mentally exhausted :(

[Bella LuLu]

السلام عليكم

لو سمحتو انا منجد انا ماني عارفة ايش مصيري ... معدلي 3 ونص وانا مرا نفس ادخل محاسبة او اي شي اداري .. المشكلة اني اعرف انو معدلي مايأهلني ... بس انا نفسي اكمل في عبدالعزيز .. وعندي مادة في الصيف .. وابغا اقدم على برنامج المنح وهوا حيكون في رمضان .. يعني لمن اقدم على المنحة لازم اكون سحبت ملفي تماما من عبدالعزيز وقدمت في الجامعة اللي ابغاها ... طيب ان ابغا اعرف ايش التخصص اللي حيحطوني فيه على الاقل .. لانو بصراحة ازا حطوني علوم انا مستحييييل اكمل ايش تنصحووني ابغا ارائكم بصراحة


لاتقولولي ليش ماشديتي حيلك في الدراسة .. عديت بظروف سيئة جدا والحمدلله على كل حال

[MAS-663]

وعليكم السلام ورحمة الله

لا ان شاءالله بتنقبلين فيها لكن نصيحتي لك لا تستعجلين وتسحبين على شي مو مضمون وتسوين زي اللي اعرفهم وتورطوا بعدين..

والله يعينك على ظروفك والحمدلله على كل حال
موفقه يارب..,.,

[Majed7]

وعليكم السلام ..

بالاول روحيـ اسأليـ العمادة بكرة ولا بعده وقوليـ لهم عن هالشيء .. وزي ما قالك أخوي mas-663 لا تسحبيـ قبل ما تسأليـ وتتأكدي من كل شيء :)

ربي يوفقك ^_^

[mo3tz_bam]

طبعا قبل كل حاجا صلي استخارة
بعدين شوفي الجدول حق التسكين تبع السنة اللي فاتت
و قارني بين موزونك الخاص و العام و شوفي لو عالاقل عديتي النسبة الخاصة
اذا ما عديتي النسبة الخاصة معليش مابغا احطمك =( بس 90% محا تدخلي
و على حكاية المنح . لو انتي عندك نسبة الثنوي و القدرات و التحصيلي كويسة
و ان شاء الله ضامنة انو حتنقلبي في برنامج المنح
يمكن يكون الحل دا افضل لكي
و انتي برضو لا تسوي حاجا الا لما تكوني متأكدة انو 100% دا في مصلحتك و دا اللي حيفيدك اكثر
الله يوفقك و يريحيك و يسهلك

[Dr.Passed]

حبيبتي اسمعي..

حاسه فيكي ورجاءا لا تقلقي...بليز
صدقيني...انتي دحين لا تسحبي ما تعرفي ادعي الدعاء يرود القدر...يعني ربي ممكن يخلي اصباع الي بتحطلك تسكينك ينزلق ويطيح بالغلط على التخصص الي انتي تبغيه سبحان الله شوفي ربي كيف...يعني لا تفقدي الأمل


وازا هادا الشي يريحك ويطمن قلبك..
ازا تبغي تروحي عفت تسألي ( ترا مرة حلوه) شهاداتها معتمده عفت كانت كليه ودحين سارت جامعه ماشاء الله...وجدا راقيه ومرتبه..و انا متأكده لا قدر الله ازا ما نقبلتي انك حتكوني مبسوطه في عفت مليون في الميه

وازا تبغي تروحي بكرة تشوفيها و سألي وترتبي امورك ( احتياط بس) انا نستعده اروح معاكي واساعدك في كلي حاجه ازا محتاجتني..


ابغى اساعدك وبس وإن شاء الله مقبوله انتي بس ادعي ربي ازا اراد شي بس حيقولو ( كن فيكون) ريحي نفسك وطمني قلبك ولا تشيلي هم....وازا تبغيني اروح اساعدك ماعندي مشكله

[!..RahoOofa..!]

لمن تقدمي المنحة مو لازم تكوني ساحبة .. انا قدمت وانقبلت وكنت خلاص مقبولة في عزوز .. بس لمن تروحي الموعد حق المنحة لازم تكوني ساحبة والموعد لسا في رمضان .. استني نتائج التسكين بإذن الله حتنزل قبل رمضان .. ماتئلئييش

[اوريو]

>> عنوآنكك جاابني ...


ي خيتي الله يكتبللكك الخيير ووربي انا مثلككك مرره محتارةة

بين اقعدد هنا وبين تحويل لام القرى وبين بعثةة بررى

مدري عن اي منح تتكلموون !؟

بالله اللي فاهم بهالموضووع يفهمني

ولاتنسين الدعآآْ ء ....


موفقةةة ي بعد حيي ..

[Bella LuLu]

كل اللي ردو على موضوعي تسلمولي الله يريح بالكم زي ماريحتو بالي ياارب وتتخصصو في اللي تبغوه يارب تسلموولي

Dr.Passed مرا تسلمي حبيبتي والله منجد ماقصرتي ... انا جلست افكر فيها لانو ليا صاحبات مرا كتير في عفت لكن تبغي الصراحة انا نفسي في ال cba اولا لانها قريبة من بيتي وتانيا دراستها تعتبر اسهل بكتير من عفت ... الله يديكي العافية اديتيني خلفية وانا برضو حسأل وأدور والله يختار اللي فيه الخير

[Dr.Passed]

حبيبتي شوفي الي يريحك ويطمن قلبك سويي وانا حساعدك في اي حاجه على قد ما اقدر...الله يوفقك ويسهلك وإن شاء الله يا رب تنقبلي من البدايه وترتاحي

[a7la foOofoOo]

ياقلبي cba كويسا
بس عبدالعزيز احسن بمليون مرا
لاتتسرعي واستخيري ومرا لاتتحطمي اللي ربي كاتبو ليكي حيصير حيصير
الله يوفقك يااارب ومايضيعلك تعب