عندي استفسار بسيط ارجووو الدخول

[أحلآم المهآ]

السلام عليكم...

عندي استفسار بسيط واتمنى احد يجاوبني ...انا تخصصت ادارة اعمال
وحابة احول الى كلية الاقتصاد والادارة ..تنظيم وتطوير اداري.. المشكله
انو معدلي 2.31 انا قولت اني ادرس ترم واجيب معدل عالي بعدين احول لكلية الاقتصاد والادارة بس انا قريت كلام طالب في المنتدى معدلو اقل من معدلي بكثييير وماشاءالله حولوه لكلية الاقتصاد والادارة بعد ماقدم معاملة الكترونيه لعمادة
القبول والتسجيل..وانا لما قريت كلاموو على طول روحت الجامعة عشان احول بس رفضوا عشان معدلي طيب ليه ماني فاهمه؟؟ يعني اقدم معاملة الكترونية ولا ادرس ترم
بعدين احوول ؟؟مررا حاااايسة اتمنى احد يقولي ايش الي المفرووض اسويه...
هذ رابط الموضوع الي قريتوو..

http://www.skaau.com/vb/showthread.php?t=427985

[أحلآم المهآ]

ماادري اذا الرابط حيفتح معاكم ولالا لأني اول مرا احط رابط فموضوع.

[أموونه]

مساء الخير يا حلومه..
حبيت ارد عليكي في الموضوع انا كنت ادارة اعمال درست سنة كامله بعدين حولت ادارة عامة تنظيم وتطوير اداري..
اتوقع مالو دخل المعدل انا كان معدلي 2,25 وحولت تتعادل لك المواد الي اخذتها في الاختياري بس اتوقع كم مادة في الاختياري شوفي الخطة من موقع الجامعة ايش هي المواد الاختيارية الموجودة واذا حابة تحولي حتلاقي ورقة في كلية الادارة والاقتصاد اخر غرفة على اليمين اسالي اول عند اساتذه عيده مو عارفة اسمها كامل بس الله يوفقك يارب..

[أحلآم المهآ]

اهليييين امونة.. تسلمي ياقلبي ع الرد..
يعني قصدك انو اروح للجامعة قسم اقتصاد وادارة وهما يدوني
ورقة طيب بعدين فين اروح.؟لأني انا روحت للعمادة وهناك قالتلي
وحده محينفع تحولي عشان معدلك اقل من المعدل المطلوب..
بلييييز ردي عليا مرررا محتارة ..انا بانتظارك.

[الله كريم الله]

انتي قدمي معامله الكترونيه اذا حولوك كان بها

ماحولوك ادرسي مواد عامه

[أحلآم المهآ]

انا خايفة اقدم معاملة ويتأخروا عليا والتأخيير اكييد
موفصالحي لأنو الترم بدأ وانا ابغى اذاكر عشان ارفع معدلي..

[أموونه]

اهلين حلومة..
انا رحت كلية الادارة والاقتصاد اتوقع مالهم دخل العمادة ماعرف بس حتلاقي ورقة في كلية الادارة والاقتصاد عند غرفة الاستاذه عيدة انتي اول اسالي روحي الجامعة افضل لك والله يوفقك ويسهل عليكي يارب لاتنسيني من الدعاء ياقمر..

[أحلآم المهآ]

هلااااا اموونة..تسسسلمي ياقلبي والله ردك فرحني
انا حروح الجامعة وان شاءالله تتيسر اموري..ع العمووم
الله يوفقك قلبوو ويحقق لك كل الي تتمنيه يااااارب..