الحمدلله تخررررجت وكلمة لكل الطلاب

[برونزروز]

السلام عليكم ورحمة الله وبركاته

الحمدلله تخرجت بعد كفااااااااااااااح سنين

بصراااحة طولت أخذت كم يوم الين استوعبت اني تخرجت

كنت دايم انتظر هذا اليوم اللي ابشر فيه اقرب الناس لي بتخرجي

وفرحة التخرج ابدا ماتنوصف ياااارب تتخرجوا قريب جميعا

والله السنين تمر بسرعة بحلوها ومرها

لمى قرأت موضوع شخصية مستهدفة والظرووف اللي مرت

فيهاكأنها كانت تتكلم عني مع اني ماأعرفها. وقتها استوعبت انه

كلنا بنمر بظروف صعبة بس المهم اننا مانستسلم ابدا ونكافح

حتى نوصل لهدفنا

نصيحة لكل طالبة وطالب انهم يستعينوا بالله أولا ويكثروا من

الاستغفار ثم يبعدوا عن كل شخص سلبي. لأننا بنواجه أشخاص

مافي عندهم الا التشاؤم ويصعبوا الاشياء حتى لو كانت سهلة

وأبدالاتاخذو فكرة سلبية عن اي استاذ أو أستاذة حتى لو شفتي

صديقتك مرت بموقف معاهم

استعينوا بالله اولا ثم ذاكرو واجتهدوا ولاتفكرو مين اللي قدامكم

ووكلو أمركم لله

لانه بتمر علينا صعاب مايعلم فيها الا الله. قرأت لشخصية

مستهدفة وتشجعت أكتب جزء بسيط جدا من اللي صاري ممكن

يعطي أمل لأي انسان..

في نفس ترم تخرجي اختبرت في مادة وصار لي ظرف وماحليت

قالتلي الدكتورة انتي ماتستحقي تكوني بهالقسم حولي قسم ثاني

جلست ابكي وقلتلها انا معدلي عالي وتخرج وفعلا ماحليت بسبب

ظروفي وحأعوض الاختبار المرة الجاية ولكن

كلامها سببلي احبااااااااااااط كبيروماقدرت افتح ولاكتاب مع ان

زوجي وصديقاتي تعبو وهما يحاولو معايا

بس انا من داخلي استسلمت, وقتها رسبت بمواد الترم كلها

الخمسة ونزل معدلي من جيد جدا مرتفع لجيدمع ان المواد

الدسمة بالقسم عديت فيها من اول مرة

وقسمت المواد على ترمين لظروفي الصحية وشديت حيلي وجبت درجات a و b الحمدلله

تأكدت وقتها انه الواحد لمى يصمم على شي بعون الله رح يحقق

مراده مهما واجهته من صعوبااات

أتمنى أني ماأكون طولت وأتمنى أن كلامي يعطي الأمل لأي

شخص يشعر باليأس

ويااااااااااارب تتخرجوا جميعا وربي يباركلكم بتخرجكم

وألف مبرووووووك لكل الخريجين

تقبلو تحياتي