هل ظلمني ! ام سآعدني ( لله دره من دكتور )

[اليخآندرو]

السـلام عليكم ورحمه اللــه

بدايه الترم .. قمت ونزلت ماده الاقتصآد الجزئي
بدون ما اتآكد بآسم الدكتور ..

اخترتها عشان الوقـت كان منآسبَ

اول محاضره بآيآم الاسبوع حضر الدكتور وبدى بالتحضيرر

كان اسلوب جاف جدا جدا جدا
الفـاظ .. تخرح بعض الاحيآن عن الادب العـام


بعدها قررت حذف الماده .. بسبب الدكتور
راجعت وكيل الكليه ورفض الحذف لانه بدون سبب ..!

المهم قلت اجرِب ..

مع البدايه كان نظام شديد .. وطرد لعدد من الطلاب
نظآمه المعرف ( اطردك من المحاضره 3 مرات ، لا تجي عندي بعدها )

سئلت الكل عنه .. كان الكل يذم تصرفـاته


مع اول اختبـار دوري .. جبت درجه 8 من 15

قلت شي احسن من لاشي ..

لكن بدئت اطفش من الماده !

المهم كان غيآبي كثيررر

فيوم من الايـام وهو يحضر بدى يعطي الطلاب الغيآب والمحرومين

المهم ، ذكر اسمي ، وقـآل ( محروم من الاختبآر ، دي ان )

كلمته بعد المحاضره ، يقول جب عذر او لا تزعجبني

اتصلت على جواله وقلت دكتور اختبآرنــاا الدوري الثـاني بعد بوكرا
احضر او لا !!!!

قـآل انت عندك عذر لغيآبك ، قلت لآ
قـآل يعني محروم

طبعـا ما حضرت الاختبار وما صرت احضر المحاضرات
بعد مرور 24 يوم بالتمـام على هذا الاتصـآل

السـآعه 11 مسآء
رقم غريب يتصل رديت

المتصل / السلام عليكم ، محمد .........
انا / اي نعم من معـي
المتصل / معك الدكتور ........... دكتور الاقتصـاد
انا / والنعم دكتـور اي نعم عرفتك
المتصل / محمد الاختبآر النهائي يوم الاثنين ( بعد يومين من المكالمه)عندك استعداد تختبر وتذاكر ؟
انا / دكتـور بس انا ما حضرت المحاضرات وانت قلت لي دي ان
المتصل / خلنا من الكلام القديم !! عندك استعداد او لآ ؟
انا / اي نعم عندي استعداد بس الاختبآرات الدوريه الي فآتتني !
المتصل / الاختبآرات هذي ما عليك فيهـا ..جب درجه حلوه بالنهائي وانا اسـاعدك
انا / والدروس الي ما فهمتها
المتصل / عندك بوكرا تجي المكتب اشرح لك كل شي تبيه
انا / اذن بيض الله وجهك دكتور مع اني والله منصدم ما ادري وش اقول
المتصل / لا تقول شي .. بس ذاكر زين
( جزء من المحادثه حذفته لانه راح يبين اسمي كآمل )

ذاكرت ودخلت الاختبآر بنص فهم !

اختبرت قبل امس تنزل الدرجـآت ، معطيني 75

هنا انا ما ادري .. ليش الدكتور تذكرني !
ليش نجحني !!
مع ان اسلوب دراسته جاف !!
هل انصح غيري ياخذ الماده عنده او بكون ظلمت الطالب !!

بعد النتيجه اتصلت بشكره ما رد .. ارسلت رسآله شكرر ..

تحيـآتي من القلب له ..

[ro7i Leek]

اول شي مبروووووووك عالنجااااح ..

ثااني شي .. وربي انو طيب هالدكتور .. بس يعني هل انت الوحيد اللي سوا معك كذا..؟؟ ولا كل الطلاب؟؟

والله القصه غريييبه ..

[اليخآندرو]

المشاركة الأصلية كتبت بواسطة هبوووش اول شي مبروووووووك عالنجااااح .. ثااني شي .. وربي انو طيب هالدكتور .. بس يعني هل انت الوحيد اللي سوا معك كذا..؟؟ ولا كل الطلاب؟؟ والله القصه غريييبه ..

يبــآرك بقلبك ..

من ناحيه كل الطــلااب .. اعرف 3 اخذو دي ان بسبب الغيآب مثلي
هذا الي محيرني
ولاكان قلت سآعد كل الطلاب ..

[M155.m55]

ألف ألف مبرووووك ...

شكلوا أمك راضية عنك ...

هذا دليل على رضى الوالدين ...

الله يوفقك ...

[اليخآندرو]

المشاركة الأصلية كتبت بواسطة المحاسبة ألف ألف مبرووووك ... شكلوا أمك راضية عنك ... هذا دليل على رضى الوالدين ... الله يوفقك ...

يبآرك فيكِ ..

والله يطول بعمآرهم يآرب

[مَـزٍآج ..}..]

غريب جداً هذا الدكتـور ..

عموما الف مبـروكـ !!

[اليخآندرو]

المشاركة الأصلية كتبت بواسطة cooooool غريب جداً هذا الدكتـور .. عموما الف مبـروكـ !!

بقوه غريب !!!
يبآرك فيك

[حاير طاير]

اسلوب غريب جدا جدا وهناك دكتور في ادارة الاعمال يمارس نفس الطريقة وانا ارى انها فاشلة لابعد درجة لانها تدمر نفسيات الطالب ربما تحدو به الى حذف الترم او ارباكه في بقية المواد ومع انه نجحك وبدرجة طيبة اقول الله لا يجزى اي دكتور يمارس نفس الطريقة خير

[يلدرم]

عندي فضول لمعرفة الدكتور

لو مافيها احراج ارسله على الخاص عشان لو احد يوم من الايام اتفلسف عليه يصير ارد مزبوط

[اليخآندرو]

المشاركة الأصلية كتبت بواسطة حاير طاير اسلوب غريب جدا جدا وهناك دكتور في ادارة الاعمال يمارس نفس الطريقة وانا ارى انها فاشلة لابعد درجة لانها تدمر نفسيات الطالب ربما تحدو به الى حذف الترم او ارباكه في بقية المواد ومع انه نجحك وبدرجة طيبة اقول الله لا يجزى اي دكتور يمارس نفس الطريقة خير

مثل ما تدمرت بالبدايه وكرهني بالمااده ،،

شآكر لك تعليقك