اكيد الامر ماهو لعبة لان الروح ان ذهبت لن تعود ... السرعهــ الى اين

[اوراق ملونة]

السلام عليكم ورحمة الله وبركاته

align]

بسم الله الرحمن الرحيم


الموضوع بكل بساطة هو المعاناة اللي تحصل لنا عند كل خروج من المنزل واضح طبعا السرعه والتهور في السواقة الى متى ..!!!!!!!!!


يا قوم انا اشوف اننا في مشكلة حقيقية وفتحت الموضوع عشان اعرف الكل بيعاني ولا انا مكبرة الموضوع وعادي جدا مجرد كل يوم حوادث اقلها خسارة في حديد السيارة واقواها مغادرة الحياة في اقل من ثواني !!!!!!




اسيبكم مع بعض التقارير اقل مايقال المخيفة ..

انباؤكم - الرياض :
سجلت السعودية أعلى نسبة وفيات في حوادث الطرق على المستويين العربي والعالمي، حيث وصل عدد الوفيات إلى 49 وفاة لكل 100 ألف من السكان، حسبما ذكرت وكالة الأنباء السعودية "واس".

قالت منظمة الصحة العالمية: "إن الحوادث المرورية تتسبب في مقتل أكثر من مليون شخص سنوياً، وتصيب ثمانية وثلاثون مليون شخص (خمسة ملايين منهم إصابات خطيرة)".

وكشف تقرير إحصائي للإدارة العامة للمرور في السعودية، أن عدد الحوادث المرورية التي وقعت خلال العام قبل الماضي بمختلف مناطق ومحافظات المملكة بلغت أكثر من 485 ألف حادث، راح ضحيتها 6485 شخصاً، أي بمعدل 17 شخصاً في اليوم الواحد.

وقال التقرير: "إن عدد المصابين من جراء تلك الحوادث بلغ أكثر من 36 ألف مصاب، وبلغت نسبة الحوادث الجسيمة 5 بالمائة من إجمالي عدد الحوادث، وهناك 13 حالة وفاة لكل ألف حادث


تركزت أسباب الحوادث المرورية وفقاً لمنظمة الصحة العالمية، عند القيادة بحالة التعب والإرهاق، والانشغال عن القيادة مثل استخدام الهاتف، وعدم التقيد بأنظمة المرور، والتهور في القيادة، عدم صيانة السيارة وفحصها، وأحوال الطريق من أعمال على الطريق ومنحنيات خطيرة وعدم وجود عوامل السلامة، وأحوال الطقس من أمطار وضباب ورمال.

وقال تقرير للإدارة العامة للمرور في مارس/آذار 2009: "إن السعودية شهدت 4.3 مليون حادث سير خلال الـ 19 عاماً الماضية نتج عنها 86 ألف وفاة و611 ألف إصابة".

وأضاف التقرير: "إن 85 بالمائة من حوادث السير في السعودية تعود إلى أخطاء بشرية من قبل السائق، نتيجة لارتكابه إحدى المخالفات المرورية، في حين يخرج 7 بالمائة من المصابين من المستشفيات وهم يعانون شكلاً من أشكال العجز بشلل رباعي أو نصفي".

وأوضحت ورقة علمية ألقيت خلال اللقاء العلمي الذي نظمته مدينة الملك عبد العزيز للعلوم عن السلامة المرورية العام الماضي، إلى أن مناطق مكة المكرمة والرياض والمنطقة الشرقية في مقدمة ترتيب حوادث المرور لكل ألف شخص خلال الفترة من 1990 حتى 2008.

فيما احتلت منطقة الحدود الشمالية ومنطقة الجوف ومنطقة تبوك المراكز الثلاثة الأولى من حيث عدد المصابين نتيجة لحوادث المرور، فيما سجلت منطقة الباحة أكثر أعداد المتوفين تليها منطقة الحدود الشمالية ومن بعدهما منطقة الجوف.

وحذرت الدراسة من بلوغ رقم الوفيات 4.2 مليون شخص سنوياً في العام 2030، لتصبح هذه الظاهرة خامس سبب للوفاة على المستوى الكوني في حال لم يتم اتخاذ التدابير المناسبة.




انا فعلا اصبحت اشعر الخروج من المنزل اصبح شي مخيف والله مجرد تاخير احد من الاهل وهو خارج المنزل تبدا على طول الافكار وانا في الطريق كم مره قلبي يكاد يخرج من مكانو بسبب ناس للاسف حقيقي ماتستحق يكون في ايدها سيارة .


احب اقول للي يسرع وللاسف مايفكر غير في المتعه اللي يشعر بيها بسرعتو ..تعرف ان ممكن وانت ماشي وتقطع بقلوب الخلق تجيك كم دعوه روح الله لا يحفظك.. الله لا يردك .. ان تصيبك الدعوه وينتهي كل شي في ثواني وبعدها ماينفع الندم ولا تصحيح الخطأ


كتبت الكلام على عجلة اسفه لو كان بكلامي اغلاط او اخطاء املائية اهم شي تكون وصلة الفكر والاهم التغيير .. اتمنى التفاعل وفتح الكثير من دي المواضيع لازم نحاول المعالجة الموضوع مو سهل وخسايرو مو هينة

كم سؤال ...

- تعتقد ان السرعه اللي حاصلة عندنا في شوارعنا مشكلة فعلا تعرض حياتنا للخطر او الموضوع ابسط من كذا ؟؟
- ايش السبب في التهور بالسرعه رغم ان المسرعين عارفين خطر سرعتهم وشايفين يمكن كل يوم ماتسببو السرعه في الشوارع من حوادثة فاجعه؟؟
- ايش الحل في رايك ؟؟



في امان الله

[6flah]

جدة فيها زحمة هالأيام أتوقع بتخف السرعة = ))

الاسباب : طيش أو استغلال للمبة الصفرا الي تولع بالاشارة أكثر من الخضرا أحيانا ,
العلاج: تعديل الشوارع + الاشارات + يبطلو الشباب سبهللة ويفكرو بقلب باللي ممكن حيصير لهم فغمضة عين ,,

عموما لا حياة لمن تنادي فلا توجعي قلبك ,.

[nour al3mr]

وعليكم السلام و رحمة الله و بركـــــآته

قلت الصبـــر من السـآئقيــــن كلاً يبغى يطيــر من السـرعة كأن الشـآرع فاضي له و تصير السيـآرة زي قطـآر المـوت ..
تهـــور الشبـآب و قلة وعيهم و طبعاً في فئة من الأعمـآر الكبيـرة عندها الإستهتار ذآته

و أكيـد السـرعة خطيـرة .. راحت فيها عائلات و تيتّم بسببها أبنـاء و أهْلِكت بسببها أروآح

نسـأل الله الســــلآمـة .

[6flah]

^
^
رحمة الله عليه حبيبتي ,,

جعل مثوآآآه الجنة وصبركم ,,

[سنفورة موت.]

أأأه لا تذكروني بس

اللحين بالصيف اروح مع باص هما اثنين واحد يمشي مزبوط بس الثاني وش اقول عنه قسم قسم الجوال يكون معاي بكتب ماقدر يطيح من يدي من سرعته فراري ياناس انا خلاص سميته فراري من سرعنه ولا تكوني صاحيه ومروقه تضربي راسك باللي فوق اه والمشكله نتصقع مايحس عادي ولا حواري جده كلكم عارفينها معه من جد ملاهي درق درق بس نتهزهز


المشكله اذا مافي احد يوديني رمضان بموت معه امكن صراحة الله يهديه كلمت الشركه قالوا نخليه يهدى طيب !!

ياناس حتى اخلاقهم استغفر الله بس


والله اقول لامي اذا جيتك بيوم مفقوع راسي مكسوة رجلي يدي منلفة كلي لا تتعجبين مادام مع فراري

[O-DODY-O]

لالالالا سبب الحوادث مو السرعه السبب شوارعنا المكسره الله يرحم حالنا

وين المشكله لو حكومتنا الموقره وبلديتنا العزيزه و امانتنا الخاينه تكرمو علينا وجابولنا احسن شركات السفلته ..؟؟

والله العظيم شارع جديد مالو يومين مسوينو تمشي تلاقينو كلو حفر

يا ناس ياعالم سياراتنا اتكسرت ابناء شعبنا العزيز نصهم ماتو بسبب السكك المكسره و الحفريات اللي ما ادري ايش تبغا

لازم في كل حته في جده تلاقي حفريات ( الحفريات حقتنا هيا الزينه بدل ما يحطو ورود واشجار يحطون حفريات وحولينها لمبات صفرا )

ما ادري ايش مصبرنا على شوارعنا

[صقر الشمال]

موضوع رائع وجزاكي الله خير عملتي نصح لعل وعسي القلوب تصحي
لاوالله مو بس انتي بكل مكان تعال شوف وجايك رمضان الشهر الكريم تعال شوف نفسيات العالم قبل الافطار
انا احددها في كذ نقطه
1 طيش شباب مراهقين اول نقطه عاقل معتقد يسوي هيك
2- عدم المراقبه من ولي الامر حاط الحبل عا القارب مو داري وين ابنه
3- الفلوس يصدم بكره اخر موديل طالع لاتشيل هم لو حسب قيمه الفلوس وقيمه السياره صح ماعمل كذ
4- لايوجد رادع صحيح تسحب السياره مصادره وغرمات ماصار كذ


عاد بكملونها البنات بعد الناقص خوووووووووووش سواقه ولله ماتحصل احد يشيل له عجوز منتشقلبه ع جنب الطريق بسبب السواقه ههههههههههههههههه

[اوراق ملونة]

المشاركة الأصلية كتبت بواسطة 6flah جدة فيها زحمة هالأيام أتوقع بتخف السرعة = )) الاسباب : طيش أو استغلال للمبة الصفرا الي تولع بالاشارة أكثر من الخضرا أحيانا , العلاج: تعديل الشوارع + الاشارات + يبطلو الشباب سبهللة ويفكرو بقلب باللي ممكن حيصير لهم فغمضة عين ,, عموما لا حياة لمن تنادي فلا توجعي قلبك ,.

وجايك رمضان والعيد ان شاء الله الله يصبرنا يا جدة

اشكرك على مرورك ومشاركتك _^

كلامك 100بالمية بس لازم نتكلم وكيف مايوجعني قلبي وربي مااقدر نفسي اسوي شي بن سوو نقوول والتوعيه لازمة علينا

[اوراق ملونة]

المشاركة الأصلية كتبت بواسطة nour al3mr وعليكم السلام و رحمة الله و بركـــــآته قلت الصبـــر من السـآئقيــــن كلاً يبغى يطيــر من السـرعة كأن الشـآرع فاضي له و تصير السيـآرة زي قطـآر المـوت .. تهـــور الشبـآب و قلة وعيهم و طبعاً في فئة من الأعمـآر الكبيـرة عندها الإستهتار ذآته و أكيـد السـرعة خطيـرة .. راحت فيها عائلات و تيتّم بسببها أبنـاء و أهْلِكت بسببها أروآح نسـأل الله الســــلآمـة .

فعلا اختي كلامك سليم واللي استغربو ان كبار السن نفس المعاناة معاهم لا ويكون معاهم في السيارة العائلة واطفال !!! مدري ايش اقول شباب نقول شباب ويحبو التهور الله يهديهم

مشكوورة يالغالية ع المشاركة ..

[اوراق ملونة]

المشاركة الأصلية كتبت بواسطة سنفورة موت. أأأه لا تذكروني بس اللحين بالصيف اروح مع باص هما اثنين واحد يمشي مزبوط بس الثاني وش اقول عنه قسم قسم الجوال يكون معاي بكتب ماقدر يطيح من يدي من سرعته فراري ياناس انا خلاص سميته فراري من سرعنه ولا تكوني صاحيه ومروقه تضربي راسك باللي فوق اه والمشكله نتصقع مايحس عادي ولا حواري جده كلكم عارفينها معه من جد ملاهي درق درق بس نتهزهز المشكله اذا مافي احد يوديني رمضان بموت معه امكن صراحة الله يهديه كلمت الشركه قالوا نخليه يهدى طيب !! ياناس حتى اخلاقهم استغفر الله بس والله اقول لامي اذا جيتك بيوم مفقوع راسي مكسوة رجلي يدي منلفة كلي لا تتعجبين مادام مع فراري

هههههههههه لا لا لازم ماتسكتي الروح غالية خلي اهلك مثلا يكلومه ويقولوله اذا سرعة بنشتكيك كل الاهالي للشركة ويفصلوك وي
من جد سواقين الباصات دول حكاية تانية ومشكلة لحالها
بعيد الشر عنك يارب .. مشكورة على مرورك العطر