جاوبني بصراحة (( هل تخاف من العين )) قول ماشاء الله / جديد إحساس ناجح / للحوار الجاد

[إحساس ناجح]

السلام عليكم ورحمة الله وبركاته أسعد الله صباحكم بكل خير حبايبي موضوعي الليلة يتكلم عن العين والحسد اللي صار منتشر في قلوب الناس العين اللي جعل معظم الناس تخاف من أن تكون أحد ضحاياه ونحن نؤمن بقضاء الله وقدره وسوف أذكر حديث في السنة عن العين عن عبد الله بن عباس رضي الله عنهما عن النبي صلى الله عليه وسلم أنه قال : (الْعَيْنُ حَقٌّ ، وَلَوْ كَانَ شَيْءٌ سَابَقَ الْقَدَرَ سَبَقَتْهُ الْعَيْنُ) . صدق الرسول الكريم أكيد عدت عليكم قصص عن العين وأتوقع أكتر الأمكان اللي تنتشر فيها العين الأفراح وقرأنا قبل أسابيع العريس الذي دفع بعروسته من أعلى الكوشة دون أن يدرك فعلته وبعد ما استوعب الموقف جلس يبكي متل الطفل ولم يقصد أن يدفعها وكان من ضمن الحضور إحدى الداعيات فلما سألوها قالت هذه عين بسبب المماطلة والتفاخر في دفع المال في الفرح والتبذير المهم في ناس هي اللي تجيب العين لنفسها وأنا أولهم قبل 7 شهور كانت الوالدة تقول لي حلق شعرك قبل ماتصيبك عين كنت أقول لها ماراح يجيني شيء إلا من ربي وإنتو لاتوسوسو من العين ومن بعدها إلى دا اليوم وأنا اتعالج بالبخاخات والفيتامينات لعلاج التساقط والصلع يعني الأم كانت تشعر بأن الناس لاتقول ماشاء الله فعلا كم واحد عدا عليكم وشاف فيكم شيء حلو وقال ماشاء الله . الله يحفظك . ربي يحميك من العين .. مافي إلا قليل من أقوى القصص في العين اللي عدت علي كانت لواحد من أخواني الكبار كان يحكي لي إنو لما دخل المرحلة الثانوية وكان متفوق في الإبتدائي والمتوسط كان مرة يداكر قبل الإختبار النهائي عند باب الشارع حق بيتنا وجالس على الباب فمر شايب من زملاء والدي وهو من سكان الحارة وشاف أخوي يداكر فوقف وتنح بعيونه وقال ( ولد فلان ويداكر في الشارع ومبسوط ) والله والله والله من بعدها جلس 8 سنين في الثانوي راسب ( طبعا أول ماكان في حد للرسوب ) صار أخوي حتى لو شافو دحين يتضايق ويهرب منو ( والله مو سهل الشايب ) يعني ما أدري إيش اللي يمنع إنو الشخص يقول ماشاء الله كلمتين مو صعبة والناس أعوذ بالله صارت تحسد على طول وماتتمنى الخير لأحد أتوقع في أمهات وآباء يخافون يخلون أولادهم يجلسون عند الحريم أو الرجال خوفا من العين من أكتر المواقف اللي زعلتني كنت مرة عازم أصحابي في بيتنا فـ بعد ماتعيشنا وشربنا الشاي دخل علينا ولد أخوي الصغير اسمو مجد اللي صورته في التوقيع والصورة الرمزية فطلعته لأني ما أحب الصغار يجيون عندي إدا كان عندي ضيوف فلما جيت برجع لهم في المجلس سمعت كلامهم واحد يقول معقولة ولد أخوه الصغير حلو ؟؟؟؟؟؟؟؟؟؟؟؟ التاني يقول أنا ما عمري شفت طفل مبتسم على طول ؟؟؟؟؟؟؟؟؟؟ التالت قال أنا من كثر عيال أخواني مو حلوين مثله ؟؟؟؟؟؟؟؟؟؟؟ فأنا قفلت معاي ودخلت وقلت لهم إيش اللي يمنعكم إنكم ماتقولو ماشاء الله بعدها الولد تنوم في المستشفى أسبوع والطبيب يقول الطفل سليم مافي أي مشكلة وقتها ماكان أحد يدري إيش الهرجة غيري أنا حكيت لأبوه وجاب شيخ يقرأ عليه الحمد الله خرج بعدها بيومين وقررت بعدها أقطع علاقتي مع اللي كانو معاي . اللي أبغى أوصله إن الناس صار عندها الحسد طبع وشيء مريح للبعض ومايبحون الخير لأحد وترى العين مو شرط إنو الواحد يقول ( ول ) ( أوف ) ( اهب ) وغيرها العين تجي لو من نظرة عابرة أو نظرة إعجاب وأكتر شيء منتشرة زي ماقلت الأفراح والجامعات

سؤال لكل من يقرأ الموضوع أتمنى تجاوب بدون مجاملة وبكل صراحة تجاوبوني

[motr]
هل تخاف من العين

[/motr]

نصيحة أتركها لكم احفظ الله يحفظك ، احفظ الله تجده تجاهك

[motr]
محبكم / إحساس ناجح
[/motr]

[دافئ الإحساس]

طبعا انا عن نفسي اخاااااااااااف مرررره من العيين

الله يجنبنا عنها يارب ,,

المواقف اللي قلتلها اللي سارت معاك والله انها تقهر اللي ما ينقهر

حسبي الله عليهم يارب

......

صاحب اخويا يقولو في ديرتهم اللي في الطايف

في واحد من هناك اشترا جيب لكزس ومبسوط بيه مررررره

وبعدين ب يوريه من فرحتو لاهل حارتو وجيرانو

السياره الجديده دي

فكلهم صلو ع النبي وباركولو

ففي واحد هناك شايب ومعروووف انو عينو بالوحححده

فاول ما شافها قالو

بسرعه قولي تباها فيك ولا في السياره
من الفجعه قالو في السياره طبعا

ووالله في نفس الوقت ضربت الكفرات كلها في نفس الوقت

يعني حيدفع فيها اقل شي 4 الاف زي الطيبين

ففي ناس اعوذو بالله عيونهم بالووحده

وما تصلي ع النبي

الله يجيرنا منهم يارب

وان يحفظنا من كلي سوء يارب

مشكور ع الطرح حبيبي

[سكون الورد k.a.u]

ايه آخاف من العين .. بس ماأوسوس منهااا ..

يعني اتحصن واقرا الاذكار واطلع .. وقبل لاادخل على الناس >> اقول : اللهم اكفينهم بما شئت وكيفما شئت انك على ماتشاء قدير وبالاجابة جدير ..

واقول بعد : اللهم اني اعوذ بك من شرورهم ، وأدرأك في نحورهم ...

اللي يداوم على هالتحصينات والاذكار مايصيبه شي .. بإذن الله ..

الا أمر قد كتبه الله عليييييييك ..

وسلامتك وسلامت اخوك وولد اخوك ... وماتشوفون شر جمييييييييعاً ..

بس الدنياااا مدرسه .. ولازم نتعلم من كل درس تعطينااا إياهـ .. لان الدروس الدنيويه موب ببلاش .. الا هي تاخذ من وقتنا وصحتنا واموالنا ...

اشكرك على هالطرح الجمييييييل ..

دمتم بود

[قلب خواطر]

كنت مااخاف من العين ولا اصلا كان يهمني

بس حاليا ايوا اخاف مع اني الحمدلله احصن نفسي صباح ومساء

امي الله يحفضها ويطول بعمرها جتها عين وجالها ورم واستئصلوه بسبب عجوزه اول ماشافت امي قالت شوف هذي كيف صحتها والله بس اسمع انها تكون موجوده ما اقابلها ولا حتى اخلي امي تقابلها

مااقول الا الله يكفينا من شر الحاسدين

[موفقة يارب]

.. و عليكم السلآم و رحمــة الله و بركـآآتهـ ..

.. و مسـآآآءكـ كذلك ..

.. يب طبعًا أخـآف من العين و في دا الوقت كمان بزيـآآآدة

لانو الناس سارت ما تذكر ربها و لا تصلي ع النبي

يرموا الكلمــة و يجيبوا خبر الوآحد ..

.. لا وبعضهم يعرف انو دي العين منو و ما يرضى يسوي شي

لا يعطيهم من أثرو وللا يتضوى ولا شي ..

.. الله يكفينا و إياكمـ شر العين و الحسد و السحر وكل البلاوي ..

.. و التحصين و الاذكار اكيد مهمــة << و اقول دا الكلام لنفسي لاني مو دايما اقولها ..

.. شكرا إحساس نـآآجح ..

[صوت الفجر]

//

احفظ الله يحفظك~
آلتزم بالإذكار والورد اليومي وما رآح يصيبك مكروهـ بإذن الله ،،
الله يحفظ الجميع بحفظــــــــه




’’

[إحساس ناجح]

المشاركة الأصلية كتبت بواسطة دافئ الإحساس طبعا انا عن نفسي اخاااااااااااف مرررره من العيين الله يجنبنا عنها يارب ,, المواقف اللي قلتلها اللي سارت معاك والله انها تقهر اللي ما ينقهر حسبي الله عليهم يارب ...... صاحب اخويا يقولو في ديرتهم اللي في الطايف في واحد من هناك اشترا جيب لكزس ومبسوط بيه مررررره وبعدين ب يوريه من فرحتو لاهل حارتو وجيرانو السياره الجديده دي فكلهم صلو ع النبي وباركولو ففي واحد هناك شايب ومعروووف انو عينو بالوحححده فاول ما شافها قالو بسرعه قولي تباها فيك ولا في السياره من الفجعه قالو في السياره طبعا ووالله في نفس الوقت ضربت الكفرات كلها في نفس الوقت يعني حيدفع فيها اقل شي 4 الاف زي الطيبين ففي ناس اعوذو بالله عيونهم بالووحده وما تصلي ع النبي الله يجيرنا منهم يارب وان يحفظنا من كلي سوء يارب مشكور ع الطرح حبيبي

كويس جات في السيارة ولا فيه هههههه
الله يحفظ الجميع
تسلم على المرور

[إحساس ناجح]

المشاركة الأصلية كتبت بواسطة صوت الفجر // احفظ الله يحفظك~ آلتزم بالإذكار والورد اليومي وما رآح يصيبك مكروهـ بإذن الله ،، الله يحفظ الجميع بحفظــــــــه ’’

الحمد الله كلنا نلتزم بالأذكار والعين حدثت في زمن الرسول
بس نبغى الناس بدل ماتحسد تقول ماشاء الله

[دافئ الإحساس]

المشاركة الأصلية كتبت بواسطة إحساس ناجح كويس جات في السيارة ولا فيه هههههه الله يحفظ الجميع تسلم على المرور

لو فيه

كان يا ينشل او يموت ويروح فيها

الله يحفظنا يارب من كلي سوء

[إحساس ناجح]

المشاركة الأصلية كتبت بواسطة قلب خواطر كنت مااخاف من العين ولا اصلا كان يهمني بس حاليا ايوا اخاف مع اني الحمدلله احصن نفسي صباح ومساء امي الله يحفضها ويطول بعمرها جتها عين وجالها ورم واستئصلوه بسبب عجوزه اول ماشافت امي قالت شوف هذي كيف صحتها والله بس اسمع انها تكون موجوده ما اقابلها ولا حتى اخلي امي تقابلها مااقول الا الله يكفينا من شر الحاسدين

ياساتر الله يحفظها لك ويكفيكم شر الحاسدين
يسلمو على المرور