بالله ردوللي ماني فاهمة الموضوع...

[ريري العسل]

ياجماعة انا طلعت درجتي في الانجليزي وكانت

89.....
ماني فاهمة هل هي درجتي فعلا وكان السؤال اكتر من خمسين فقرة...

او هما غلطانين في الدرجة؟

ارجوكم ردوللي بسرعة

[توونآ]

ايوة هما لهم طريقه في توزيع الدرجات
يعني مو زي ماكانو يقولو لنا كل سؤال عليه درجتين ><

[محبة القوم]

الحمد لله انك نجحت ودرجتك حلوة ومالك بالتوزيع بالدرجات وهم في الانجليزي والرياضيات والاحصاء بيزدوا 20 درجة للكل ..

[miss-busy]

أما لو 20 كان جبت 100 أكيد بالإنجليزي مو 20
ان شالله بالرياضيات والإحصاء والتفكير

[Boso]

يعني من جد يزودو فالرياضيات اللي مو ناجحين؟؟
طيب لو احد جاب 10 يرفعو الين درجة النجاح؟
وازا احد جاب 60 يزودو ولا؟

[miss-busy]

والله أنا إلي سمعته ايوه في زياده في الرياضيات بس قد ايش مدري

نشوف يوم تنزل وان شالله انهم زايدين فوق الـ20

مدري مين بيشوف لي الدرجة يومها أنا ماأظن أقدر افتح الأودس راح يصيبني شلل أدري

[my Engel]

المشاركة الأصلية كتبت بواسطة محبة القوم الحمد لله انك نجحت ودرجتك حلوة ومالك بالتوزيع بالدرجات وهم في الانجليزي والرياضيات والاحصاء بيزدوا 20 درجة للكل ..

انتو من جدكم مصدقين انهم يزودوا لنا درجات وهما جالسين يخسفو بدرجاتنا عشان مانحول انتظام وجالسين يرسبوا
بالله كيف يزودوا ؟؟
جالسين يضحكون علينا يقولون نزود يبغون يورونا انو قلبوهم علينا!!!
كيف يزودوا درجات والعالم كلها درجاتها نازله ياليتهم يعطونا حقنا صح كان كلنا جبنا 90 وفووووق مانبغا زيادتهم نبغاهم يصححوا باانفسهم وساعتها بيعرفوا اننا في غنى عن زيادتهم

[Boso]

ياحبيبتي انا اظن اظن واتوقع انهم مايزيدو من عندهم انهم ياخدو من كل نتايجي مثلا ابو نقول 10 درجات او اقل ويحطو فالماده اللي راسبين فيها قلك مساعده اتوقع كدا انهم كل وحده ينقصو من درجة ماده ويزودو حق ماده ممكن وكل شي جايز يمكن يبو يفتكو مننا مايبو يتعبو نفسهم ويحطو اسئله لدور تاني فيزودونا بس فيها وينجحونا يارب ينجحونا

[miss-busy]

والله أنا زودوني في العربي درجتين لأنها جات فوق المتوقع وأنا عارفة ايش سويت في العربي وعارفة عدد أخطائي أأكد لك مزوديني درجتين
والإنجليزي كمان زودوني
يمكن انتو في خطأ في التصحيح لازم تراجعوهم

[Boso]

انا مافيا اراجع ويماطلوني اعرفهم ممااااااااطلييين وفالنهايه مايعطو شي ربي ياخدلي حقي منهم ياارب
بس يارب يزودوني فالرياضيات ياااااااااارب