كتب الرياضيات والفيزياء والانقلش .. Help me

[Future A]

السلام عليكم ورحمة الله وبركاته

أنا طالبة تحضيري ، وكمان مسجلة في السكن
وخطتي أ

المهم اني اشتريت كتاب الحاسب ، ومهارات الإتصال
وبقيلي الرياضيات والفيزياء والانقلش ..

انا ابغى اشتريها قبل ما أدخل السكن لأني ماراح يمديني اشتريها بعدين !
من وين اشتريها من اي مكتبة ..
وهل ممكن الدكتورة تطلب كتاب غير ولا الكتب موحدة ؟!
وممكن تختلف النسخه : ( ؟

ياليت تفيدوني شاكرة لكم ..

[ريم جده]

مبرووك القبول اول شي ... الكتب ياقمر ممكن تاخديها من مكتبه الشقري او خوارزم او جرير فيه مكاتب كتير تبيعها ... وازا تعرفي احد من دفعه 11 يعطيكي كتبو برضو يمشي الحآل...
الكتب موحده .. ووحده من العضوات نزلت صور للكتب ممكن تشوفيها قبل لا تروحي

[حلا الحلوه]

الفيزياء ما يحتاج كتاب صوري الجزء المقرر عليكم بس

[تركي4444]

زي ماقالو الاخوات

بس نصيحة بعدي عن جرير

مررررة نصابين

[المستندات]

عفوا ع المداخله
بس الكل يقولوا جرير نصابة ومكتبة فلان نصابة وماعرف وين نصابين
وين نروح بالزبط
ممكن أعرف سعر الكتب بالزبط عشان أعرف مين المكتبة النصابة ؟

+

الله يعينك أختي صاحبة الموضوع ويوفقك واعذريني ع الازعاج ^^"

[تركي4444]

^^^^^^

اشتري من مكتبة خوارزم لانو هم متعاقدين مع الجامعة وطبعن الكتب تكون عندهم ارخص من باقي المكتبات

[hadeel a]

ما يحتاج أنك تخرجي من الجامعه عشان تشتري الكتب لانها موجودة مكتبة الخوارزم اللي في كلية العلوم (مبنى7) أنا السنه اللي فاتت أشتريت كل كتبي منها .

---

وللي طلبت أسعار الكتب .. أسعارها كالتالي في مكتبة الخوارزم :
فيزياء و كيمياء و أحصاء و رياضيات : 150 للكتاب
مهرات اتصال و حاسب : الكتاب من تأليف الجامعه و مكتوب عليه سعره يعني ماحد يقدر يغشكم و على ما اظن مهارات الاتصال سعره 39 و الحاسب امكن 85 مني فاكره بس في دي الحدود.
الانجلش : 95 الكتابين لكل ليفل في الخوارزم و 99 في جرير .
و أنا أنصحكم ادا تقدرو على تكلفة الكتب فأشتروها لأن أنا ما أفضل التصوير لان انا ما لمن جيت اشتري كتاب الفيزياء كان مخلص من الخوارزم فصورتو بس للاسف كل كم صفحه كنت الاقي صفحه ناقصه و اروح اخد كتاب بنت و ارجع اصورها أو انقلها بخط يدي فأحسن شي انكم تشترو الكتاب و ادا ما قدرتو على تكلفتو فأنتبهو فين تصورو يعني كلمو اللي يصورلكم و قولولو ينتبه و ما ينقصلكم اي صفحه .

[SoOoma~]

زي ما قالت هديل
الكتب حتلاقيها فمكتبه خوارزم فمبنى 7
فلا تستعجلي
في الاسبوع الاول الاستاذة حتقلكم اسم الكتاب والطبعه
وبالنسبه للفيزيكس انا اخذته مصور من مكتبه دار الهدى
من شابتر 1 لـ 11
بالتوفيق ..

[المستندات]

^^^

يعطيكم ألف عافية
الله يوفقكم ويسهل أموركم يارب

[Future A]

شكررررررررررررررااا ..

يعطيكم ألف عافيه