هنا تجدون المعلومات الكاملة عن المنتورmentor

[miki]

هنا الخص لكم النقاط التي قيلت في جلسات المنتور
طبعا ما اخذنا الا جلسة وحدة بس بحاول اكمل لكم المعلومات اول باول ...و اتمني من الباقين شباب و بنات كمان يضيفون المعلومات اللس اخذوها من المنتور
1-في كلية الطب لا تسمع لاحد و لا تصدق الشائعات ...و لا تسمح نهائيا لاحد ينقل لك شعوره السلبي تجاه اي مادة - اختبار - دكتور او دكتورة او اي شي في الكلية..
لا على حسب كلام MED10 ترا الشائعات تقدر توديك في داهية ..و الشعور السلبي يصعب مشوارك الدراسي علفاضي و هو ما يكون غير مجرد اوهام..


2- لازم و انتم تذاكرون للاختبار تخلون صفحة المنتدى مفتوحة و دايما سووا رفرش عشان ذايما تنزل اسئلة او نماذج اختبارات و دائما تكون مهمة جدددددددددددددددددا


3- دايما تكون في اسئلة شائعة عن كل مادة comman questions ،،هادي الاسئلة مهمة لانها تعطي فكرة عن اسئلة الاختبار ....بس لا يعني ابدا انك تذاكرها لحالها من غير الرجوع للمحاضرات حتي لو سمعت شائعات تقول انها كافية .....مرة ثانية -->لا تسمع ابدا للشائعات

4- نماذج الختيارات مهمة جدا جدا جدا....بس للمرة المليون ترا ما يندرس منها لحالها
لازم تذاكر و بعد المذارة و التمكن من المادة تفتحها و تحاول تحل و تسمع لنفسك ...احيانا يكون ثلاث ارباع الاختبار منها و احيانا ما يجي منها ولا سؤاللان med 10 اكلوه المقلب هذا و ذاكرو من الكومن لحله و جابو العيد و الكرسمس و الفالنتاين

5- مادة الباثولوجي اللي هي علم الامراض مادة مهمة لازم تتذاكر اول باول ...طبعا كل شي الان لازم يتذاكر اول باول انت طالب طب و لازم تتكيف مع الشي هذا و مع الكرف و المذاكرة المستمرة لانك تحمل امانة عظيمة امام الله ....اكيد انك بيجيك وقت تتعب و تتهاون و تطنش لك المذاكرة يوم او يومين ،،هذا طبيعي لاننا بشر و نتعب و نمل....بس الباثولوجي لا تنام و يجيك اليوم الثاني ا انت ما ذكرت جزئية امس .. على الاقل اقرا المحاضرة و ثبت المعلومة وبعدين احفظها و صمصمها لما تروق

6- انتم الان صرتم دفعة واحدة ...مو زي ايام التحضيري كل واحد لحاله و كل واحد نفسي نفسي...هذا النظام انسوووووووه...دفعة واحدة يعني زي ما الضرر يعم عالجميع الفائدة كمان لازم تعم عالجميع...MED 10 كانو متعاونيين ..يعني مكلفين كل بنت او مجموعة بنات تسوي حاجة ..مثلا في بنات سريعات في الكتابة كلفووهم يكتبو المحاضرات و بنات ثانيين يبيضووها و بنات ثانيين يحطووها في الكوبي سنتر ....
و لو وحدة كانت و هي تذاكر تلخص كمان توزع الملخص عل الدفعة (الدفعة كلها مو بس صحباتها المقربات) يعني كانت تحط نسخة منه في الكوبي سنتر و تبلغ البنات انه هناك و هم يروحون ياخذون نسخ
كمان في صورة اخري للتعاون ..مثلا اذا جيت في الصباح بدري قبل المحاضرة الاولي حولو تجلسون و تتناقشون في الاشياء اللي استصعبتوها في مذاكرة امس ..او اذا حسيت ان جزئية معيينة مهمة و بتجي في الختبار تناقش فيها انت و الزملاء

7- حاجة مهمة جدا ....انتم الان طلاب و طالبات طب ...يعني اطباء و طبيبات المستقبل ...لا تسوو احزاب حاولو تكون لكم علاقات مع كل الدفعة يعني لا تجلس ماسك في صديق واحد هذا خطا و يآثر عليك قبل غيرك ...لازم تتوسع صداقاتك مع كل دفعتك لانكم كلاس واحد و دفعة واحدة كل ما تعونتوا تنجحون و تتسهل عليكم الامور اكثر و اذا كانت علاقتك محدودة و تعاونك محدود ترا ما بتلاقي احد يساعدك وقت حاجتك

8- في مواد تتذاكرمن السلايدات و المحاضرات و تكون كافية ،و في مواد السلايدات فيها بس رووس اقلام ،،،يعني لا تسمن و لا تغني من جوع لازم ترجع للشيتات و الكتاب.

9- لا تتردد بانت تسآل الدكتور عن اللي ما فهمته ،، و اسال اول باول كل يوم روح ذاكر و اسال اليوم الثاني .. ،و خلال المحاضرة اسال لو في مصطلح ما فهمته لان الدكاترة متعوديين على مصطلحات طبية يمكن انت كطالب سنة ثاني ما تعرفها ..اسال و لا تخجل من السوال و طلب العلم

10-بتمر عليك اوقات عصيبة ،،،لازم تتحمل و تتقوى بانتك تلتجئ لله سبحانه و تعالى و تخلص عملك كاملا لوجهه الكريم

اتمنى اكون افدتكم و ما طولت عليكم ،،طبعا انتو بعد لازم تضيفو ايش اللي سمعتوه في النتور
اتمنى ان تعم الفائدة للجميع
اختكم نوف الزهراني