عاجل .............

[غامدي الطائف]

سؤال اش الفرق بين التعليم عن بعد والانتساب وماهو الافضل لان فيه ناس تقول ابغا احول الى تعليم عن بعد

[Sliver]

الإنتساب معروف .. الإختبار من 100 درجة و في محاضرات سنترا لاكن مو شرط الحضور.

التعليم عن بعد .. في 30 درجة علي الحضور و الواجبات طبعا عن طريق النيت المحاضرات نفس نظام السنترا و 70 درجة في الإختبار .

لاكن شرط التحويل من إنتساب إلي تعليم عن بعد قبل ما تخلص 40 ساعة ولا ما يقبلوك .. يعني تستمر إنتساب ..

طبعا التعليم عن بعد أفضل من الإنتساب بسبب توجه التعليم إليه و الشركات بصفة عامه ..

و شهادة التعليم عن بعد أقوي من الإنتساب بكثير .

الله يوفق الجميع ..

[madmozil]

(( و شهادة التعليم عن بعد أقوي من الإنتساب بكثير ))

^
آهآآآ , كويس والله
اجل ششهآدتنآ اعتبرهآ اي كلام ؟
شي حلو .. !!
آجل وشهو له ادفع 6000 ريآل !!
عشآاآاآان يكملون الجآمعه اذا بهآ نواقصص ؟
جامعات برآ تدخل تكمل درآسسه ولا تفكر تدفع نهآئيآ ..
كل همهم الواحد يطلع متعلم و تعليم جامعي
لكن حنآ الله يخلف علينآآآ ...
ياكلونآ بفلوسسنآ اكل
وليت في تقدير و احترآم !!!
(( هذآ الوآقع اللي عايشينه ))

[Sliver]

إي والله إنك صادقة ..

[دلع غربي]

مافيه اي فرق في اي شهادة سواء انساب او انتضام فمابالك بالتعليم عن بعد خلي عنكم الكلام اللي ماله داعي واللي حاب يتأكد يدخل يشوف مايمنحه الطالب عند التسجيل للانتساب ومن ضمنها انو الشهادة لايوجد فرق وهي معتمده من التعليم العالي رجاء بلا خراط

وبعدين ايش اللي تعليم عن بعد كلها زي بعض والانتساب اصعب في نظري

[Sliver]

يا أخي العزيز الدراسة وحده نفس الشي ... لاكن بعد التخرج شهادة التعليم عن بعد أفضل و أقوي عند الشركات ..

يعني لو يجي طالب إنتساب و طالب تعليم عن بعد الشركة تفضل الطالب الثاني بكل بساطة .. مع العلم كل الشهادتين معترف فيها في كل مكان مو بس التعليم العالي ..

لا تتكلم كلام منت داري عنه شي .. أنا أشتغل في شركة ..في قسم الموارد البشرية 12 سنة .. شهادة الإنتساب ما نعترف فيها و نوقع الموظفين علي الكلام دا قبل الدراسة .. إنه لا يطالب الشركة بأي تعديل بعد التخرج .. و النظام مطبق في جميع الشركات بدون إستثناء .

[ولـــ(العاطفة)ـــيد]

الله يجزاك خير شهادة التعليم عن بعد غير معتمدة اصلا
اسال الناس الي تخرجو او على وشك التخرج

[sweet_s]

يا اخوي جميع شهادات جامعة الملك عبد العزيز معترف فيها داخليا و دوليا ً ً لاكن في الشركات الموجودة داخل المملكة شهادة التعليم عن بعد اقوي من الانتساب ً ً

[follah]

و يستمرررر الجدال بين شهادة الانتساب و شهادة التعليم عن بعد :))
ما تطفشو انتو ؟؟؟
يا غامدي قبل ما تختار صلي ركعتين و استخير
و الله يوفق الجمييييع

[ضييف]

الله يوفقك ويكتب لك اللي فيه الخير والبركه