مادة بيئة وصحة ... ظلم :(

[shahoooda]

السلام عليكم ...
انا في جدولي بس 12 ساعة .. ولمن رحت امس عشان اضيف مادة حرة عشان تسير 15 ساعة قالولي مافي الا كم مادة ولمن رحت واخترت ماة بيئة وصحة .. مشوروني وكل وحدة ترميني على التانية ورحت قسم الجغرافيا بنفسي واخذت توقيع ون رئيسة القسم بالموافقة .. ولمن رجعت للشؤون قالولي لا المستجدات ما اليهم مواد حرة عشان لمن البنت تحول مواد التخصص اللي اخدتها تتحسبلها مواد حرة واحنا مالينا شغل اطلعي قسم الكيمياء الحيوية .. وطلعت وجلس للظهر الين اخذو الورقة مني .. ولمن رجعتالبت كان في بس شعبتين للمادة والاتنين فاضية .. ودحين بفتحها شعبة ماشاء الله قفلت والشعبة التاني باقي 5 بنات .. وانا الين دحين ما اضافولي هيا .. ايش الاسلوب والنظام دا .. انا الشعبة اللي اخترتها مررة وقتها مناسب واكون فاضية وما تتعارض ورئيسة قسم الجغرافيا بنفسها شافتلي الجدول حرام كدة والله