استفسار بخصوص الدرجات

[غريب عزيز]

السلام عليكم ورحمة الله وبركاته

أخواني الاعزاء اعضاء وعضوات المنتدى الكرام

أبغى احكيلكم اللي عندي بخصوص الدرجات والتخصصات لأن فعلا صاير شوية لخبطة عندي

انا الحمدلله دخلت الجامعة وناوي ادخل طب أو طب اسنان او صيدلة باذن الله

درسنا اول كم اسبوع وبعدها تفاجأت قالو الاسبوع الجاي اختبارات وانا ما كنت متوقع هدا الشي

رحت جري على المذاكرة وقلت اذاكر بالاول فيزياء بحكم انه مطلوب في الطب + ما كنت فاهم الدروس كويس وقلت الرياضيات بسيط ممكن ينفهم سريع

وقعدت على الفيزيا لحد أخر يومين على اختبار الرياضيات

بعدها قلت دقت ساعة الرياضيات لازم امسكه الان

وقعدت اذاكر من ملخصات حبيب الشعب جمال السعدي فهمت حاجات كثيرة ما كنت فاهمها مع الدكتور

ودخلت الاختبار وانا واثق من نفسي لأن مذاكر يومين مذاكرة باجتهاد امسك الملخص من الصبح لأخر اليوم وذاكرت اسئلة حطها البروفسور حازم منسق المادة

دخلت الاختبار وفي بداية الاختبار قالو الاسئلة سهلة ولازم الفل مارك

اخدت الورقة وقعدت أحل أحل في اسئلة ما فهمتها والمشكلة انا في المعادلات ممتاز لكن مثلا يطلع الناتج 3 و 6 في اكثر من خيار مرة لوحدها ومرة مع ما لا نهاية زي كده تلخبطت

طلعت من الاختبار قلت بالكثير 5 غلطات

بس لمن نزلت اجوبة الاسئلة بالنت طلع معي 13 غلطة يعني جايب بالاختبار 17 من 30 يعني b+

طبعا زعلت وجتني سخونة بقيت يوم نايم منها وفعلا انقهرت كتير على الدرجات اللي فاتت

جينا بعدها للسيد الفيزياء اللي ضيعت وقتي عليه من البداية مسكته كمان وقريت قريت خلاص صرت فاهم كل المكتوب بالملخص حق أشرف بركات

وذاكرت عروض بور اعطانا هي الدكتور وكل شي فاهمه تمام

وقبل الاختبار الدكتور عمل مراجعة وكنت اجاوب معه يعني دافور الحصة كنت

وجا الاختبار الحلو الحمدلله حليت فيه تمام بس كانت المشكلة الوقت غير كافي خصوصا ان اللي عمل الاختبار كان يحب الاسئلة اللي فيها معادلات وحل وقوانين طبعا انا القوانين حافظها كللها ماعندي مشكلة فيها بس كانت المشكلة بالوقت

قعدت احل بالبداية كان كله تمام لكن شوية قالو بقي 10 دقايق الكل يظلل الان عشان لو انتهى الوقت بيسحبو الاسئلة مباشرة

وانا كان في عندي 5 اسئلة لسة ما حليتها

رحت ظللت سريع واللي ما لحيته صرت اشوف الرقم الحلو واظلل عليه لأن خلاص مافي أي وقت لحل السؤال بطريقة صحيحة

طلعت من الاختبار وبعد ما نزلو الحلول من موقع يوسف زويل راجعت ورقتي لقيت اني جايب 22 من 30 يعني 8 اخطاء يعني a

بعد القصة الطويلة هدي عندي استفسار

نقول مثلا أنه جبت باختبارات الفيزيا الباقية كللها a وكللها 22 من 30

في النهاية بعد الجمع والعشرة اللي مع الاستاذ يصير المجموع 76 من 100 وهدا ابدا مش a

كيف يعني يضحكو علينا بالبداية يقولو a وبالنهاية يطلع مش a

هدا أول شي

وثاني شي الأن انا جبت 8 أخطاء بالفيزيا والطب لازم اجيب بالفيزياء 85 بالمية يعني ما تزيد عدد الاخطاء عن 15 خطأ وانا خلصت منهم 8 باقي 7 لو غلطت زيادة عن كده هل معناه أدور شي تاني غير الطب ؟

طبعا انا بأحاول اجيب الفل مارك لكن دائما تأتي الرياح بما لا تشتهي السفن

اشكركم على المتابعة واعتذر على الاطالة

دمتم برعاية الله ،،،

[ghalya]

انا ماحقدر افيدك

بس كل اللي اقولك عليه انو والله الجامعه دي تجيب للواحد حاله نفسيه

وربي يوفقك ان شاء الله وتجيب درجات عاليه وتدخل المجال اللي انت حابه

[Dr.Rawan]

الله يعيين
شوف ياخوي بالنسبة للقبول في الطب ال 85 ما يقصدو فيها كل ماده
المقصود متوسط المواد المطلوبه في الطب 85 <<<< عاد كيف ينحسب مدري
المهم لا تتخلى عن حلمك ابداااااا وشد حيلك في الاختبارات الجاية
وانت توك في البدايه من اللحين تقول ادور شي غير الطب !!!!!!
لايكون تفكيرك كذا
وبالنسبة لدرجاتك تقول جايب 22 من 30 طيب والبونص فين راح ؟؟؟؟
33 سؤال يعني 3 اسئلة بونص بالعربي لو غلطان 8 غلطات تجيب 25 من 30
الخلاصه إن شاء الله تسير دكتور وتدخل طب لاتشيل هم اعرف ناس من السنوات السابقه
خبصو في البدايه بعدين شدو حيلهم ودخلو طب
وبالتوفييييييق

[غريب عزيز]

المشاركة الأصلية كتبت بواسطة ghalya انا ماحقدر افيدك بس كل اللي اقولك عليه انو والله الجامعه دي تجيب للواحد حاله نفسيه وربي يوفقك ان شاء الله وتجيب درجات عاليه وتدخل المجال اللي انت حابه

أشكرك على مرورك وفعلا كلامك صحيح

[غريب عزيز]

المشاركة الأصلية كتبت بواسطة dr.rawan الله يعيين شوف ياخوي بالنسبة للقبول في الطب ال 85 ما يقصدو فيها كل ماده المقصود متوسط المواد المطلوبه في الطب 85 <<<< عاد كيف ينحسب مدري المهم لا تتخلى عن حلمك ابداااااا وشد حيلك في الاختبارات الجاية وانت توك في البدايه من اللحين تقول ادور شي غير الطب !!!!!! لايكون تفكيرك كذا وبالنسبة لدرجاتك تقول جايب 22 من 30 طيب والبونص فين راح ؟؟؟؟ 33 سؤال يعني 3 اسئلة بونص بالعربي لو غلطان 8 غلطات تجيب 25 من 30 الخلاصه إن شاء الله تسير دكتور وتدخل طب لاتشيل هم اعرف ناس من السنوات السابقه خبصو في البدايه بعدين شدو حيلهم ودخلو طب وبالتوفييييييق

الله يبارك فيكي أختي فهمت منك حاجات أول مرة أعرفها ان شاء الله احنا نجتهد والله يكتب اللي فيه الخير

تحياتي ،،،

[X901]

خيو سيبك منهم ..
في واحد من السنه الماضيه شرحلنا الهرجه ..
المقصود بـ ٨٥ ..
هيا مجموع كل المواد على عددها = ٨٥ !
واللغه النجليزيه تنحب على كل مستوى ..
مستوى ٢ و ٣ و٤
بما يعني اذا مثلا ما جبت درجة جيده في ماده شد حيلك في المواد الاخره ..
.. بس هما من الاخر يقلك جيب ٨٥ في كل المواد .. عشين تشد حيلك ما تكسل بس ..
بس ابدا مو المقصود انك تجيب في كل المواد ٨٥ =)
أتمنى تكون وضحت =)

[غريب عزيز]

المشاركة الأصلية كتبت بواسطة x901 خيو سيبك منهم .. في واحد من السنه الماضيه شرحلنا الهرجه .. المقصود بـ ٨٥ .. هيا مجموع كل المواد على عددها = ٨٥ ! واللغه النجليزيه تنحب على كل مستوى .. مستوى ٢ و ٣ و٤ بما يعني اذا مثلا ما جبت درجة جيده في ماده شد حيلك في المواد الاخره .. .. بس هما من الاخر يقلك جيب ٨٥ في كل المواد .. عشين تشد حيلك ما تكسل بس .. بس ابدا مو المقصود انك تجيب في كل المواد ٨٥ =) أتمنى تكون وضحت =)

اها كويس يعني الحمدلله الانقليزي داخل فيهو وجايب فيه الدرجة الكاملة في الاختبارات بس نفصت درجة وحدة في السبيكنق هدا الشي بيرفع ان شاء الله من نسبتي

اشكرك على التوضيح ودمت برعاية الله

[BoOoDi =D]

العام الماضي جبت الدور الأول بالرياضيات 18 .. و أتخرجت منها بـ83 .. عندك الميد 2 جبت فيه 28 و الفاينال جبت فيه العيد

يا حبآآآيب في بونص تقريبا بالماث 10 درجات حطوها فبالكم للأولاد و البنات ..

الفيزيا فيها بونص ما يقل عن 6 درجات

و خلو فبالكم انه في تعويض و في كل شي بجامعتنا الحبيبه .. <~ بينضرب

بس صدقوني بعد ما تخلصو السنه التحضيرية اغلبكم بيقول جامعتنا الحبيبة اللي احتضنتنا من بين كل الجامعات ..

[غريب عزيز]

المشاركة الأصلية كتبت بواسطة booodi =d العام الماضي جبت الدور الأول بالرياضيات 18 .. و أتخرجت منها بـ83 .. عندك الميد 2 جبت فيه 28 و الفاينال جبت فيه العيد يا حبآآآيب في بونص تقريبا بالماث 10 درجات حطوها فبالكم للأولاد و البنات .. الفيزيا فيها بونص ما يقل عن 6 درجات و خلو فبالكم انه في تعويض و في كل شي بجامعتنا الحبيبه .. <~ بينضرب بس صدقوني بعد ما تخلصو السنه التحضيرية اغلبكم بيقول جامعتنا الحبيبة اللي احتضنتنا من بين كل الجامعات ..

الله يعطيك العافية أخي العزيز والله رجع الحماس من جديد بعد ما تحطمت

تحياتي ،،،

[علي,ع]

بس العلم البونس اللي ذكره زميلي BoOoDi =D ماكان للخطتين كان للخطه أ ( الترم الاول ) فلا تعتمد على شي اسمه بووونس .ز
بالنسبه للخرافه اللي تقول لازم 85 في كل المواد عز الله ماكان احد تخصص .!!!
لازم تجيب مجموع الدرجات النهائيه تقسيم عدد الساعات ويطلع فوق 85 لكل المواد
شد حيلك والامور سهالات .... موفق