هآإأآم،،تجمع خاص لبنآت الخطتين أ+ب

[yaa rbb]

بسم الله الرحمن الرحيم

السلام عليكوو و رحمة الله و بركآآته
حبيبآتي انآ شفت مواضيع كتيييره بدهم نصآييحح للخخطه الجديده..

حبيت اعمل هالتجمع مشآن الكل يستفيد و لا يتشتت..

كل وحده تكتب اي خطه؟؟
أي فرع؟؟
شرح مبسط لكل مآده؟؟
احسن الملخصات؟؟
احسن الدكآتره؟؟
شي ممكن يعينك في المذآكره بعد توفيق الله؟؟

اتممنى تتفاعلوو ،، مشآن نفيد و نستفيد^_^

[yaa rbb]

‏ ‏ ^^
‏ ‏ up ‎

^_^

[wejdo_o]

1- خطة ب
2- فرع السليمانيه
اولا:- الاحصاء <~ تكون المذاكره من الكتاب وملخص جمال السعدي / احسن أستاذه لميس العمودي {الشباتر اللي معانا (1،2،3) و(4،5،10،درس من 13) و (6) }
ثانيا:- الكيمياء <~ الممذاكره من سلايدات ليلى الحربي وملخص السيد ويوسف زويل ، أنا عن نفسي كنت اذاكر يوسف زويل بعدين أتدرب على ملخص السيد ولاحظت اغلب الاسئله منو / احسن أستاذه ليلى الحربي وفوزيه البلوي أما أستاذه بسمه اللي يكون عندها الله يعينه:]
ثالثا :- الاحياء <~ المذاكرة من السلايدات فقط / أنا قلت مستحيل اذاكرو لأني مره ما أطيقه المهم الدوري الاول بس قرأته مره وحده في يوم الاختبار وحليت تخمين جبت25 والدوري الثاني نفس الشي بس جبت 16 اما الفاينل قرأته بتركيز ولخصت الاشياء اللي حسيتها مهمه ومن جد كان الاختبار تافه ومن الاشياء الواضحه اللي لخصتها ( يعني اول شي قرأه بعدين شوفو الاشياء المهمه بعدين ركزوا عليها ) / احسن أستاذه ما أدري بس اتوقع مو لازم لأنه يعتمد على الحفظ
بالتوفيق للجميع ...

[yaa rbb]

مشكوره ي عسل ع المعلومات

[M!SS Lara]

المشاركة الأصلية كتبت بواسطة wejdo_o 1- خطة ب 2- فرع السليمانيه اولا:- الاحصاء <~ تكون المذاكره من الكتاب وملخص جمال السعدي / احسن أستاذه لميس العمودي {الشباتر اللي معانا (1،2،3) و(4،5،10،درس من 13) و (6) } ثانيا:- الكيمياء <~ الممذاكره من سلايدات ليلى الحربي وملخص السيد ويوسف زويل ، أنا عن نفسي كنت اذاكر يوسف زويل بعدين أتدرب على ملخص السيد ولاحظت اغلب الاسئله منو / احسن أستاذه ليلى الحربي وفوزيه البلوي أما أستاذه بسمه اللي يكون عندها الله يعينه:] ثالثا :- الاحياء <~ المذاكرة من السلايدات فقط / أنا قلت مستحيل اذاكرو لأني مره ما أطيقه المهم الدوري الاول بس قرأته مره وحده في يوم الاختبار وحليت تخمين جبت25 والدوري الثاني نفس الشي بس جبت 16 اما الفاينل قرأته بتركيز ولخصت الاشياء اللي حسيتها مهمه ومن جد كان الاختبار تافه ومن الاشياء الواضحه اللي لخصتها ( يعني اول شي قرأه بعدين شوفو الاشياء المهمه بعدين ركزوا عليها ) / احسن أستاذه ما أدري بس اتوقع مو لازم لأنه يعتمد على الحفظ بالتوفيق للجميع ...

الله يجزااكي خير حبيبتي والله يوفقك يارب

[M!SS Lara]

((اسمعو كلامي ده وافهمووووه للي يبغا يجيب a+ في ألف ))
ترا الـa+ ماهي مستحيلة لأنو كل دوري في الماث والفيزياء متكون من 3 اسأله زياده وبالفاينال فيه 4 اسأله زياده)
ومهارات الاتصال والحاسب سهلين جدن جدن


كل وحده تكتب اي خطه؟؟
ألف
أي فرع؟؟
السليمانية
شرح مبسط لكل مآده؟؟
الماث .. ماده حلوه لكن عيبها انها طويللللله ادرسوها من السعدي وحتضمنو 100 من 100 وكمان مرو ع الكتاب لأانو شكله حلو ويفتح النفس :)
بالنسبه للمنهج فبالبداية حتأخذو الفترات (اكبر وأصغر) وحتأخذو معادلة الخط المستقيم وميلة وحتأخذو الدوال المثلثية ( هذي كلها بشئ اسمه أبندكس) ، بعدين حتبدأو تأخذو انواع الدوال (كثيرات الحدود والمثلثية والأسية واللغوريتمية .. الخ ومجالها )
بعدين حتبدأو تأخذو النهائيات والأتصال وبعدين حتأخذو التقاضل (الاشتقاق) (هذا كله من شابتر 1 إلى شابتر 3 بس مش كل الدروس) واخيرا حتأخذو بالباب الرابع كم درس ( قاعدة لوبيتال ، والقيم الصغرى والكبرى والنقطة الحرجة وكده ) ..

شفتو كيف المنهج مره طويل ><"
بس زي ماقلتلكم تراه سهل وانصحكم انكم تخزنو درجات للفاينال للإحتياط << احب الاحتياط مرره :)

فيزياء .. هذي المادة كتكوووتة والمنهج مره قصير وحلو وبس تحفظي قوانين مع فهم وتطبقي وصلى اللهم ع محمد :)
انصحكم تدرسوه من يوسف زويل مرررررررررره رهيب ..

وبالنسبة للمنهج ( فهو 8 شباتر ) الشابتر الاول تدرسو عن التحويل كيف تحولو من سنتمر لمتر وكده :D

الباب التاني تدرسو فيه معادلات الحركه ع خط مستقيم ( هذيك الخمسة معادلات ) وكللله تطبيق مباشر ..

الباب الثالث حتدرسو شئ اسمه المتجهات وركزووو عليه وحتحتاجو تدرسو ده الباب من يوسف زويل 3 مرات لحتى تتقنو المنهج اتقان (خذو كلامي حلقه بأودانكم الحلوه << قلبت سوري )
المهم ..
والباب الي بعده عن الحركة في المستوى وحتأخذو شئ اسمه المقذوفات :) مره سهل لاتشيلو هم :)
والباب الخامس حتأخذو عن عمنا نيوتن وأكررها تاني عليهم انو ده الباب والباب الثالث حق المتجهات يحتاج تدرسو كم مره لحتى تتقنوه ..

والباب السادس برضو عن الفريكشن (قوة الاحتكاك)
والسابع (عن الشغل والقدرة ) حلوووه بس ركزووو ركزوو ..
والباب الثامن ماهو معانا والباب التاسع ( انصحكم تدرسو من ملخص هناء فرحان لانو يوسف ماهو مفصله ولاتضحك عليكم دكتورتكم زي ماعملت دكتورتنا وقالت ادرسو دي الامثله وحتجي نفسها إلا اتفاجأنا بالاختبار بس الحمدلله اني دارسه تمام وعوضت في الاسأله الباقيه ولكنت جبت a واتجنيت)

وخلصنا الفيزياء :)



الحآآآآآسب .... انتبهوووو انتبهووو انكم تكسلوو ، حتقولو كيف تكسلو ؟ لانو حاطين اختبار الحاسب بعد الماث والفيزياء وتكونو قد استزفت طااقاتكم فتتقل نفسياتكم له .. فأنتبهو تكسلو زي ماعملت وشوفو النتيجة انا جايبه a+ في الفيزياء والماث وجايبه a في الحاسب << شفتو كيف :"(
والاختبار فيه نظري وعملي ..
النظري .. بصراحه في كم سؤال ماهي مباشرة لكن الي تدرسه مزبووووط حتحل :)

اما العملي .. فطبقو عادي ع جهازكم كل خطوة بالعملي وتضمنو درجات :)

..
نجي لمهارات الاتصال... ماده انا بنفسي انصحكم انكم تحضروها لتطورو ذواتكم لانها تعلمكم فن الحوار والاقناع يعني منجد لكي انتي لأنو بعد التخصص حتبدأ تعملي عرض فلازم تكون لك شخصية وكده وبالنسبة للاختبار ، فقرأة واحده بتركيز تكفي انك تجيبي a+

وانتهينا :)




احسن الدكآتره؟؟

الماث انا ماعرف إلا دكتورتي (نهلة الدواليبي ) تفهم بس عيبها صوتها واطي فاجلسو اول صف

الفيزياء ففي كثير دكاترة كويسيات .. زي سناء اباظة وهناء فرحان ولبنى سندي

ومهارات الاتصال والحاسب فعادي تكونو عند اي شخص


شي ممكن يعينك في المذآكره بعد توفيق الله
نماذج الاختبااااااارات
لانها غير ماهي مراجعه لك ، بتطمنك نفسسيا لأانو شكلها نفس شكل الاختبار الي حيجيكي فمحتخافي



وبث وانتهيييت

كتبت كل الي بجعبتي واعطيته لكم ع طبق من فضة
ادعولي ربنا يوفقني

[لوتي الطويرقي]

الشرفية
خطة ب
درجاتي مش ولآ بد
بس اتعلمت شيء وماابغا احد يصير فيلو زي اللي صار ليا
خطة ب جدولها جدا مرييح بس يبغالها مذاكرة مذاكرة مذاكرة
اول شيئ
الكيمستري نفس منهج الثانوي بس الرموز غيير
الميد الاول ٤ شبترز واهم شبتر اللي هوا شبتر ٣
زاكروا من يوسف زويل وسلايدز ليلى واعم شي اتدربوا ع تست بانك اكرام دانش يجي
منو كتير الكتاب ماحتستفيدوا منو كتير
طبعا دي الطريقة سووها مع كل الاختبارات انا سويتها بس في الفاينل والحمدلله جبت درجة حلوة
الاحياء - هدي المادة تعتمد ع الحفظ بس في الشبتر الاخير لازم تفهموا مع الاستازة لان كلو انقسامات
وتشبه بعض افضل اساتذة هند الزهراني وفاتن ابوالدهب يخلصوا المنهج بسرعة + تجيهم حالات ويشرحوا من قلب
الاحصاء دي المادة تعتمد ع الاستادة اعتماد كامل + مراجعة المحاضرة احسن وحدة فاتن
واهم شي شبتر ٤ لاتهملوه وزاكروا اول باول والا حيتراكم عليكم وماتقدروا تغطوه ليلة الاختبار زي بعض الناس

[وعد2012]

انا حتكلم عن تجربتي في خطة أ هي خطة مانقدر نقول عنها سهله ولا صعبه
أولاً :الرياضيات
ماده شويه دسمة لأن الأفكار فيها كتيره الكتاب مره مهم في الرياضيات وأعتقد إنه أحسن أستاذه هي هدى افندي المهم في الماث في تلات اختبارات اختبارين من 33 درجه الثلاث درجات حتكون بونس للي تحله والنهائي من 44 درجه نفس الشيء الأربع درجات حتكون بونس للي تحله أنا أخذت الدرجه كامله في الماث للي حابه تتبع طريقتي كنت أذاكر من الكتاب وبعدين أحل الهوموورك اللي محدد وبعدين أطبق في اختبارات سابقه لأنه تقريباً نفس طريقة الأسئله والملخصات مو مره كنت اعتمد عليها في الماث بس ممكن تستعينوا بملخصات السعدي وبالتوفيييييييق

ثانياً: الفيزياء
ماده مررررره لزيزه انا بالنسبه لي ماواجهت اي صعوبه في مزاكرتها والحمد لله جبت الفل مارك طبعاً هي تعتمد بالدرجه الأولى على الدكتوره أنا كنت عند سناء أباظه وكانت مره روعه ماكنت أحتاج ملخصات ولايحزنون بس كنت أذاكر من دفتر المحاضرات وأحل السكاشن والاختبارات اللي كانت تنزلها لبنى سندي في الموقع وطريقة توزيع الدرجات نفس الماث
في الفيزياء زاكروا أول بأول لأن الفصول متصله مع بعض يعني ما حتمشي في الفصل الثاني الا لما تفهمي الأول كويس

وأخيراً مهارات الإتصال والحاسب مايبغالها مادتين تقدروا تاخذوا ال++ بسهوله
مهارات الاتصال حيكون توزيع الدرجات 30 على المتطلبات و 30 اختبار نصفي و 40 فاينل
أما الحاسب حيكون 10 نظري نصفي أول ونفس الدرجه نصفي تاني و 25 عملي أول ونفس الدرجه عملي تاني و 30 نظري فاينل ومااافي عملي بس معلومه كل جزئيه تختبري فيها خلاص انسيها ماحتختبري فيها تاني نفس الأحياء

وياااارب تتوفقوا في هذه الخطه

[Deev]

انا قيدني اتكلمت اول في موضوع عن دي الخطه بس ماشي نعيدو
المهم

اي خطه؟؟
ب

أي فرع؟؟
السليمانية

شرح مبسط لكل مآده؟؟
الكيمياء/ ماده لزيزه اغلبها اشياء اخدناها بالثنوي الانجليزي مرا لاتشيلو همو فيه وهوا نوعا ما المنهج طويل بس تقريبا تلات ارباعو مرااا سهل
اول شابتر حتاخدو تحويلات الدرجات وقانون الكثافه المهم اشياء مرا سهله الفصل التاني عن الذرهوالبروتونات والنيترونات والتسميات برضو سهل
التالت عن الكتل دا مسائلو كتيرة بس انها سهله الشباتر الرابع مرا تافهه عن تركيز محلول وتخفيفه كلو قانونين وعدا دا المنوال اشياء سهله بس شابتر 9 حق لويس يبغالو تركيز جدا جدا بس هوا سهل برضو

الاحصاء/ دي الماده مرا حلوه وممتعه ومرااا سهله وكلها كم شابتر الشباتر الثلاته الاولى مرااا سهله بس احضرو السكاشن الباب الرابع والخامس
والسادس يمكن هيا دي الابواب اللي ممكن تتعبكم بس وربي سهله اهم شي انكم تحلو اسئله الكتاب في دي الشباتر لانو جا منها كتيييير

الاحياء / ماده لاتعليق عيبها دسمه بس الحلو فيها انو اللي تختبروه خلاص يروح مالها شي يتزاكر منو غير السلايدات ( ع فكره ممكن دي الماده تجبلكم ام النفسيه لو مامسكتوها عدل ) دي ماده يبغالها مزاكرة اول باول وبــس

احسن الملخصات؟؟

الكيمياء / السيد وخصوصا شابتر 2 التسميه مرا جييييد
+ النماذج وتست بانك اكرام + دكتورة ليلى

احصاء / اشرف بركات وجمال وركزو ع جمال مراا خصوصا الدوري الاول جت مساله بالزبط منو

احسن الدكآتره؟؟
كيمياء/ ليلى الحربي ولا يعلى عليها ماشاء الله + اكرام دانش وفوزية

احصاء / ريم الحربي وسماح سندي ( يمدحوها ) وعبير ولميس ( دولا حقون السكاشن )

احياء / حنان الشاذلي تشرح بقلب وتحفظك كمان بس انها شديده

شي ممكن يعينك في المذآكره بعد توفيق الله؟؟

النماذج والملخصات واول واخيرا التوكل الله وفعل المستطاع ،،

ترا الخطه حلوه بس يبغالها شدة حيل
بالتوفيق،،

[yaa rbb]

الله يسعدكم حبيباإآتي و يجزآكم خير

ويعين كل طآلبه ع خطتها الجديدده

الله لآ يضضيع لكم تعب