إهدااء مني لكم هذي الأبيات ,, وياليت الجامعه تخفف علينا,,

[Dr-A]

صباح / مساء الخير ,,, لأحلى طالبات وطلاب ,,,
أحب أعبر بهذي القصيده عن شي مرينا به كلنا وعن أحلام أظنها راحت في مهب الريح ,,,
توها اعمارنا ماتعدت 20 سنه وفي أول مشاوير الحياه نصدم بطموحنا المهني ,,,
تركنا أهلنا ,,, وصرنا بين مناهج جديده ,, أسئله صعبه ,,, فراق الأهل,, حتى المذكرات كنا نحتاجها أيام مانلقاها ,,
بس أتركم مع القصيده ووكتبتها حصريا هنا ,, وسبشل لعيون التحضيري ,,
وأطلب بها من الجامعه لو تخفف علينا شوي,, وتقبلنا وتنقل كل الطلاب بعد القبول لجامعات قريبه من أهلهم وكذا تخفف على جامعتها الافواج إللي قبلتها ,,,







ودعتهم أهلي وناسي بين دمعات وغياب
.......................سافرت عن شوفة أمي ونظرة الغالي أبي

في عيوني شي واحد حلم تحقيق اغتراب
......................كان حلمي طب وربي كان هذا مطلبي

ماتهاونت بدقيقه,, صارت أيامي كتاب
....................ينقضي اليوم وانا أدرس كل همي بكتبي

كم تحديت الليالي وجاوزت كل الصعاب
...................ناسيه راحت عيوني حتى أكلي ومشربي

بس مافاد إجتهادي وصبري يخنقه العتاب
..................جيت أبغى طب وصار بس نجاح إللي أبي

كم قسى دكتور وكم قفل التصليح باب
...................لا ختبارات نفعتني ولا إجتهادي وتعبي

مارحم دكتور اجابه ولا عميد اعلن خطاب
.................. يمسح اهات الليالي ويغترب حلمي الأبي

كم قهرني هالمعدل عشت باسبابه عذاب
................ طاحت دموعي عشانه وقلت ياعين اسكبي

انت يامجموعي حزني؟؟ ردني بكلمه وجاب
...................ايه دام الكل قاسي وإكرهيني لو تبي

كم شكى قبلك كثير وصارت الشكوى حساب
................ وطارت أحلام وأماني وهذا كله بسببي

ويش أسوي علموني يعني كل حلمي سراب
,.................يعني كلمة ناجحه ماهي حتى مكسبي

يارب هونها ترا قلبي مع الأحلام ذاب
...................وانت عارف غير كلمة ناجحه ماعاد أبي

وسلااااااااامتكم ,, تحياااااااتي ,,


ياليت القصيده ماتنتقل لقسم أخر عشان كل التحضيري يشوفوها,,