اقسسام كلية الاداره والاقتصاد طلاب وطالبات التحضيري افيدونيي

[RAWAN^_^]

السسلام عليكم ورحمة الله وبركاته

اكييد بتستغربون حطيت الموضوع هنا

انا بصراحه محتاره ايش افضل واحسن قسم في كلية الاداره والاقتصاد من ناحية التوظيف !

بسس عششان شفت رد لطالب هناا كاتب انو افضل قسم في الاداراه والاقتصاد

( نظم آلمعلومآت آلآدآرية) !! بسس لما بحثت في المنتدى في اقسام كلية الاداره والاقتصاد مافيه ذا القسم فيييه قسم الانظمه هل هوا نفسسه !!

او امكن له مسمى اخخر ؟ افيييدوني واللي عنده رابط موضوع يفيدني اكثر يحطه

[esraa.kh]

السلام عليكم..
على حسب الكلام اللي قالوه في اليوم الارشادي والبرستيشن اللي عرضوه (نفس البروشور اللي ادونا هاوا) انو اقسام الاقتصاد والادارة للعلمي هي:
1- نظم معلومات ادارية
2-تمويل
شروط الالتحاق: اجتياز جميع متطلبات السنة الاولى بنجاح + ان لايقل معدل الطالبة عن 4 + الافضلية للمعدل الاعلى وفقا للطاقة الاستيعابيه
3- ادارة اعمال
4- ادارة خدمات صحية ومستشفيات
5- موارد بشرية
6- تسويق
شروط الالتحاق: اجتياز جميع متطلبات السنة الاولى بنجاح + ان لايقل معدل الطالبة عن 3.50 + الأفضلية للمعدل الأعلى وفقا للطاقة الاستيعابيه

وأقسام الأدبي:
1- ادارة عامة او اعمال ماأدري
2- الأنظمة (قانون) وماأدري اذا هادا القسم متاح للعلمي ولا لاء لسسسسا قاعده أسأل اذا اي احد عندو الجواب الشافي الاكيد اذا قسم الانظمة متاح للعلمي ولا لاء؟؟؟ ياليت يدينا خبر..

وهوا دا اللي اعرفوو.. اتمنى تكوني استفتدي والسلام عليكم

[جيزان]

وعليكم السلام ورحمه الله وبركاته

شوفي يااختي اقسام كليه الادارة والاقتصاد مااعرفها تمام ولا ابغى افتي لك فيها

بس بنت خالتي تدرس ماستر في الادارة والاقتصاد وبتقول افضل تخصص ( ادارة اعمال مسار الموارد البشريه ) هذا جدا مرغوب عندنا
بحثت لكي في موقع الجامعه نفسه ولقيته شوفي الرابط
http://business-administration.kau.edu.sa/content.aspx?Site_ID=120001&lng=AR&cid=44943

بس كيف طريقه التخصص وكيف تختاري المسار ؟؟؟؟ مااعرف للاسف اسألي طلاب الكليه افضل

ثاني تخصص بصراحه انا اشوفوا مطلوب في شركات ومستشفيات وللامانه دايما لما اتصفح جرايد بلاقي مكتوب هذا التخصص ( محاسبه ) جدا مطلوب
قبل فترة كان مطلوب في مستشفى الحرس الوطني وظائف بكالريوس محاسبه بشرط التوفل برواتب والله 12 الف يعني كمان افضل من الصيدله والعلوم الطبيه !
اذا كان عقلك حسابي وتحبي الماث ادخلي محاسبه
وقبل كل الاستخارة واسألي كثير وشوفي رغبتك فين ؟؟ وفين راح تبدعي ؟؟
وحطي في بالك لازم تتخرجي ومعاكي لغه كويسه لانه صدقيني لو تتخرجي باحسن تخصص ومعدل 5 من 5 ومااعندك توفل مااحد راح يطالع فيكي ! لانه كل الوظائف تطلب لغه قبل التوظيف ومقابله شخصيه وسيرة ذاتيه انجلش سواء كنتي حاسب او ادارة او علوم

وبرجع اقولك الاستخارة ثم الاستخارة
واسألي في منتدى الادارة والاقتصاد اكيد هما عندهم معلومات افضل مني

والله يكتب لك اللي فيه الخير

[اجلس في البيت يعني؟]

طيب اش تنصحوني كليه اداره واقتصاد ولا كليه العلوم ؟؟ محتاااره

[ططال عمري]

آختي آتوقع آنآ آللي تقصديني يوم قلت آفضل قسم هو نظم المعلومات الاداريةة =)

صحيح لآن آختي متخرجة منه و موظفة و لله آلحمد =)
و كآن تخصصهم مرغوب
و كان هو من ضمن تخصص دارج تحت ( إدارة آلآعمآل )
و لكن فصلوه و خلوهه قسم لوحدهـ ..و قآلوآ آنو بعدين بتصير كلية لوحددهآ ( قآبليني بس 25 سنة )
و عندك طذآ تخصص ممتآز بـ آلكلية :
آدآرة آعمآل و كمآن آلمحآسبة و آلآقتصآد < هذي اللي اعرفهم انهم كويسين و مطلوبين
و آنصحكك بـ كلية آلآقتصآد و آلآدآرة دآم ميولك بين حضولي الاثنين .. =)

[Gh.Doodi]

انا اشوفل كلية اقتصاد و ادراة افضل بكثير من كلية العلوم
كلية العلوم كلية مستهلكه من حيث المواد و حتى الوظايف
اما كلية اقتصاد و اداراة تقريبا كل اقسامها مرغوبة و تلاقي وظيفة في كل مكان ( مستشفى ,شركة, وزارة , مدرسة .. الخ )

[_OCTOBER]

في الاقسام العلمية افضل التخصصات (للبنات) بناء على
المعدلات المرتفعة في القبول , وصعوبة المواد , والمستقبل الوظيفي
نظم
محاسبة
تمويل

بالنسبة للاولاد
محاسبة
تمويل
نظم

واسوء التخصصات
اقتصاد , تسويق والتخصصات الاداريه في الكلية

ه

[ططال عمري]

^

آختي على أي آسآس حطيتي آلآقتصآد من أسوأ آلآقسسآم ؟!

[_OCTOBER]

^
على اساس الطلب الضعيف ع التخصص .
وعلى اساس انهم راح يقفلو وينقلو الى رابغ .
و على اساس انه مو مصنف ضمن التخصصات العلمية التي سوف يتم اعتمدها اكاديميا .

في الخارج يعتبر التخصص من الاقسام العريقة والمرتبطة ارتباط قوي بالادارة
ولكن للاسف عندنا الكلية مهملته جدا .

[ططال عمري]

^

آولا آسف لـ آني تكلمت بـ صيغة آنثى .. آلعتب ع آلنظر

ثآنياً بـ فرع رآبغغ مآفي كلية الاقتصاد و الادارة =)
و على حسب علمي رآح تنفصل من جامعة الملك عبدالعزيز كلياً و تصير كلية مستقلة لوحدهآ ...
و آلطلب حسب مآ آنآ شآيف مرغوب و لكن مو بـ قد آلنظم & آلمحآسبةة =)