ادعوا لي بالشفاء العاجل

[أبو طلال22]

السلام عليكم ورحمة الله وبركاته

وانا راجع يوم الخميس من جدة الى الرياض كان باقي على الرياض 260 او 280 كيلو قبل مخرج الرويضه قابلني كفر تريلة يسمونه ليات وانا مسرع كنت مشتااق حيل لامي وعيالي صار لي 20 يوم ماشفتهم المهم حاولت ابعد عن الكفر وصدمته مع الطرف واختل توازن السيارة واكلت ثلاث قلبات على الردمية والحمد لله نزلت من السيارة وسجدت سجود الشكر لله على اني قدرت انزل من السيارة طبعاً وقتها منلخم مدري ويني فيه اجتمعوا عندي شباب الله يجزاهم خير ماقصروا قالوا جب اغراضك المهمة قلت اهم شي الجوال والمحفظه ودورناها وبشق الانفس حصلناها

وانا ادور الجوال والمحفظة لقيت الآلة الحاسبة واخذتها حطيتها في جيبي واتذكر بحوث العمليات واقول بنفسي حاملها حاملها مافيها نقاش ودوني لمستشفى الرويضه قالوا عطنا جوالك ومحفظتك
واعطيتهم اللي في جيبي كله ومعها الالة ضحكوا اخوياي بعد ماجوني

طلعت من مستشفى الرويضه وعلى طول لمستشفى الملك فهد وفحوصات كاملة والحمد لله سليم طلعوني بعد 7 ساعات تقريبا وقالوا يبيلي راحة جسمي كله كدمات والم بالظهر والارجل والحمد لله على كل حال
بس انبه كل الشباب من كفرات التريلات

وابشركم عديت بحوث العمليات 60 وكاني ماخذ 100

[باسكوبان]

الحمد لله على سلامتك وماتشوف شر

[مشوار طويل]

حمدلله على سلامتك

والله يعوضك خير

وقدامك العافيه إن شاء الله

[أبو طلال22]

المشاركة الأصلية كتبت بواسطة باسكوبان الحمد لله على سلامتك وماتشوف شر

الله يسلمك مايجيك الشر يالغالي

[وطفه]

الحمد لله في كل الامور .. أسأل الله لك الشفاء والأجر على صبرك

وان يجمعك الله بمن تحب في أعلا الجنان . .

[أبو طلال22]

المشاركة الأصلية كتبت بواسطة مشوار طويل حمدلله على سلامتك والله يعوضك خير وقدامك العافيه إن شاء الله

الله يسلمك ويطول عمرك

الحمد لله على كل حال

[abu-lean]

حمد لله على السلامة معوض خير ان شاء الله

[شهبندر]

ابو طلال الف الحمدلله على سلامتك .. انا كنت على نفس الخط مشيت الخميس بعد اختبار قراءات إداريه وشفت بطريقي تقريباً 3 حوادث آخرها فعلاً قبل الرويضه واذا ماني غلطان كانت هونداي اكسنت بس مو متأكد جيت بوقف لقيت الناس سبقتني ومشيت ودعيت لصاحب الحادث بالسلامه .. بس مادري واجهت العج اللي عند الحوميات شي مو طبيعي كنت امشي 40 ومو شايف اللي قدامي بس ماوقفت مشتاق للنتيفه ولدي :) .. والف مبروك ياصديقي على النجاح والحمدلله على سلامتك وقرت عينك بشوفت امك وعيالك ..

[ابو ريناد 2]

الحمد لله على السلامه يا ابو طلال اجر وعافيه ان شاء الله
اللهم رب الناس أذهب البأس أشفه يا شافي لا شفاء إلا شفائك شفاء لا يغادر بعده سقما
اللهم رب الناس أذهب البأس أشفه يا شافي لا شفاء إلا شفائك شفاء لا يغادر بعده سقما
اللهم رب الناس أذهب البأس أشفه يا شافي لا شفاء إلا شفائك شفاء لا يغادر بعده سقما
اللهم رب الناس أذهب البأس أشفه يا شافي لا شفاء إلا شفائك شفاء لا يغادر بعده سقما
اللهم رب الناس أذهب البأس أشفه يا شافي لا شفاء إلا شفائك شفاء لا يغادر بعده سقما
اللهم رب الناس أذهب البأس أشفه يا شافي لا شفاء إلا شفائك شفاء لا يغادر بعده سقما
اللهم رب الناس أذهب البأس أشفه يا شافي لا شفاء إلا شفائك شفاء لا يغادر بعده سقما
اللهم رب الناس أذهب البأس أشفه يا شافي لا شفاء إلا شفائك شفاء لا يغادر بعده سقما

[Legend0]

الف لاباس عليك اخوي ابو طلال .... الحمدلله على سلامتك
وربي ماضيع جهدك الحمدلله نجحت في البحوث والجايات احسن

يرحم والديك ترى فيه طياره ..... صاحي تمشي 1200 كيلو بالسياره