تدريب عملي 2 لغه عربيه

[خلود8]

*
*
*
*


*
*



*
*


حبيت اذكر لكم تجارب زميلاتي في التدريب 2
البعض منهم دخل مدارس اهليه وحكوميه ودرسوا والبعض الاخر دخل مدرسه بس طلبوا يكونوا مع المشرفات يرتبوا الملفات والبعض الاخر دخل معاهد حاسب
والبعض الاخر طبقوا في روضه وانبسطوا كثير
بس سمعت من صاحباتي ان الدرجات الكامله تضمنيها اذا دربتي برا الكليه لانك تكوني اكتسبتي خبره
وانا بصراحه محتاره بين مدرسه وبين روضه اتمني من بنات التدريب 2في هذا الترم تذكر كل وحده وين إن شاء الله ناويه تروح لاجل الاستفاده

[لمعة الألماس]

انا سمعت انو فيه بنات راحو جمعيات خيرية واتدربو طبعا في المجال الاداري وقالو كان مره حلو وكانو متساهلين معاهم مره
.. وأنا افكر أروح جميعة بس لسا ماقررت!!
وفيه بنات راحو مدارس المعوقين ويقولو كمان حلو وكانو مسهلينها ليهم مره .
دا اللي سمعتو من البنات .
وبالتوفيق للجميع يارب
واللي عندها اي مكان تاني ماقولناه , تقولنا الله يسعدها

[هديل الحربي]

السلام عليكم حبيت اشاركم بتجربتي انا رحت اتدرب في مركز الامير فواز التابع لجمعية مراكزالاحياء هو يشبه النادي تقريبا وكانت اليوم الاول ممل لكن بعدين اندمجت مع الموظفات وصار المكان بالنسبة لي جدا مسلي فيه نادي الاطفال وانا معظم الايام فيه عندهم ساعة سباحة وساعه مكتبة وساعة فنون وساعة انجلش وباقي لي اسبوعين واخلص والحمد لله لكن ابغا اعرف ايش ممكن اعمل انشطة اللي عندها فكرة ترد الله يسعدها