اللي عنده مشكلة في عدد الساعات المكتسبة والمعدل واللي ما حضر الاختبار يدخل هنا

[دادكو]

ياجماعة اللي عنده اختلاف في عدد الساعات المكتسبة والمعدل غير صحيح مثل ما حصل بمادة الثقافة الاسلامية الترم اللي فات عليه مراجعة عمادة القبول والتسجيل بجدة الدور الثاني قسم الانتساب وتزويد الموظف برقم الطالب الجامعي ورايح يعمل الموظف المختص تحديث بيانات خلال ثواني وتنتهي المشكلة ولا ارسال معاملة ولا ايميلات ولا يحزنون .
وبالنسبة لمن ما حضر الاختبار بسب مرض لا سمح الله وبعد احضار التقرير الطبي وبنفس المكان السابق يسأل عن مكان تقديم الاختبار البديل وعند الحضور عند الموظف تقوم بتعبئة طلب وتشرح المطلوب والسبب مع ارفاق التقرير وبكل بساطة تسلمه للموظف وما عليك الا متابعة موقعك لحين الحصول على علامة الاختبار البديل وهو رمز at .
هذا بالتحديد اللي صار معاية وحسبت الوقت من دخولي العمادة حتى خروجي منها كان عشرون دقيقة فقط والحمدلله وانهيت كل شيء وخصوصاً اني ما حصلت زحمة.
وعليه جرى التنويه لتعميم الفائدة للجميع والله الموفق ،،،