للي قدمو إعفاء وعندو مشكله في بياناتو يتفضل هنا

[(وجدان)]

السلام عليكم ورحمه الله وبركاته

زي مانتو عارفين انا قدمت إعفاء وطلعت بياناتي غلط وماكملتها وعالطول
أرسلت البيانات
طبعا ما قدرت أغير شي عن طريق الموقع
فقررت اليوم اروحلهم وأيدهم العين الحمرا حقت مشكلتي
رحت لعماده خدمه المجتمع وكالعادة جامعتنا الحبيبة تتمرمطي لين ماتحصلي الشي
اللي تبيه اروح عند وحده وتقولي مؤ عندي وتوديني عند تانيه وعالحال ده
ونا خلاص مرره عصبت للمشكله كلهم يقولو روحي عند التقنيه وهيا تعدلك
اروحلها تقول مؤ عندي تستهبل معايا واروحلكم عند المسؤوله المديره حق الإعفاء
تقولي مافي تعديل ايش نعملك ؟؟ خلاص هيا فرصه وحده أقولها ايش اعمل البيانات ماتكملت
بس اسمي ورقمي اللي أرسلت في البيانات
وجات صرفتني وقالت تعالي بعد 15 يوم في تقديم يدوي
ونتي وحضك << واضح التصريف

وخلاص انا طفشت مرررره وقلت حرجع البيت ايش المرمطه دي
وجيت أشوف في غرفه التقينه رقم الغرفة 319
أشوف الاسماء الاقس اسم وحده اسمها ريم واطالع لقبها ألاقيها من جماعتنا اصلها حضرمي قلت أكيد حتساعدني
قلت خليني اسأل عنها وجيت لقيت أستاذه سألتها وين ريم ؟؟ قالت انا ريم
وشرحت لها كل شي وأبا اعدل بياناتي
وجات عدلتلي طلبي ومررره انبسطت
وما شاء الله عليها أخلاق
اللي تبي تعدل تروحلها
وقالت لي انتظري الفرز حيكون بعد تلات أسابيع او اسبوعين حتجيكم رسائل


وبس