلمي شريح صح ما شاء الله سواء اختياري او مقالي شرحه كامل
لله در النمور مبروك ال3 يا وسيم الاتحاد
شكلك كنت معاي في الشعبة!!!