حنين امام تقولي راجعي القائمة فالنت :(

[مليييت]

مسا الخير
حبايبي امس راسلت حنين الإمام وقلتلها ترسلي قائمة المواد الحرة المتاحة لنا يعني اللي نقدر نضيفها هذا الترم , لإنو في مشكلة انو لما ارتاح لمادة حرة معينة واقرر اني اضيفها تجي تقولي حنين انو مو متاح انك تضيفيها , فكنت منتظرة ايميلها
فاليوم ارسلتلي ايميل تقولي راجعي القائمة فالنت عزيزتي
يعني مااستفدت شي مارسلتلي اسماء المواد :( :(
فبليزز طلبتكم تساعدوني اللي تعرف المواد الحرة اللي اكييد ميسرة لنا هذا الترم تقولي وحدعيلها من قلبي , موعارفة من فين احصلها !
انا تخصص علم نفس ,, بالنسبة للمواد الحرة اللي في قسم التاريخ ماأبغى اعرفها لإني اكره هالقسم ومو ناوية آخد منه ,, بلييز ابغى اعرف اسماء المواد عدا قسم التاريخ وعدا قسم علم نفس لإنو تخصصي واكيد ماينفع تكون المواد الحرة من تخصصي صح ؟؟ ويهمني اكثر شي اعرف المواد الحرة حقت قسم الدراسات الإسلامية لإنو هذا القسم سهل بالنسبة لي ارجوكم

انتظركم // لكم دعواتي المخلصة

[ALOA]

والله دخلت على موقع الجامعة لقيتها نفسها ماتغيرت حقت السنة اللي راحت وكلوا كلام فاضي قال تقولي كل سنه نغير الماود الحرة الله المستعان شفيها هي اللي موجودة بالموقع موفقه

[مليييت]

شكرا عزيزتي تسلمين
استغربت انو المواد قليلة كنت متوقعة اشوف اقسام ومواد اكثر
أغلبها من التاريخ وانا اكره هالقسم
تم ارسال ايميل للأستاذة حنين لإضافة علوم القرآن , اتمنى اتو تتيسر وتضيفها لي دعواتكم بليز ..

[دفاا الروح]

أختي العزيزة أنا أخذت الورقة يلي فيها القائمة من وحدة الانتساب وأرسلتني إلى هذه الغرفة أستاذة حنين ...

قائمة أسماء المواد الحرة لطالبات الانتساب للفصل الدراسي الثاني
1432 - 1433
يعني بس من هذه المواد تقدرين تختاري المادة الحرة ..
وع فكرة / لازم تكون المادة الحرة من أي قسم من نفس كليتك ..

مواد قسم ( مادة التاريخ )...!!

* مادة تاريخ العالم القديم ..
* مادة سيرة نبوية ..
* مادة مناهج البحث العلمي ..
*مادة الدولة الاموية ..
* مادة المغرب والاندلس ..
*مادة بيزنطة وأوربا في العصور الوسطى ..
*مادة الايوبيين والمماليك ..
*مادة تاريخ الدولة العثمانية ..
* مادة المشرق العربي الحديث ..
* مادة تاريخ المملكة الحديث ..
* مادة تاريخ العلوم العربية الاسلامية ..
* مادة الحروب الصليبية ..
* مادة حركة الاستشراق ..
* مادة نصوص تاريخية بالغة الانجليزية ..
* مادة الدولة العباسية ..
مادة تاريخ الحضارة الاسلامية ..
* مادة أوربا عصر النهضة ..
* مادة مشرق عربي معاصر ..
* مادة تاريخ الولايات المتحدة الامريكية ..
* مادة اليمن والقرن الافريقي ..
* مادة الخليج العربي المعاصر ..
* مادة المغرب العربي المعاصر ..
*مادة تاريخ آسيا حديت ومعاصر ..
* مادة تاريخ اوربا حديث ومعاصر ..
مادة تاريخ المملكة والمعاصر ..

مواد قسم ( الدراسات الاسلامية ) ..!!
* مادة علوم القران الكريم ..
* مادة فقه السيرة ..
* مادة العقيدة الاسلامية ..
*مادة فقه العبادات ..

مواد قسم ( اللغة العربية ) ..!!
* مادة الاسلوب وتحليل النصوص ..

طبعا بس من هذه المواد تقدري تأخذون مادة حرة ..
......

وأنا أنصحك يا أختي العزيزة تأخذي مادة ( السيرة النبوية .خ. الراشدين )
الكل مدحهااا لي وأنا الان أخذهااا من قسم التاريخ ..

وبالتوفيق يآرب لك وللجميع ..

[مليييت]

دفا الروح الله يسعدك عالمساعدة قولي آمين
كنت حنزلها بس في ناس قالتلي دسسمة وكتابين ومانصحتني فيها
وكمان حسيت انو اللي حضيفهم اسهل
ضفت فقه العبادات مع منيرة + راسلت أ حنين تضفلي علوم القرآن مع مريم
وانا اصلا ماخذة الترم اللي فات اسيا مع ابتسام
اممم كنت حابة اضيف حديث شريف مرة يمدحوها بس مو متاحة مع اني متفاجئة اني اشوف عضوة هنا في المنتدى بتقول انو اضافتها ذا الترم مرررة انقهرت :@
بس يمكن هذا الخير لي
والله يختارلك الخير ويوفقك ...

[دفاا الروح]

المشاركة الأصلية كتبت بواسطة مليييت دفا الروح الله يسعدك عالمساعدة قولي آمين كنت حنزلها بس في ناس قالتلي دسسمة وكتابين ومانصحتني فيها وكمان حسيت انو اللي حضيفهم اسهل ضفت فقه العبادات مع منيرة + راسلت أ حنين تضفلي علوم القرآن مع مريم وانا اصلا ماخذة الترم اللي فات اسيا مع ابتسام اممم كنت حابة اضيف حديث شريف مرة يمدحوها بس مو متاحة مع اني متفاجئة اني اشوف عضوة هنا في المنتدى بتقول انو اضافتها ذا الترم مرررة انقهرت :@ بس يمكن هذا الخير لي والله يختارلك الخير ويوفقك ...

ويسعدك يا قلب دفا الروح ...
حبيبتي أنا أخذت هالترم مادة حرة ( السيرة النبوية .خ . الراشدين ) رمزها ورقمها
( hlst 221 ) مع أستاذة / نادية قربان والله الكل مدحهاا وتقول صح كتابين بس
موكلها معانا .. وغير كذا أسئلتها يقولون 100 سؤال صح كثيرة بس كل سؤال عليه درجة
أنا أشوف شئ حلووو يعني .. وأنصحك كأخت تأخذيهااا ... وع فكرة أنا أخذتها من مدح البنات لي
أنا للإن ما أعرف الاستاذة ولا شئ بس توكلي ع ربك و ربنا بيساعد إن شاء الله ..
وأنا جاهزة لعيووونك لوتبي أي شئ ...
وبالتوفيق حياتي ..

[ذوق]

انا اخذت سيره مع استاذه سمر الترم اللي راح
كنا مطالبين بالكتابين كلها وما فيه شي محذوف الا حاجه بسطيه جدا
انا اعتمدت على ردود البنات على انها ماده حلوة وسهلة ومعلوماتها
مره حلوة ومعروفه
للأسف من كثر المعلومات وتشابهها وكثر الاسئله يوم الاختبار
وتركيزها على معلومات مره دقيقه اخذت درجه ماعجبتني وماكنت اطمح لها
ندمت ندم قد شعر راسي لو اخذت ماده منهجها قليل كنت اقلها جبت درجه حلوة

اعذروني عالاطاله بس والله من الحرة
الله ييسر لكم الخير