اللي درس ادارت خدمة صحيه ومستشفيات يدخل اريد استفسار

[المحبه في الله]

حبيت اسأل اللي درسوا هالقسم انا ورطت وسجلت وماني داريه صعب او سهل ؟ وايش وظايفه
يعني هو اسهل او التطوير الاداري
قرات انه التطوير الاداري ماله مسمى وظيفي في الوزارة اما ادارة الخدمه الصحيه فلها مسمى وظيفي اخصائي مساعد مدير مستشفى
نفسي احد يشجعني لاني سجلت
او اغير؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[النديم]

إذا انتي موظفة في مستشفى أو منشأة صحيه خلاص ادعسي وبالتوفيق ...

لكن إذا باقي طالبه فقط التنظيم والتطوير الإداري له أبواب وظايف أكبر من ادارة المستشفيات ..

وللإيضاح و الكلام هذا متأكد منه مدير المستشفى ليس مدير لأنه بكالوريوس إدارة مستشفيات ...

لأنه طبيب يعني دكتور...


وفيه ناس كثير ومنهم معارف معاهم بكالوريوس إدارة مستشفيات ويعملون موظفين في السجلات

والتقارير الطبية و الصادر والوارد و الوظائف الإدارية في المستشفى.

لكن ان كان قصدك خريج جديد ويمسك إدارة عشان بكالوريوس ما تجي الإقليل وفيها واااو في بعض الاحيان ..



وفي النهاية حسب ميولك تختاري ....

[المحبه في الله]

جزاك الله الف خير على التوضيح وان شاء الله احول حبيت استفسر منك اذا المواد سهله او صعبه

[النديم]

اهلين وسهلين وحيااااك ...

المواد متوسطة ....

عندك المواد الحساب مثل الرياضيات و المحاسبة و المحاسبة الحكومية و الاقتصاد الجزئي و بحوث العمليات

هذه المواد تبي فهم لكن الباقي تعتمد على الحفظ و مراجعة المواد اكثر من مرة وبإذن الله تمشي أمورك مثل العسل ..

وبالتوفيق ....

[Luotty hyuna♥..}]

الله يوفقنا وايااكم

[Mohammed Alhassan]

ادارة الخدمات الصحية والمستشفيات
بكالوريوس = أخصائي أساسي الراتب 8560 بدل نقل 700 الزيادة السنوية 410 غير البدلات الاخرى
ماجستير = أخصائي أول أساسي الراتب 10530 بدل نقل 700 الزيادة السنوية 440 غير البدلات الاخرى
دكتوراه = اخصائي استشاري أساسي الراتب 12645 بدل نقل 700 الزيادة السنوية 475 غير البدلات الاخرى

* مع العلم بأن هذا اول راتب أضافة بانه يحق له الجمع بالبدلات حتى 90% من أساسي الراتب المذكور

هذة هي المسميات الوظيفية لهذا التخصص ويمكن العمل كمدير مركز صحي مدير قسم مدير تمريض مساعد مدير او على حسب ما يكلفك فية رئيسك

[النديم]

المشاركة الأصلية كتبت بواسطة mohammed alhassan ادارة الخدمات الصحية والمستشفيات

المشاركة الأصلية كتبت بواسطة mohammed alhassan بكالوريوس = أخصائي أساسي الراتب 8560 بدل نقل 700 الزيادة السنوية 410 غير البدلات الاخرى ماجستير = أخصائي أول أساسي الراتب 10530 بدل نقل 700 الزيادة السنوية 440 غير البدلات الاخرى دكتوراه = اخصائي استشاري أساسي الراتب 12645 بدل نقل 700 الزيادة السنوية 475 غير البدلات الاخرى * مع العلم بأن هذا اول راتب أضافة بانه يحق له الجمع بالبدلات حتى 90% من أساسي الراتب المذكور هذة هي المسميات الوظيفية لهذا التخصص ويمكن العمل كمدير مركز صحي مدير قسم مدير تمريض مساعد مدير او على حسب ما يكلفك فية رئيسك

الله يعطيك العافية اخ محمد

على المعلومات اللي ذكرتها

لكن يشترط الخبرة وليست اقل من 3 سنين للتعيين لهذه الدرجة في الرواتب الاساسية.

بالنسبة للبكالوريوس .

بالنسبة للماجستير والدكتوراه هذه لها كادر مختلف عن البكالوريوس في نظام الخدمة المدنية

ونظام العمل السعودي ....

وبالتوفيق للجميع ....