لكل الطالبات اللي أضافو ماده علم النفس الشخصية سنترا ومالقوها ..

Great sister · #1 20-11-2011, 04:44 PM

السلام عليكم ورحمة الله وبركاته

أحببت أقطع التساؤلات والحيرة .. بين الطالبات .. بخصوص عدم وجود ماده علم النفس الشخصيه في جدول السنترا ..

بنات اخواتي معليش اكلنا مقلب ..الماده هذه كان لها حضور في الجامعه وراحت علينا طبعا .. وهي ماهي سنترا لانها من مواد المستوى السادس وانتو عارفين انو احنا الدفعه الاولى للتعليم الجديد عن بعد .. فطبعا بالعربي راحت علينا ..

فعلى جميع الاخوات غير الراغبات انهم يدرسو الماده هذه بمفردهم حذفها .. وحطو اي مادة غيرها معليش .. هذا خبر اكيد جبته من الجامعه اليوم ..

بالتوفيق

ورده99 · 20-11-2011, 04:47 PM

حسبي الله ونعم الوكيل نبغى اراء بعض ايش نحط بدلها

عازفة الوتر الحزين · 20-11-2011, 07:01 PM

طيب والعمل ايش

انا ابغى اخذ الماده دا الترم ما اقدر اأجلها لاني زي مانتو عارفين مواد المستوى السادس خلص دوامها بالجامعه

وانا ابغى اخلص المواد حق المستوى السادس ما اقدر اأجل

حسبي الله دام انهم مابيعطونا الماده ليه خلوها لنا سينترا ليه ما اعطونا هيا في الجامعه

وليه حاطين شعب زايده .. والله الصراحه شي يقهر

ما اقول الا الله المستعان

ياااارب صبرني

بنات اللي يعرف ايميل الاستاذه هند بامعلان يحط لي ايميلها الله يخليكم ضروري

just adream · 20-11-2011, 07:17 PM

طيب ايش في مادة ع السنترا نحطها بدالها ؟
ولا خلاص نمشي حالنا ونروح نسأل عنها ونستفسر في الجامعة :(
والله حرام عليهمحتى عندي مادة مدخل التوجية والارشاد النفسي مانزلت سنترا
لا حول ولا قوة الا بالله

كبرياء انثى)) · 20-11-2011, 07:24 PM

لاتعليق من جد هادي جامعة ؟؟ دحين ايش الحل ماعندي مواد اخدها

altoot · 20-11-2011, 07:29 PM

وي وي وي ياويلي ايش هذا الخبر
بجد حرااام والحل دحين مرررة خربطة والوقت ضيق
لاحول ولاقوة الابالله

hebah_22 · 20-11-2011, 07:46 PM

انا سمعت انهم حيعوضنا المحاضرات ويدخولها سنترا انتظرو او احد يروح يتاكد اليوم وحده في المحاضره من البنات قالت انها كلمتهم وانهم حيرجعو يضيفوها ويعوضوا البنات

ورده99 · 20-11-2011, 10:25 PM

بنات انا بدلتها صحه نفسيه بس ان شاء الله ما تكون سنترا

نوني عيوني · 20-11-2011, 10:29 PM

لحظه بنات انا راسلت الاستاده هند على الايميل وردت علي على طول وقالت انو في مشكله في السستم والمحاضره حتتعوض وانا نزلت نسخ برسالتها في احد المواضيع وححاول انسخ الرد وانزلكم هو هنا

نوني عيوني · 20-11-2011, 10:32 PM

السلام عليكم ورحمة الله وبركاته

في مشكلة في نظام السنترا بس تنحل باذن الله راح تتعوض المحاضرة

شاكرة لكم حسن متابعتكم

أ . هند بامعلان

لكل الطالبات اللي أضافو ماده علم النفس الشخصية سنترا ومالقوها ..

قسم علم النفس