مطلوب مطوّع ..,

[Life as Game]

السلام عليكم دار قوم مؤمنين ..


ما حقول اشتقت ولا وحشتوني ,,يا شريرين

حاسس كدا كان كل واحد منكم مذخّر الكيبورد عشان يسب ويسخط ويحكم عليا بالهلاك و عظائم الامور ,,
فضلا عن الاخراج من الملة والمونتاج من الاجندة الليبرالية ,,

بس بس وقفوا ..انا مو مع احد لا مع العلمانيين ولا مع المطاوعة
ولا حتى ضد او مع قيادة الحورمة ,,
انا مع نفسي وبس
رافع راية الاتحاد ..اصفر واسود مالو مثيل << دي لحالها ممكن يخلوك ارهابي

ضعوا اسلحتكم جانبا و لنبدا اللاتحاور ,,

حوار مافي حوار ,,نقاش ما ابغى ,,
نسخ ولصق من قوقل للآيات وتفاسيرها عشان تقنعوني ..كمان ما ابغى
ولا شي ولاشي

كل اللي ابغاه مطوع في جدة عاجل جدا جدا جدا ..

لو تدوني رقمو دحين حاصحيه من النوم واجيبلو الصمرقع لما اشوفو .,,


بس مو اي مطوع ,,

ابغى واحد يقرأ عالسحر والشعوذة والحسد وكل حاجة ملعونة جدف ,,
مطوع فل اوبشن بكل ما تحتويه الكلمة من الخيارات..
واحد ماعندو تفاهم ومستعد في حالة عدم الشفاء يستعمل مفك العجل << حشى شر النفوس قبل رمضان

واهم حاجة يصوم ويصلي

وكمان ملاحظة صغننة ياليت ما يكون غالي في السعر
ولو يكون مجاني يا سلام ,,


ايييييييه انتو لا تطالعوا فيا كدا
مو انا اللي يحتاجو بس صاحب ليا في امس الحاجة
الله يشفيه ولا يبتليكم

آآآه على ما قال ابو نورة ,,"ياريتني املك الافراح واتصرف بها وحدي ,,واعرف كم بقي للجراح وكم ساعة هناء عندي "

الله يخليكم لا تبخلوا عليا ولا تتأخروا .,
ولو في احد يقرا اليوم الجمعة يكون احسن لان الحالة مستعجلة,,
مررررررررررة ضروري مررررة

ادوني كل الارقام والايميلات وارقام البي بي اللي تعرفوها << يعني تتوقع في مطوع معاه بي بي


فيصل وامبراطورة ..سيبو موضوعي سيبوه
لا تعدلوا ولا غلطة ولا شي ولاشي
عارف لو تشوفوا فاصلة منقوطة قلتوا ممنوع اصطحاب الاطفال و بما ان الفاصلة جايبه اختها الصغننة لازم نقفل موضوعك
فيصل اترك العنوان زي ما هوا يرحم والديك
لا تخلوني اروح في غياهب ازقة ودهاليز الكرنتينة واجيب لكم حتة مشعوذ يتفاهم معاكم

<< كدا الساحة العامة لازم تسوي نفسك قوي عشان تثبت وجودك

وجزاكم الله خيرا وعفوا جزيلا هو نعم الوكيل..

بالله لا تتأخروا في المساعدة الحالة ما تتحمل التأخير

ارسلوا عالخاص او حطوها في الموضوع براحتكم