ارجو الدخول والافاده بخصوص الاحصاء

[اكره الجامعه]

بالله اللي عنده خبر عن اعادة اختبار الاحصاء يقول لنا ويقول لنا متى كمان لانه سمعنا ان في اعاده بس متى مادري يعني نبغا تأكيد .

وشكرا

[Mr.Ahmad]

المشاركة الأصلية كتبت بواسطة اكره الجامعه بالله اللي عنده خبر عن اعادة اختبار الاحصاء يقول لنا ويقول لنا متى كمان لانه سمعنا ان في اعاده بس متى مادري يعني نبغا تأكيد . وشكرا

[بهاء]

مستر احمد فاااضي ما ودك فاحد تعلمه الحركات ده

[اكره الجامعه]

مستر احمد اش كتبت لانه ماطلع عندي شئ

[طيوف المملكة]

الاعاده للفتيات فقط

هارد لك

الله يوفقكم يا رب

[اكره الجامعه]

المشاركة الأصلية كتبت بواسطة طيوف المملكة الاعاده للفتيات فقط هارد لك الله يوفقكم يا رب

والله العظيم ظلم لكن الله يوفقكم

[love me for me]

امممم ....

الله يوفقكم يا اولاد وكمان البنات

بس على فكره انتو الاولاد وربي مسهلين عليكم كتيير الله يوفقكم

والله يكتب الخير للكل

[طيوف المملكة]

المشاركة الأصلية كتبت بواسطة اكره الجامعه والله العظيم ظلم لكن الله يوفقكم

فعلا أنا افتكر لمن عادوا لكم الانجليزي حسيت بالظلم


بس الحمد لله ربي جبر بخواطرنا وسووا الاعاده في الاهم اللي هو الاحصاء



صراحة انا اكره التحيز هذا من قبل الجامعه

المفروض زي مو الاختبارات والمناهج عالجميع
المفروض حتى الاعادات والكيرف اب للجميع

[Bo0oZy]

انا من وجهة نظري ..

اشوف العدل انو يكونو كلهم خطة واحدة ونفس المنهج ونفس الاختبارات اولاد وبنات

ساعتها يكون عدل .. لكن كدا .. مو عدل

واذا كان على انهم من فين يجيبو كمية دكاترة قد كدا


اجل بلاشي تقبلوووونا من بدري اذا ما حتقدرو تعدلوووو فينا !!


والله ولي التوفيق

[كيتا الكتكوته]

والله قلوبنا معاكم يا قايز ... انا اشوف انكم احوج باي اعاده واي درجات
احنا مصيرنا حنتزوج بشهاده وللا من غير ... بس مع احترامي ... الايام هادي الرجال من غير شهاده ما يسوا
الله يعينكم ويصبركم ويوفقكم ... ويحقق لكل واحد حلمو وطموحو