وضع مزري .. " فضفضه "

[نضال]

العيد ..

يجتمع الناس و يطلعوا .. يروحو المطاعم .. يروحوا البحر .. يروحوا الملاهي ...


الا الشباب ...

المطاعم للعوائل فقط .. البحر .. للعوائل فقط .. الملاهي للعوائل فقط !!!

لمتى ؟؟

لمتى ننحرم من حريتنا و من احقيتنا في التواجد في كل مكان يتواجد فيه البشر ؟؟


لمتى ننحرم من احقيتنا في الحصول على ترفيه بريئ .. و نتعامل فعلا كشريحه تمثل غالبيه المجتمع ( 60%) ؟؟


اسئله كتيرة خطرت على بالي و انا انطرد من تلاته مطاعم على نفس الشارع .. و السبب بسيط ..

ما معايه انثى !!

كل اللي معايه هم شباب من نفس عمري .. و بالتالي , انا مالي الاحقية اني ادخل اي مكان يحق للبشر دخوله ...

افتكرت قانون التفرقه العنصرية ضد الزنوج في الولايات المتحدة الامريكية ... " لا يحق للكلاب و الزنوج دخول هذا المطعم "!!


اتمنى .. و فعلا اتمنى .. ان تضع حكومتنا ادام الله عزها حد للتفريق اللي يمارس ضدنا كشباب ..

فهل يصل صوتي لاصحاب القرار؟؟؟!!!

[سعوديه وافتخر]

اخ نضال احب اقول شيئين
اولا :الوضع مو زي منت مصوره هناك الكثير من الاماكن الي ممكن يروحو لها الشباب
ثانيا : انتو الي سبتو هذا لنفسكم او البعض منكم يعني الوحده فينا تروح السوق محتجه لشي لازم تاخذلها تعليق ولا تقول بس الفتيات المتبرجات الشباب ما يفرقو بين التحجبه والي لا

[caramella]

طيب مافيها شي لو رحت مع اهلك
يعني عائلة

[نضال]

المشاركة الأصلية كتبت بواسطة سعوديه وافتخر اخ نضال احب اقول شيئين اولا :الوضع مو زي منت مصوره هناك الكثير من الاماكن الي ممكن يروحو لها الشباب ثانيا : انتو الي سبتو هذا لنفسكم او البعض منكم يعني الوحده فينا تروح السوق محتجه لشي لازم تاخذلها تعليق ولا تقول بس الفتيات المتبرجات الشباب ما يفرقو بين التحجبه والي لا

الاخت سعوديه .. هذا الوضع انا عايشته و احتكيت فيه عن قرب .. و انتي لانك بنت طبيعي انك تقولي انه هناك الكتير من الاماكن اللي ممكن يروحوها الشباب في الوقت اللي كل دي الاماكن عباره عن شوارع !! و بعد الفلفة في الشوارع تطلع لنا اصوات تقول ان الشباب ما عنده شغله غير الدشره في الشوارع !

ثانيا : الاسواق في رمضان تشهد على انه ماهو بس الشباب اللي بتطلع منهم تجاوزات , حتى البنات بتطلع منهم تجاوزات ولا اعتقد ان الشاب فينا اذا شاف وحدة متغطيه راح يجري وراها و ياذيها ..

الان صاروا البنات يعاكسو الشباب و ياذوهم و دي ياما حصلت قدام عيني ! و غالبا ما يكونوا مجموعه بنات مع بعضهم ...

فالمفروض .. و بما انه الدخول مقتصر على العائلات ..

زي ما ينحرم الشباب لحالهم من دخول المطاعم و هم بدون عوائلهم .. يحرم البنات من دخول المطاعم و هم بدون عوائل ..

دا اذا كنا بنفكر من منظور ان المنع هوا وسيلة جيدة ..

لا تساليني هو وسيلة جيدة للتأديب ولا للحفاظ على العادات ولا القيم ... لاني اصلا ما اعرف ليش بالضبط


كرميلا .. شكرا على المشاركه

[ليدر أستوديو هبقات]

أنا بأقلك شي يا نضال

كلامك منطقي

لكن إنت فكر فيها

البنات اللي في الرياض واللي إتعرضوا لأذية الشباب

كانوا متحشمات

لكن شبابنا ما يفرق

قبل 4 سنوات البنت اللي في البحر

في أيام العيد جردوها من لبلسها أمام الناس

ايضا من الشباب

فأصبح عند الناس فكر وإنطباع وهو

ألغي دخول الشباب ولا أطيحلي بكره في مشكله

ولكن أيضا الشباب المحترم له وزنه وله تقديره

الحمد لله لم أرد في حياتي لأني عزابي

أنا لأ أقصد أنك غير محترم ,انا ممكن أكثر شخص يعرفك في المنتدى وياليت شباب المنتدى زيك

لكن صار عند الناس نظره عامه

وحكم جاحد بأن أي شاب مثلا يردتي بدله أو يحلق لحيته مو محتر

حتى أنا لمن أحيانا ً أخرج وأنا لابس بدله أشعر بإحتقار الناس سواءً في إشاه مرور أو في مكان عام أو أي شي

يعني الموضوع تراكمي

وما ينحل بهذه البساطه وهو في التعقيد أشبه بقيادة المرأه للسياره

فشرعا ليس حرام لكن فيه مشاكل يجب حلها تدريجا

وأنا أقلك هي بصراحة

خمسة سنوات إذا ما شفت الوضع إتغير 180 ما أكون ليدر

ما أقصد للأحسن أو الأسوء

لكن أقصد أنه حيصير بكره غير اليوم

الله يعين الشباب

دائما هم الغلطانين

والبنت تخرج من جرير تظحك ولا كأنه صار شي

شكرا نضال

وآسف على الإطاله

[bent mankoosha]

انا اشوف نضال معاه حق

خصوصا حكاية الاسواق
الولد يمكن انه يتيم
يمكن انه عايش لوحده في البلد
يصاحب عشان يروح يشتري؟
لا طبعا
غلط ما يتعالج بغلط
بعض الاسواق بتخلي الشباب في وسط الاسبوع مسموح ليهم الدخول
طب اللي احتاج شي ضروري في الخميس؟
ايش يعمل؟
اوكي يا كتر الناس البطالة
و في الزمن دا البنت بطالة قبل الولد و محد ينكر الشي دا

حتى الملاهي
بإمكانهم يخصصوا ايام للشباب من حقهم يرفهوا عن نفسهم

و على حكاية المطاعم مشي حالك يا نضال شي اهون من شي

انا دا رأيي
و معليه لو اني شديت في الكلام بس بجد لفتني الموضوع

سلام

[NeMo]

ممكن اكون في صف نضول؟؟


طبعا ممكن اخويا وعشرة برضك

خخخخخخ




معاك انا يا نضال في اغلبية طرحك



شوفوا ياجماعة


انا بنت وحيدة بين تلاتة اولاد واعرف الاولاد الى حد ما مرة كويس_عالاقل اللي اعرفهم معرفة شخصية_

واكيييد مش كل الشباب زي كدا


في شباب ياعيني عليهم زي الفل

اخلاق وجمال وادب وشطارةوكل شي

وتراهم متروسين ومليانيييييين بس للاسف الشر يعم والخير يخص.

اسمحولي في نقطة المعاكسات والتعليقات


الحمدلله يارب ولا عمري في حياتي وان شاء الله ولاعمري اتعاكس

هيا مرة وحدة وكنا مع ماما

خخخخخخخخخخخ


وكنت اولى متوسط يعني هبل


سعودية عزيزتي: ترى صح في اوباش ماتفرق بين المايعة واللي مش مايعة بس صدقنيي



اذا كانت المبادرة منو, فالتطنيش منك هوا السلاح الاوحد

ولاتردي ولابنص كلمة ولاحتى بحركة او صوت


خليه لما يتنيل ينبح صوتو


مشكلتنا في التعميم في كافة امور حياتنا


شبابنا خربان.... مو شبابنا دول واحد منهم حيصير زوجك في يوم ما؟


بناتنا مسخرة.... مش يوم حيجي وحتصير ام اولادك وحدة من دي البنات؟؟


جامعتنا مدري كيف.... ليه قاعد فيها؟؟ ماتروح اكسفورد ولاهارفرد ولا ستانفورد؟؟



وقس على ذلك كل شي


انا مع انو لازم يكون في متنفس عادي وطبيعي لكل الناس بغض النظر ايش هوا مع عيلة ولامع اصحابو


واللي يغلط, يتعاقب



يعني ببساطة


تنقلب الامور وترجع للوضع الطبيعي



كلنا بشر لنا حق ناكل ونشرب ونتمشى ونتسوق على راحتنا واللي تصدر منو حركات منافية يتعاقب علنيا عشان يحرم.




ياهو محنا بنسافر وبنروح لبلاد فيها مولات وملاهي ومطاعم وكل شي


سبحان الله فيها ناس كمان ترى!!!!


اللي يبغى يتعاكس الله معاه


واللي محترم ياناس عليه




ايش مشكلتنا طيب؟؟؟



محنا زي بقية البشر؟؟؟



شكرا نضول عالفضفضة والله يوفقكم .


سلام

[NeMo]

ممكن اكون في صف نضول؟؟


طبعا ممكن اخويا وعشرة برضك

خخخخخخ




معاك انا يا نضال في اغلبية طرحك



شوفوا ياجماعة


انا بنت وحيدة بين تلاتة اولاد واعرف الاولاد الى حد ما مرة كويس_عالاقل اللي اعرفهم معرفة شخصية_

واكيييد مش كل الشباب زي كدا


في شباب ياعيني عليهم زي الفل

اخلاق وجمال وادب وشطارةوكل شي

وتراهم متروسين ومليانيييييين بس للاسف الشر يعم والخير يخص.

اسمحولي في نقطة المعاكسات والتعليقات


الحمدلله يارب ولا عمري في حياتي وان شاء الله ولاعمري اتعاكس

هيا مرة وحدة وكنا مع ماما

خخخخخخخخخخخ


وكنت اولى متوسط يعني هبل


سعودية عزيزتي: ترى صح في اوباش ماتفرق بين المايعة واللي مش مايعة بس صدقنيي



اذا كانت المبادرة منو, فالتطنيش منك هوا السلاح الاوحد

ولاتردي ولابنص كلمة ولاحتى بحركة او صوت


خليه لما يتنيل ينبح صوتو


مشكلتنا في التعميم في كافة امور حياتنا


شبابنا خربان.... مو شبابنا دول واحد منهم حيصير زوجك في يوم ما؟


بناتنا مسخرة.... مش يوم حيجي وحتصير ام اولادك وحدة من دي البنات؟؟


جامعتنا مدري كيف.... ليه قاعد فيها؟؟ ماتروح اكسفورد ولاهارفرد ولا ستانفورد؟؟



وقس على ذلك كل شي


انا مع انو لازم يكون في متنفس عادي وطبيعي لكل الناس بغض النظر ايش هوا مع عيلة ولامع اصحابو


واللي يغلط, يتعاقب



يعني ببساطة


تنقلب الامور وترجع للوضع الطبيعي



كلنا بشر لنا حق ناكل ونشرب ونتمشى ونتسوق على راحتنا واللي تصدر منو حركات منافية يتعاقب علنيا عشان يحرم.




ياهو محنا بنسافر وبنروح لبلاد فيها مولات وملاهي ومطاعم وكل شي


سبحان الله فيها ناس كمان ترى!!!!


اللي يبغى يتعاكس الله معاه


واللي محترم ياناس عليه




ايش مشكلتنا طيب؟؟؟



محنا زي بقية البشر؟؟؟



شكرا نضول عالفضفضة والله يوفقكم .


سلام

[وفاء]

طيب أنا أحياناً أحتاج أرسل السواق يرد لي قطعة للمحل و ما يدخل السوق عشان ( مو عوائل ) !!

لا و الله بجد ..

كلنا متفقين ( شباب و بنات ) على أن الجنسين مو ملائكة

بس الشائع من زمان الزمان إن الشباب منهم الخراب و الطبيعي ( كونياً ) إنهم هم اللي يعاكسوا و يرموا كلام أو نظرات ( وأحياناً يرموا ورق )

بس في السنتين الأخيرة البنات غاروا و قالوا ليه إحنا كمان ما لنا حق نعجب الشباب و نعاكس ؟!
و بدأت فنون البنات بمنطق ( يتمنعن وهن راغبات)
يعني مستحيل مستحيل الوحدة تكون مطقمة لون الشنطة مع الجزمة ( الله يكرمكم ) مع لون الكريستال اللي تارس عبايتها كأنها نجفة و كل هذا تبارك الرحمن متناسق مع لون المكياج و بعدين ما تبغى قبيلة شباب تعاكسها ، هذا بغض النظر عن العباية اللي ما تحتاج حزام عشان تمسك على خصرها !!

و الله قبل يومين شفت منظر فتاااااااااك .. بنت طالعة من سيارة لكزس محترمة ( السيارة طبعاً مو البنت ) و العباية مللليانة كريستال و العباية حرام فيها كلمة ( مخصرة ) لأنه الظاهر مفصلينها على مقاس أختها الصغيرة ، و الشعر قصير آخر موديل و فوووووووووووووشي .. و الله صابغة شعرها فوشي و تسريحة كأنها طالعة من صالون مع full makeup
دخلت السوق و الكل يطالع فيها حتى حراس الأمن و هي ماشية تترقص مختالة بنفسها ، المفروض حراس الأمن اللي طارت عيونهم عليها يمنعوها لأنها من جد من جد فتنة للي في السوق ، بس زي ما قلنا القانون الكوني و الأزلي إن الشباب هم مصدر الخراب .
بس كمان يا نضال الصراحة الشباب مصخوها ، يعني مثلاً سوق البساتين و الله الشباب فيه أكثر من البنات و باااااااين إنهم جايين يلقطوا رزقهم.
و سوق حراء أقرف أمشي فيه من كثر الشباب اللي برضو جايين بحجة يتسوقوا و هم ماشين ( شلل ) و بدل ما يمشوا على جنب يمشوا في نص السوق !
أيام الرسول صلى الله عليه و سلم كان الرجال و الحريم يمشوا في سوق واحد بس الحريم كانوا يلزموا جانب الطريق عشان لا يمشوا جنب الرجال ، الآن و الله و الله أنا حاولت أطبق الشي هذا مرة في سوق حراء كل شوية يطلع لي شباب ما أدري من فين لما اتنرفزت و قرفت و كرهت السوق كله.
أنا مثلاً أكره إني لما أمشي إنه شاب يخبط فيا لو بالغلط ، الآن الشباب من كثر ما يشوفوا بنات و يسافروا و عاااادي في الدول الثانية إنهم يدقوا في أكتاف بعض في الزحمة صاروا لما يجوا هنا يحسبوا نفسهم برا و كل شي المفروض يكون عاااااادي و إيييييزي .
و بعدين بالله عليك قول لي فين العوائل تتمشى عشان أروح أتمشى زيهم ؟ ما في إلا أسواق و مطاعم و فرش على البحر ، الأسواق متروسة شباب ( معقول كل هذول جايين مع عوائلهم ؟ ) و المطاعم و المقاهي و محلات البلياردو من أقل مستوى لأرقى مستوى فيها قسم مخصص للشباب ، و على البحر ياما شفت جلسات كلها شباب و فيه الدبابات و جلسات الشوي و ما إلى ذلك . فيه شي غير كذا ؟ ما في إلا الملاهي و هذي - لا تزعل مني - ما أظنك تبغى تدخلها
ياسيدي كلها يومين و الجامعة تبدأ و ما راح تلاقي وقت تتمشى

قال فضفضة وأنا ما صدقت <<---------

تحيتي ..

[الشاكي]

أنا أقولها بكل صراحه هنا


أنا إذا جيت بأروح أتمشى طبعاً في هذي الأيام عشان الجو برى طيب

أروح مع العيال للمشى ولا الكوره الأرضيه ولا أي مكان ( شارع )

لكن إني أحرج نفسي وأنطرد وممنوع ما أدخل

أنا أروح مع واحد من أصحابي مشكبل ثلاثه أرباع السكيوروتيه في البلد

في الآيس أروح معاه الصيرفي أروح معاه حتى بعض الملاهي أروح معاه

ليه مشبكين السكيوروتي

خلاص شبك السكيوروتي ويمشي حالك

انا مشبك لي سكيوروتي في الجامعه ويطلع لي تصريح دخول

هيا أش تبغى أكثر من كذا


قاعد

شبك تمشي