تكفون فزعتكم يا طلاب التحضيرية بجامعة عبدالعزيز اخوك في حاجتكم وفق الله الجميع

[خريج ثانوي29-30]

بسم الله الرحمن الرحيم

أخواني وأحبائي طلبة السنة التحضيرية بالكليات العلمية الكرام

وفق الله الجميع

يطيب لي في اللحظة المباركة بأن أسجل وأشارك في هذا المنتدى وأسعد واتشرف بالسلام عليكم وبدء مشاركتي معاكم واستماعي لتوجيهاتكم السديدة ونصائحكم الموفقة بارك الله في جهودكم وحقق الله امالكم وبعد

أخوكم أبو تركي من خريجي الثانوية العامة لعام 1429-1430هـ بنسبة 89.68% بتقدير جيد جدا وحصلت على أعلى درجة في القدرات 82 واختبارات التحصيلية 66 من دون مذاكرة ولله الحمد طبعا لأني كنت أيآم الثانوية دجة * دجة وسجلت قبل ثلاث سنوات وانقبلت في كل الجامعات تقريبا إلا الملك سعود والملك فهد لم انقبل فيها إلا المسار الإداري بالملك سعود ولكن حظي الغبر حط بي الرحال في الهندسة المدنية من دون تحضيري في الملك خالد بأبها ودرست فيها ترمين وتعرضت لظلم لا يعلم إلا الله وتركتها وسجلت في الملك سعود بالرياض طالب منتظم بالسنة التحضيرية الإداري ولكن أنا حلمي ان أكون في الكليات العلمية ولذلك سحبت الملف وتركتها والآن الحمد الله بس بعد ما فاتني التسجيل في جميع الجامعات لهذه السنة الحالية وأنا ناوي اسجل في الصيف الجاي ان امهلنا الله في العمر في الملك عبد العزيز ولكن عندي بعض العقبات وهي انتهاء مدة اختبارات القدرات والتحصيلي بس راح اسجل في هذا الفصل وخايف اتوهق ما اجيب النسبة المطلوبة في الاختبارات الجاية لان ما عندي إلا فرصه واحدةولا ادري وش تشورون علي بأفضل المراجع لمن جرب وحصل على الدرجات العالية لا حرمكم الله الاجر لكذا الاختبارات (القدرات - التحصيلي )لأني حاليا فاضي ما عندي اي شغلة تشغلني وودي تساعدوني تكفووون والله اني في حال خايف لا يضيع مستقبلي واتمنى أن اقوي مهاراتي باللغة الانجليزية لاني ضعيف بالحييل فيها ما عندي تأسيس قوي ولا اعرف وش الكتب والمراجع للانجليزي اللي تنصحوني بها لمن جربوسلامتكم جميعا وتحياتي لكم واسال الله ان يوفقكم ويفرحكم بما تتمنون ولا تنسوني من الدعاء والمشورة واتاسف على الاطالة وامل منكم ان ترفعوا الموضوع باستمرار لفائدة المرجوة بإذن الله ولاني ناوي ابدا من الاسبوع الجاي

تحياتي لكم

وشاكرا ومقدرا لكم